بی جے پی پر سوال اٹھانے والوں کو دینا ہوگا جواب: روی شنکر پرساد

Source: S.O. News Service | By Shahid Mukhtesar | Published on 16th May 2018, 12:06 PM | ریاستی خبریں |

بنگلور و،15 مئی ( ایس او نیوز؍آئی این ایس انڈیا)کرناٹک اسمبلی انتخابات کے ابتدائی رجحانات میں بی جے پی کو اکثریت حاصل ہوتی ہوئی نظرآرہی ہے۔جس کی وجہ سے پارٹی میں خوشی کا ماحول ہے۔ منگل کی صبح ووٹوں کی گنتی شروع ہونے کے کچھ دیر بعد ہی رجحانات سامنے آنے لگے۔ کرناٹک انتخابات کے ر جحانات اپنے حق میں دیکھ بی جے پی لیڈر خوشی سے جھوم اٹھے اور ایک دوسرے کو مٹھائی کھلا کر جشن مناتے ہوئے نظر آئے۔

اس دوران مرکزی وزیر روی شنکر پرساد اور وزیر دفاع نرملا سیتا رمن نے میڈیا سے بات چیت کی۔کرناٹک انتخابات کے نتائج کو لے کر روی شنکر پرساد نے کہا کہ بی جے پی کی جیت پر بار بار سوال اٹھانے والوں کو آج جواب دینا ہوگا۔ اس جیت کے لئے ہم کرناٹک کے عوام کو سلام کرتے ہیں ۔کرناٹک میں بی جے پی کی جیت مودی کی قیادت میں عوام کے اعتماد کی جیت ہے۔ اب ہم ترقی کی راہ کو آگے بڑھائیں گے۔

انہوں نے کہا کہ بی جے پی صدر امت شاہ کے انتظامی صلاحیت اور محنت کی وجہ سے کرناٹک میں کامیابی حاصل کی ہے، یہ کارکنوں کی فتح ہے۔ کانگریس پر بالواسطہ نشانہ لگاتے ہوئے مرکزی وزیر پرساد نے کہا کہ جو لوگ شروع سے بی جے پی کی شکست کا اعلان کر رہے تھے، اب ان کو جواب دینا چاہئے۔ میں ان سے سوال پوچھنا چاہتا ہوں، جو الیکشن نتائج آنے کے پہلے ہی بی جے پی کی شکست کی بات کہہ رہے تھے۔مرکزی وزیر روی شنکر پرساد کا کہنا ہے کہ انتخابات میں بی جے پی کا ہارنا یا جیتنا الگ بات ہے، لیکن بار بار بی جے پی پر سوالیہ نشان کھڑا کرنا ٹھیک نہیں ہے۔ اس دوران انہوں نے کانگریس صدر راہل گاندھی پر طنز بھی کرنے سے نہیں چوکے ،انہوں نے کہا کہ راہل گاندھی نے خود کو وزیر اعظم کا اعلان کر دیا اور کہا کہ میں مودی کی آنکھوں میں دیکھ رہا ہوں کہ وہ وزیر اعظم نہیں بنیں گے، لیکن عوام نے دکھا دیا کہ ان کو مودی کی ’قیادت‘ اور پالیسیوں میں یقین ہے۔روی شنکر پرساد کا کہنا ہے کہ ہر الیکشن سے پہلے ایسا ماحول بنانے کی کوشش کی جاتی ہے کہ بی جے پی الیکشن ہار رہی ہے۔ ہر بار ایسا تجزیہ غلط ثابت ہوتا ہے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔