انجمن کالج فور ویمن کی طالبات کا شاندار پرفارمینس؛ میتھس اور کیمسٹری میں حاصل کیا رینک
بھٹکل 21/جنوری (ایس او نیوز) انجمن کالج فور ویمن کی طالبات کا شاندار پرفارمینس پیش کرنے کا سلسلہ جاری ہے، تازہ موصول ہونے والی اطلاع کے مطابق بی ایس سی (فائنل) میں وجئے پور (بیجاپور) کی اکّا مہادیوی ویمن یونیورسٹی میں کمپوٹر سائنس سبجیکٹ میں چھ طالبات کے رینک حاصل کرنے کے ساتھ ساتھ دو طالبات نے میتھس اور ایک نے کیمسٹری میں بھی رینک حاصل کیا ہے۔
انجمن کالج فور ویمن کی پرنسپال محترمہ رئیسہ شیخ کی جانب سے جاری کردہ پریس ریلیز کے مطابق میتھس میں اریکا بنت محمد ایوب گوائی نے 94.38 فیصد اوسط کے ساتھ نمایاں کامیابی حاصل کرتے ہوئے یونیورسٹی لیول پر تھرڈ رینک حاصل کیا ہے، اسی طرح میگھا ماستی گونڈا بنت ماستی گونڈا نے 92.50 فیصد اوسط کے ساتھ یونیورسٹی لیول پر چھٹا رینک حاصل کیا ہے۔ میگھا ماستی گونڈا نے کیمسٹری سبجکیٹ میں بھی 80.94 فیصد مارکس حاصل کرتے ہوئے یونیورسٹی لیول پر پانچویں رینک کی حقدار بنی ہیں۔
خیال رہے کہ شعبہ بی کام میں انجمن کالج فور ویمن کی دو طالبات یونیورسٹی لیول پر ٹاپ ٹین میں شامل ہیں جس میں ایک طالبہ کو چوتھا رینک اور دوسری کو نواں رینک حاصل ہوا ہے۔
انجمن نتائج کے تعلق سے اس سے قبل شائع کی گئی رپورٹ: