دبئی کے قریب عجمان میں 16 مارچ سے شروع ہوگا بی پی ایل کرکٹ ٹورنامنٹ؛ کھلاڑیوں کی نیلامی کے دوران انس مُلا سب سے مہنگے کھلاری

Source: S.O. News Service | By I.G. Bhatkali | Published on 4th February 2018, 11:02 PM | خلیجی خبریں | اسپورٹس |

عجمان 4/فروری (ایس او نیوز) بھٹکل پریمیر لیگ کرکٹ ٹورنامنٹ اس بار امین سیف اللہ بی پی ایل 2018 کے نام سے  جانا جائے گا جس کا آغاز16 مارچ سے  عجمان کے ایڈن گارڈن گرائونڈ میں ہوگا، البتہ جمعہ کو اس ٹورنامنٹ کے لئے کھلاڑیوں کی بولی لگائی گئی جس میں انس مُلا سب سے مہنگے کھلاڑی کے طور پر سامنے آئے ہیں۔ ان کے بعد صفوان شانو کا نمبر رہا۔ انس مُلا کو  رکن الدین چیلنجر نے ۱۲۱ پوائنٹس میں حاصل کیا جبکہ صفوان شانو کو 113 پوائنٹس سے این جی ٹی اسٹرائکر نے  حاصل کیا ۔ ٹورنامنٹ کے تعلق سے بتایا گیا ہے کہ اس مرتبہ پہلی بار نیلامی کے دوران ( RTM (Retain to Match  کا استعمال کیا گیا جس میں ٹیم  اپنے ایک اہم کھلاڑی کا نام نیلامی سے پہلے بی  پی ایل  کمشنر کو دیتی ہے اور یہ نام خفیہ رکھا جاتا ہے ۔ جب یہ نام نیلامی میں پیش ہوتا ہے تو اس کو آرام سے اپنی  ٹیم میں شامل کرلیتی ہے ۔  IPL  طرز کے اس طریقہ کار کو ٹیم اور شائقین نے کافی  سراہا ۔

 دبئی میں اس وقت بی پی ایل کرکٹ ٹورنامنٹ کی گہماگہمی جاری ہے، اور کھلاڑیوں کی نیلامی کے ساتھ ہی ٹورنامنٹ کی تیاریاں شروع ہوچکی ہیں۔ بی پی یل کی جانب سے یہ  ساتواں  کرکٹ ٹورنامنٹ ہیں۔

 بی پی ایل گورننگ کونسل  کی جانب سےمسلسل چھ سال سے متحدہ عرب امارات میں مقیم بھٹکل و اطراف کے نوجوانوں کو  ایک دوسرے کے قریب لانے کی کوشش جاری ہے۔نوجوان جو بھٹکل میں اپنی تعلیم مکمل کرتے ہی گلف آجاتے ہیں، کھیل کا تعلق ایک طرح سے ختم ہوجاتا ہے، مگر بی پی ایل کی شروعات  کے ساتھ ہی اُن نوجوانوں کو اپنا کھیل دبئی میں پہنچنے کے بعد بھی جاری رکھنے کا سنہرا موقع ہاتھ آتا ہے۔

بی پی ایل گورننگ کونسل کے چیرمین جناب عتیق الرحمن مُنیری نے بتایا کہ  اس مرتبہ ٹورنامنٹ میں ۶ ٹیمیں حصہ لے رہی ہیں۔ جس میں کل ۹۰ کھلاڑیں شامل ہیں ۔ اس مرتبہ بھی ٹورنامنٹ فیس پچھلے ٹورنامنٹوں کے مقابلہ میں نصف رکھی  گئی ہے  اور سختی کے ساتھ  تمام ٹیموں کے مالکوں  کو آگاہ کیا گیا ہے کہ وہ  کھیل پر زائد خرچ نہ کریں اور فضول خرچی سے دور رہیں ۔مسٹر مُنیری نے بتایا کہ  اس مرتبہ ہمیں ایک کامیاب اور تنازعات سے ہٹ کر ٹورنامنٹ کا انعقاد  کرنا ہے جس کے لئے تمام ٹیم مالکوں  ا ور بی پی ایل گورننگ کونسل کے درمیان   تال میل ضروری ہے ۔ 

کھلاڑیوں کی نیلامی کے پروگرام کا آغا ز مولوی نافع کی  تلاوت قران  سے ہوا۔ سرپرست بی پی ایل جناب محمد غوث خلیفہ نے تمام مہمانوں اور کھلاڑیوں کا استقبال کیا ۔ اس کے بعد قائد قوم  ڈاکٹر ایس ایم سید  خلیل الرحمن صاحب نے کہا  کہ میں سمجھ رہا تھا کہ اس بار بی پی ایل نہیں ہوگا لیکن نوجوانوں کے لئے بی پی ایل گورننگ کونسل  نے  بہت اچھا قدم اٹھایا ہے ، انہوں نے  کہا کہ بی پی ایل ایک اچھا تفریحی پروگرام ہے اس سے بہت سارے کھلاڑیوں کا پرفارمینس  دیکھنے کو ملتا ہے۔

بی پی ایل 2018 ٹورنامنٹ میں جن  چھ ٹیموں کو موقع دیا گیا ہے،  اس  کے نام یہ ہیں: 
ابوظبی رائڈرس۔ٹریک چارجر ‘ ڈی وی ایس یونائٹید ‘ کے ایم واریر ’ رکن الدین چیلنجر اور ان جی ٹی اسٹرائکر۔

اس بار ٹورنامنٹ کے سبھی میچس دوپہر  کے بعد کھیلے جائیں گے۔پہلا میچ ۱۶ مارچ کو رکن الدین چیلنجر اور این جی ٹی اسٹرائکر کے درمیان ہوگا۔
بی پی ایل کے  ڈپٹی کمشنر جناب ضیاء شمس الدین جوکاکو نے شکریہ کلمات پیش کیں اور کرکٹ ٹورنامنٹ کا شیڈول پیش کیا۔ آکشن کی نیلامی کی نظامت عمران خطیب ‘ عفان گنگاولی ‘ افنان سدی باپا اور سمیر قاضیا نے کی ۔ اس موقع پر کھلاڑیوں سمیت کرکٹ کے کافی شیدائی موجود تھے۔

ایک نظر اس پر بھی

بھٹکل اوراطراف کے 18 ماہی گیر ایران سرحد پر گرفتار؛ دبئی سمندر میں ماہی گیری کے دوران پیش آیا واقعہ؛ گھروں میں مچ گیا کہرام

بھٹکل اور اطراف کے جملہ 18 ماہی گیروں کو دبئی بحر عرب   میں مچھلیوں کا شکار کرنے کے دوران ایران سرحد پر گرفتار کرنے کی اطلاع آج  بدھ کو منظر عام پر آئی ہے جس کے بعد متعلقہ ماہی گیروں کے گھروں میں کہرام مچ گیا ہے۔گرفتار شدگان میں بھٹکل تینگنگونڈی کے چھ، مرڈیشور کے تین،  کمٹہ ...

ہار مان چکے تھے محمد حفیظ ... لیکن شعیب اختر کے ایک فون کال نے بدل دی زندگی

آسٹریلیا کے خلاف دبئی ٹیسٹ میں شاندار سنچری لگانے والے محمد حفیظ کے بارے میں ایک سنسنی خیز انکشاف ہوا ہے ۔ خبر یہ ہے کہ محمد حفیظ نے پاکستان کی ٹیم میں سلیکشن نہ ہونے کی وجہ سے ریٹائرمنٹ لینے کا فیصلہ کرلیا تھا ، لیکن سابق تیز گیند باز شعیب اختر نے انہیں فون کرکے یہ بڑی غلطی ...

سہواگ کے بعد کسی اور اوپنر کو جارحانہ انداز سے بیٹنگ کرتے نہیں دیکھا: آفریدی کا خیال

پاکستان کے آل راؤنڈر شاہد آفریدی نے ہندوستان کے جارحانہ مزاج اوپنگ بلے باز وریندر سہواگ کی تعریف کرتے ہوئے کہا ہے کہ مجھے ہر وہ کھلاڑی پسند ہے جو جارحانہ مزاج رکھتا ہو اور خاص طور پر اوپننگ بلے باز جو بالر کی دھلائی کرے، اس معاملے میں نے وریندر سہواگ کے بعد کسی اور اوپننگ بلے ...

ہندستان بمقابلہ ویسٹ انڈیز : ہندوستان کی ٹیسٹ تاریخ میں سب سے بڑی جیت

 ہندوستان کی کرکٹ ٹیم نے بلے بازوں کی شاندار اننگز اور گیندبازوں کی عمدہ کارکردگی کی بدولت فالو آن کے لئے مجبور ہوئی ویسٹ انڈیز کے خلاف پہلے کرکٹ ٹیسٹ کے تیسرے ہی دن ہفتہ کو میچ اپنے نام کرتے ہوئے اننگز اور 272 رنز سے ٹیسٹ تاریخ کی سب سے بڑی جیت درج کر لی۔ ...

ڈیبوٹیسٹ میں سنچری لگانے والے ہندوستان کے دوسرے نوجوان کھلاڑی بنے پرتھوی شا

ویسٹ انڈیز کے خلاف راج کوٹ میں کھیلے جا رہے دو ٹیسٹ میچوں کی سیریز کے پہلے ٹیسٹ کے پہلے دن 18سال کے سلامی بلے باز پرتھوی شا نے اپنے پہلے میچ میں ہی شاندار بلے بازی کرتے ہوئے سنچری جڑ دیا ۔ اسی کے ساتھ شا سب سے کم عمر کے ہندوستان کے دوسرے بلے باز بن گئے ہیں جنہوں نے اپنے کریئر کے ...