اُڈپی کے اُچھیلا سمندر کنارے پر لاپتہ ہونے والے نوجوان کی لاش برآمد
اُڈپی 23/ جنوری (ایس او نیوز) تعلقہ کے اُچھیلا سمندر کنارے آج پیر صبح ایک نوجوان کی لاش برآمد ہوئی ہے، جس کی شناخت لاپتہ ہونے والے نوجوان راجیو گوڈا (21) کی حیثیت سے کی گئی ہے۔ ذرائع سے ملی اطلاع کے مطابق راجیو گوڈا ہاسن میں کمپوٹر کی کسی فرم میں ملازمت کرتا تھا، جس کے دوران فرنگی پیٹ کی ایک لڑکی کے پیار کے چکر میں پھنس گیا۔ بتایا جارہا ہے کہ محبت میں ناکام ہونے کی وجہ سے اُس نے غالباً سمندر میں کود کر خودکشی کی ہوگی۔
ذرائع نے بتایا کہ قریب آٹھ روز قبل مینگلور تعلقہ کے اُروا پولس تھانہ میں راجیو گوڈا کی گمشدگی کے تعلق سے شکایت درج کی گئی تھی، مگر اب اُس کی نعش اُڈپی کے اُچھیلا سمندر سے برآمد ہوئی ہے۔
پڈوبدری پولس تھانہ میں اس تعلق سے معاملہ درج کیا گیا ہے اور پولس پورے معاملے کی چھان بین کررہی ہے۔