بھٹکل 21/ اپریل (ایس او نیوز) کل جمعرات صبح موگلی ہونڈا ریلوے ٹریک سے لگے ہوئے ایک برساتی نالے میں ایک نامعلوم شخص کی لاش بازیافت ہوئی تھی، جس کے بدن کے تکڑے تکڑے ہوچکے تھے ، اُس کی شناخت آج ہوگئی ہے۔
بتایا گیا ہے کہ یہ شخص یلوڈی کووئور کا رہنے والا منجیا گویل نائک ہے جس کی عمر 68 سال ہے۔ ذرائع سے معلوم ہوا ہے کہ یہ اکثر شراب پی کر نشہ میں دھت رہتا تھا، اس بناء پر سمجھا جارہا ہے کہ غالباً بدھ کی رات کو بھی یہ شخص شراب کے نشے میں دھت ہوکر ریلوے ٹریک کے قریب سے گذر رہا ہوگا کہ اچانک تیز رفتار ٹرین کی زد میں آگیا اور تکڑے تکڑے ہوکر قریبی نالے میں جاگرا۔
بھٹکل سرکاری اسپتال میں لاش کا پوسٹ مارٹم کرنے کے بعد بھٹکل ٹائون پولس نے لاش کو گھروالوں کے حوالے کردیا ہے۔
پی ایس آئی کوڈگونٹی مزید چھان بین کررہے ہیں۔