آن لائن کھیل ’’بلیو وہیل‘‘ سے چیف جسٹس بھی فکر مند، کہااین آئی اے سے کروائیں جانچ
نئی دہلی،16اگست(ایس او نیوز؍آئی این ایس انڈیا) آن لائن کھیل بلیو وہیل کے سبب ملک کے مختلف حصوں میں ہو رہی اموات کو سپریم کورٹ نے سنجیدگی سے لیا ہے۔ بدھ کو سپریم کورٹ نے اس معاملے کی جانچ قومی جانچ ایجنسی (این آئی اے) سے کرانے کو کہا ہے۔ چیف جسٹس جے ایس کھیہر نے معاملے کی سماعت کرتے ہوئے کہا کہ بلیو وہیل گیمز کھیلنے والوں کو خطرناک چیلنج کیا جاتا ہے، اسے کھیلنے والے سے کچھ بھی کرا لیا جاتا ہے۔ ایسے میں معاملے کی این آئی اے سے جانچ ہونی چاہئے۔غور طلب ہے کہ ملک کے مختلف حصوں میں بہت سے بچوں کے اس کھیل میں جان کو خطرے میں ڈالنے کی خبریں آ چکی ہیں، جس میں ایک بچے کی جان چکی ہے۔ وہیں ترنت پورم میں بھی ایک بچے کی موت کی خبر آ رہی ہے، اگرچہ ابھی اس معاملے میں پولیس کی تحقیقات جاری ہے۔
