بھٹکل 20/اپریل (ایس او نیوز) یہاں موگلی ہونڈا ریلوے ٹریک کے قریب ایک نامعلوم شخص کی لاش کئی تکڑوں میں پائی گئی ہے جس کو دیکھ  کر شبہ ہوتا ہے کہ یا تو یہ شخص کسی چلتی ٹرین سے نیچے گرکر ہلاک ہوا ہے، یا پھر پٹری کے قریب سے گذرنے کے دوران اچانک ٹرین کی زد میں آکر تکڑے تکڑے ہوگیا ہے۔

صبح قریب سات بجے ریلوے پٹری کے قریب سے گذرنے والے لوگوں نے لاش کے تکڑوں کو دیکھ کر پولس کو خبر کی۔ 

عمر قریب 50 سے 55 سال کے درمیان ہے۔ چہرے میں ہلکی خراش ہے مگر  چہرہ صاف ہے، البتہ جسم کے دیگر حصے الگ الگ ہوکر کٹ گئے ہیں۔  لاش کو فی الحال سرکاری اسپتال کے فریزر میں رکھا گیا ہے۔ 

بھٹکل ٹائون پولس تھانہ میں معاملہ درج کیا گیا ہے، اگر کوئی لاش کے تعلق سے جانکاری حاصل کرنا چاہتا ہو تو بھٹکل ٹائون پولس تھانہ سےجانکاری  حاصل کرسکتے ہیں  یا پھر بھٹکل سرکاری اسپتال پہنچ کر لاش کا معائنہ کیا جاسکتا ہے۔