ریاست کے اقتدار پر قبضہ کرنے بی جے پی کا خواب ، خواب ہی رہے گا: ملیکارجن کھرگے

Source: S.O. News Service | By Shahid Mukhtesar | Published on 13th September 2018, 12:13 PM | ریاستی خبریں |

بنگلورو13؍ستمبر(ایس او نیوز) لوک سبھا میں کانگریس پارٹی لیڈر ملیکارجن کھرگے نے کہا ہے کہ ریاست کی کانگریس جے ڈی ایس مخلوط حکومت کو گرانے کے متعلق بی جے پی جو خواب دیکھ رہی ہے وہ کبھی پورا نہیں ہوگا۔

اخباری نمائندوں سے بات چیت کرتے ہوئے انہوں نے کہاکہ کانگریس نے ڈی کے شیوکمار اور جارکی ہولی برادران کے درمیان اگر کسی معمولی بات پر اختلاف ہے تو اسے پارٹی کے سینئر قائدین اور اعلیٰ کمان سلجھانے کی صلاحیت رکھتے ہیں۔ صرف اسی بات کو بنیاد بناکر بی جے پی اگر اقتدار پر قبضہ کرنے کا خواب دیکھتی ہے تو یہ اس کے احمق پن کی کھلی نشانی ہے۔

انہوں نے کہا کہ ریاست میں اقتدار حاصل کرنے کے لئے بی جے پی کس حد تک گرچکی ہے وہ اس بات سے ظاہر ہوتاہے کہ اراکین اسمبلی سے غیر ضروری طور پر رابطہ کیا جارہاہے اور انہیں مرکزی ایجنسیوں کے ذریعے ڈرایا دھمکایا جارہا ہے۔

انہوں نے کہاکہ جارکی ہولی برادران کی طرف سے حکومت کو گرانے کی کوئی کوشش نہیں کی جارہی ہے غیر ضروری طور پر بی جے پی اس معاملے کو ہوا دینے کی کوشش کررہی ہے۔ انہوں نے کہاکہ ریاست کے سیاسی حالات سے پارٹی اعلیٰ کمان کو واقف کرایا گیا ہے، جلد از جلد جو بھی اختلاف ہے اسے سلجھالیا جائے گا۔ 

ایک نظر اس پر بھی

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔