یوپی :بی جے پی کے سینئر لیڈر کلراج مشرا لوک سبھا انتخابات نہیں لڑیں گے

Source: S.O. News Service | By Shahid Mukhtesar | Published on 22nd March 2019, 12:08 AM | ملکی خبریں |

لکھنؤ، 21 مارچ (ایس او نیوز؍آئی این ایس انڈیا) اتر پردیش کے قدآور بی جے پی لیڈر کلراج مشرا لوک سبھا انتخابات نہیں لڑیں گے۔اس بات کا اعلان انہوں نے خود کیا ہے۔کلراج مشرا دیوریا سے بی جے پی کے موجودہ ایم پی ہیں۔کلراج مشرا کی عمر 75 سال سے زیادہ ہے اور ہو سکتا ہے اسی وجہ سے انہوں نے یہ فیصلہ لیا ہو،اگرچہ ان کا کہنا ہے کہ پارٹی نے دوسرے بہت سے کام سونپے ہیں۔کلراج مشرا نے کہاکہ میں اس بار الیکشن نہیں لڑوں گا،مجھے کئی دوسری بڑی ذمہ داری دی گئی ہے لہذا میرا وقت اس میں لگے گا۔مودی کابینہ میں کلراج مشرا چھوٹے صنعت وزیر کے طور پر بھی کام کر چکے ہیں۔انہوں نے اپنی بڑھی ہوئی عمر کو وجہ بتاتے ہوئے وزیر کے عہدے سے استعفی دے دیا تھا۔بتا دیں کہ دیوریا لوک سبھا سیٹ پر 19 مئی کو پولنگ ہوگی،ابھی تک بی جے پی نے اس سیٹ پر اپنے امیدوار کے نام کا اعلان نہیں کیا ہے۔دیوریا کی نشست پر اس بار بی جے پی کے کئی لیڈر اپنی دعویداری پیش کر رہے ہیں۔ان لیڈروں میں بی جے پی کے ریاستی ترجمان شلبھ منی ترپاٹھی، دیویندر پرتاپ سنگھ جیسے لوگ ہیں۔بی جے پی 75 سال سے زیادہ عمر کے لیڈران کو ٹکٹ نہ دینے کے موڈ میں ہے، تاکہ نئے چہروں کو موقع مل سکے،اگرچہ پارٹی نے صاف صاف کہا ہے کہ کسی بھی عمر کے فاتح امیدواروں کو ٹکٹ دیا جائے گا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...