عجمان 14جنوری (ایس او نیوز/ جیلانی محتشم)  بھٹکل پریمیئر لیگ کرکٹ ٹورنامنٹ جو اس بار این جی ٹی، بی پی ایل 2017 کے نام سے کھیلا جائے گا، 27 جنوری سے شروع ہوگا، اس بار یہ ٹورنامنٹ عجمان وول گراؤنڈ پر ہوگا۔ اس ضمن میں جمعہ کو کھلاڑیوں کی نیلامی کی گئی جس میں جندوب مٹا سب سے مہنگے کھلاڑی ثابت ہوئے۔ خیال رہے کہ مسلسل چھ سالوں سے بی پی ایل گورننگ بوڈی متحدہ عرب امارات کے مختلف شہروں میں ملازمت کرنے والے بھٹکل و اطراف کے کرکٹ کھلاڑیوں کو ایک پلیٹ فارم پر متحد کرنے کی غرض سے ہر سال ٹورنامنٹ کا انعقاد کرتی آرہی ہے۔

اس مرتبہ اس ٹورنامنٹ میں کل ۸ ٹیمیں حصہ لے رہی ہیں۔ جس میں کل 120 کھلاڑی شامل ہیں۔ اس مرتبہ ٹورنامنٹ فیس پچھلے ٹورنامنٹوں کے مقابلوں میں نصف کی گئی ہے  اور سختی سے تمام ٹیموں کے مالکوں کو آگاہ کیا گیا ہے کہ وہ  فضول خرچی اور زائد خرچی سے دور رہیں۔

کھلاڑیوں کی نیلامی کے موقع پر گفتگو کرتے ہوئے بی پی ایل گورننگ بوڈی کے چیرمین جناب عتیق الرحمن مُنیری نے بتایا کہ اس مرتبہ نیلامی اور ٹورنامنٹ کے درمیان کم وقفہ دیا گیا ہے جس سے تو قع کی جارہی ہے کہ بہت سے اخراجات پر قابو پائے جاسکیں گے۔ اس مرتبہ ہمیں ایک کامیاب اور تنازعات سے دور ہوکر ٹورنامنٹ منعقد کرنا ہے جس کے لئے تمام ٹیم مالکوں ا ور بی پی ایل کی گورننگ کونسل میں تال میل بے حد ضروری ہے۔ 

نیلامی پروگرام کا آغا ز  ناظم مومن کی تلاوت کلام پاک سے ہوا۔ جناب یوسف برماور جنرل سکریٹری  بی  ایم جے ڈی نے کہاکہ  جیسا کھلاڑیوں کے درمیان کنکشن  ضروری  ہوتا ہے، اُسی طرح دوسرے کاموں کی کامیابی کے لئے بھی کنکشن اور کورڈینیشن ضروری ہے۔  قائد قوم جناب ایس ایم سید خلیل الرحمن صاحب نے کہا کہ ہم کھیلوں کو منعقد  کرنے میں بے حد ماہر ہیں جس طرح بھٹکل میں ہمارے نوجوان مختلف کھیلوں کا انعقاد کرتے ہیں جو ایک سے بڑھ کرایک ہوتے ہیں اُسی طرح یہاں پر بھی بہت اعلیٰ پیمانے پورٹورنامنٹوں کا انعقاد ہوتا ہے۔ انہوں نے کہا کہ بھٹکل میں عنقریب کم عمری میں ہی کھلاڑیوں کو تربیت دینے اور اُنہیں آگے بڑھانے کے لئے اسپورٹس اکیڈمی قائم کرنے کی طرف توجہ دی جارہی ہے۔ اور اس سمت میں کام ہورہا ہے۔

اس مرتبہ نیلامی میں جندوب مٹاسب سے مہنگے کھلاڑی ثابت ہوئے جس کو  ڈی وی ایس ا سمیشر نے 105  پوائنٹوں پر حاصل کیا ان کے بعد جناب ضیاء قاضی کا نمبر رہا جنہیں رکن الدین  برادرس ٹائٹن نے 93 پوائنٹس سے اور ناگرج  نائک کو قاسمجی واریرس نے 90 پوائٹنس سے حاصل کیا۔ 

بتایا گیا ہے کہ ہر ٹیموں کے حصہ میں جملہ 15 کھلاڑی ہوں گے۔

 آکشن کورڈینٹر الطاف پٹھان نے پروگرام کی نظامت کی۔ بی پی ایل کمشنر جناب وسیم کے ایم نے کہا کہ  ٹورنامنٹ میں ICC ای سی سی  قوانین و ضوابط  سختی سے نافذ العمل ہوگا اور ہر کھلاڑی اور ٹیم کو وقت کا خاص خیال رکھنا ضروری ہوگا۔ بی پی ایل کے نائب کمیشنرجناب ضیاء شمس الدین جوکاکو نے کلمہ تشکر پیش کیا۔ آکشن کی نیلامی کی نظامت اسماعیل زوریز اور عفان نے بخوبی نبھائی۔ اچھی خاصی کھلاڑیوں اور شیدایوں کی تعداد آکشن ہال میں موجود تھی۔