بورنگ میڈیکل کالج کی شروعات کا سہرا روشن بیگ کے سر: عبید اﷲ شریف

Source: S.O. News Service | By Shahid Mukhtesar | Published on 8th November 2017, 1:12 AM | ریاستی خبریں |

بنگلورو،7؍نومبر(ایس او نیوز؍عبدالحلیم منصور)شہر کے قلب میں بورنگ اور لیڈی کرزن اسپتال کے احاطہ میں میڈیکل کالج کی شروعات وزیر شہری ترقیات وحج جناب روشن بیگ کا ایک سنہری کارنامہ ہے۔ اس اسپتال کو ترقی دینے کیلئے شروع سے ہی روشن بیگ کی جدوجہد رہی ہے۔ اور آج جدید ترین سہولیات سے اس اسپتال کو آراستہ کرنے کیلئے وزیر اعلیٰ سدرامیا جب عالیشان عمارت کا سنگ بنیاد رکھ رہے ہیں تو اس کارنامہ کا سہرا مکمل طور پر روشن بیگ کے سر جاتا ہے، یہ بات کرناٹک پردیش کانگریس کمیٹی کے جنرل سکریٹری محمد عبیداﷲ شریف نے کہی۔ اپنے اخباری بیان میں انہوں نے کہاکہ روشن بیگ کی جدوجہد سے ریاست کے حجاج کرام کیلئے مثالی حج کیمپ اور ہیگڈے نگر میں عالیشان حج ہاؤز کی تعمیر سے بڑھ کر بہترین کارنامہ بورنگ اسپتال کی ترقی ہے۔اس اسپتال میں سماج کے تمام طبقات سے وابستہ مریض روزانہ اپنی بیماریوں کے علاج کیلئے رجوع ہوتے ہیں۔اس اسپتال میں اگر مریضوں کو بہتر سہولت مہیا ہورہی ہے تو وہ روشن بیگ کی مسلسل توجہ اور ذاتی دلچسپی کا ہی نتیجہ ہے۔اپنے سیاسی کیریئر کی شروعات سے لے کر اب تک روشن بیگ نے اس اسپتال سے اپنی توجہ کبھی نہیں ہٹائی۔ اسپتال کی تعمیر وترقی کو انہوں نے ہمیشہ مقدم جان کر کام کیا ہے۔ شہر بنگلور میں دوسرے میڈیکل کالج کی ضرورت کے متعلق وزیراعلیٰ سدرامیا کو باور کرواتے ہوئے بورنگ اسپتال کے احاطہ میں اس کا قیام کرواکر روشن بیگ نے اس اسپتال کے تئیں اپنی وابستگی کا نہ صرف حق ادا کیا ہے بلکہ اس میڈیکل کالج کو حلقہ کے عوام کیلئے روشن بیگ کا ایک بیش بہا تحفہ قرار دیا جاسکتاہے، جہاں میڈیکل کالج میں سالانہ تین سو سے زائد ڈاکٹر تیار ہوں گے وہیں مریضوں کیلئے نئی نئی سہولیات اور علاج کیلئے نئے نئے طریقے ریسرچ انسٹی ٹیوٹ کے ذریعہ مہیا ہوں گے ،اس کے ساتھ بورنگ اسپتال کے احاطہ میں ہی ٹروما سنٹر قائم کرنے روشن بیگ کی پہل خوش آئند ہے۔ اس سنٹر کی ضرورت شہر میں کافی دنوں سے محسوس کی جارہی تھی۔ اس میڈیکل کالج کی شروعات اور عمارت کے سنگ بنیاد پر محمد عبیداﷲ شریف نے روشن بیگ کو مبارکباد پیش کی ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔