اپوزیشن سے لڑنے کے لئے مودی نے سی بی آئی اور ای ڈی کو ’بندھوامزدور‘بنادیا: کانگریس

Source: S.O. News Service | By Shahid Mukhtesar | Published on 8th December 2018, 10:54 PM | ملکی خبریں |

نئی دہلی،08؍ دسمبر (ایس او نیوز؍آئی این ایس انڈیا) کانگریس نے رابرٹ واڈرا کے ساتھیوں کے احاطے پر ای ڈی کی چھاپہ ماری کو لے کر ہفتہ کو نریندر مودی حکومت پر پھر حملہ بولا اور الزام لگایا کہ وزیر اعظم مودی نے اپنے سیاسی مخالفین سے لڑنے کے لئے سی بی آئی، ای ڈی اور محکمہ انکم ٹیکس کو ’بندھوامزدور‘بنا دیا ہے۔پارٹی نے یہ بھی دعوی کیا کہ پانچ ریاستوں کے اسمبلی انتخابات میں بی جے پی کی یقینی شکست کودیکھ کر مودی حکومت گھبرائی ہوئی ہے اور واڈرا کے خلاف انتقام کے جذبے سے کام کر رہی ہے۔غور طلب ہے کہ واڈرا کانگریس کی سینئر لیڈر سونیا گاندھی کے داماد ہیں۔کانگریس کے ترجمان ابھیشیک منو سنگھوی نے بتایاکہ انچ ریاستوں کے اسمبلی انتخابات میں بی جے پی کا مکمل طور پرشکست کو دیکھ کر مودی حکومت دوبارہ پرانے ہتھکنڈوں کی طرف لوٹ آئی ہے۔گزشتہ 54 مہینوں میں مودی حکومت کا بدعنوانی سے لڑائی کا نقاب اتر چکا ہے۔اب وہ ناکامی سے لوگوں کی توجہ بھٹکانے کی کوشش میں مصروف ہے۔انہوں نے دعوی کیاکہ مودی حکومت نے اپنے سیاسی مخالفین سے جنگ کے لئے سی بی آئی، ای ڈی اور محکمہ انکم ٹیکس کو بندھوا مزدور بنا دیا ہے۔سنگھوی نے کہاکہ رابرٹ واڈرا اور ان کے ساتھیوں کے احاطے پر چھاپہ ماری بھی مخالفین کے خلاف سازشوں میں نئی کڑی ہے۔انتقام کے جذبے سے کام کیا گیا ہے۔غور طلب ہے کہ ای ڈی نے دفاعی سودوں میں کچھ مشتبہ افراد کی طرف سے مبینہ طور پر کمیشن جانے کی تحقیقات کے سلسلے میں جمعہ کو رابرٹ واڈرا کی کمپنیوں سے منسلک تین لوگوں کے ٹھکانوں پر چھان بین کی کارروائی کی۔ای ڈی کے ایک افسر نے کہا کہ واڈرا کے ساتھیوں کے خلاف چھان بین کی کارروائی دفاعی سودوں میں کچھ مشتبہ افراد کی طرف سے مبینہ طور پر کمیشن لینے کے سلسلے میں گئی ہے۔

ایک نظر اس پر بھی

سرمائی سیشن میں رافیل اور آر بی آئی کی خودمختاری کامسئلہ اٹھایاجائے گا:غلام نبی آزاد

کانگریس کے سینئر لیڈر غلام نبی آزاد نے پیر کو کہا کہ پارلیمنٹ کے سرمائی اجلاس میں رافیل طیارے سودے کی تحقیقات کے لئے مشترکہ پارلیمانی کمیٹی (جے پی سی)کے قیام کا مطالبہ اور ریزرو بینک کی خود مختاری اور جانچ ایجنسیوں کے مبینہ غلط استعمال سمیت کئی دیگر مسائل اٹھائے جائیں گے ۔

مودی حکومت غیر قانونی طریقے سے سوچھ توانائی کے پیسے کوکہیں اورلگارہی ہے: سیتا رام یچوری

کمیونسٹ پارٹی (سی پی ایم)کے سیکریٹری جنرل سیتا رام یچوری نے پیر کو الزام لگایا کہ مرکز کی بی جے پی حکومت ریاستوں کو جی ایس ٹی میں ان کے حصے کی ادائیگی کے لئے سوچھ توانائی فنڈ کی رقم غیر قانونی طور پر استعمال کر رہی ہے۔

اقلیتی تعلیمی پروگرام میں آندھرا پولیس کے ذریعہ زیادتی کی پاپولر فرنٹ نے کی مذمت

پاپولر فرنٹ آف انڈیا کے جنرل سکریٹری ایم محمد علی جناح نے آندھرا پردیش میں پاپولر فرنٹ کے ایک تقسیمِ اسکالرشپ پروگرام میں کچھ پولیس افسران کی خلل اندازی اور جھوٹے الزامات میں تنظیم کے زونل سکریٹری و دیگر ضلعی لیڈران کی من مانی گرفتاری اور انہیں زدوکوب کرنے کے طریقے کی سخت ...