بی جے پی کا آپریشن کمل کبھی کامیاب نہیں ہوگا: ڈی کے شیوکمار

Source: S.O. News Service | By Shahid Mukhtesar | Published on 13th October 2018, 12:19 AM | ریاستی خبریں |

بنگلورو،12؍اکتوبر(ایس او نیوز) ریاست کی مخلوط حکومت کو گرانے کے لئے ایک بار پھر بی جے پی کی طرف سے مبینہ آپریشن کمل کی شروعات پر تبصرہ کرتے ہوئے ریاستی وزیر برائے آبی وسائل ڈی کے شیوکمار نے کہا کہ ایسا لگتا ہے کہ سابق نائب وزیراعلیٰ آر اشوک نے گھوڑوں کی تجارت شروع کردی ہے اس تجارت میں انہیں نفع ملے ان کو وہ یہی نیک تمنا پیش کرنا چاہتے ہیں۔

آج کے پی سی سی دفتر میں بلاری لوک سبھا حلقے سے کانگریس امیدوار کے انتخاب کے سلسلے میں منعقدہ میٹنگ کے بعد اخباری نمائندوں سے بات چیت کرتے ہوئے انہوں نے کہاکہ بی جے پی لیڈر اشوک اور سری راملونے کھلاعام تسلیم کیا ہے کہ وہ اراکین اسمبلی کو خریدنے کی کوشش میں لگے ہوئے ہیں۔ مجھے امید ہے کہ ان کایہ نیا دھندہ چل پڑے گا۔ سری راملو کے متعلق مزید کچھ کہنے سے انکار کرتے ہوئے شیوکمار نے کہاکہ سری راملو بہت بڑے لیڈر ہیں ان کے بارے میں مجھ جیسا چھوٹا لیڈر کیا کہہ سکتاہے۔ان کی پارٹی نے انہیں ریاست میں جمہو ریت کو نقصان پہنچانے کی ذمہ داری سونپی ہے ، وہ اسے بخوبی نبھانے کی کوشش کررہے ہیں۔

انہوں نے کہاکہ لوک سبھا کی تین نشستوں کے لئے ہونے والے ضمنی انتخابات میں کانگریس جے ڈی ایس اتحاد کو ضرورکامیابی ملے گی۔ ریاست میں مخلوط حکومت مستحکم اور حکومت میں شامل دونوں پارٹیاں متحد ہیں۔ انہوں نے کہاکہ آج بلاری کے امیدوار کو منتخب کرنے کے سلسلے میں سابق وزیراعلیٰ سدرامیا کی طرف سے جو میٹنگ طلب کی گئی تھی اس میں سوائے انیل لاڈ کے سبھی اراکین اسمبلی نے حصہ لیا۔انیل لاڈ چونکہ ریاست میں نہیں ہیں اسی لئے وہ اس میٹنگ میں شریک نہیں ہوئے۔ امیدوار کے سلسلے میں جو بھی اتفاق ہوگا اس کی اطلاع کانگریس اعلیٰ کمان کو دی جائے گی۔

ریاستی وزارت سے این مہیش کے استعفے کے متعلق سوال پر ڈی کے شیوکمار نے کہاکہ انہیں استعفیٰ دینے کی کوئی ضرورت نہیں تھی، وہ چاہیں گے کہ مہیش اپنا استعفیٰ واپس لیں اور اپنے محکمے کی ذمہ داری کو بخوبی نبھائیں۔انہوں نے کہاکہ پچھلے ساڑھے چار ماہ کے دوران مہیش نے اپنے محکمے کو اچھے طریقے سے سنبھالاتھا ۔ ان کے استعفے کی سیاسی وجوہات کے متعلق تبصرہ کرنے سے گریز کرتے ہوئے انہوں نے کہاکہ ایک اچھا کام کرنے والے وزیر کو اس طرح کی سیاست کا شکار نہیں بنایا جانا چاہئے تھا۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔