بی جےپی پریورتنا ریلی کی بھٹکل آمد: یڈی یورپا کا سدرامیا پر الزام؛ کہا ان سے دھرم اور سنسکرتی کو نقصان ہے

Source: S.O. News Service | By Abu Aisha | Published on 14th November 2017, 4:55 AM | ساحلی خبریں | ان خبروں کو پڑھنا مت بھولئے |

بھٹکل:13/ نومبر (ایس اؤنیوز) ریاست کرناٹکا میں تغلق دربار ہے، ریاست کی کانگریس حکومت صرف ایک فرقہ کی بہبودی کے لئے کام کررہی ہے۔یہ حکومت فرقہ وارانہ ہم آہنگی کے لئے کام کرنے کے بجائے فرقہ پرستی کو ہوا دے رہی ہے۔ ہندو نوجوانوں کا ریاست میں قتل ہورہا ہے اور ریاست کی کانگریس حکومت خاموش ہے۔ ان باتوں کا الزام  بی جے پی کے ریاستی صدر بی ایس یڈیورپا نے لگایا۔ 

بی جے پی کی ریاست گیر پریورتنا ریلی کے ذریعے بھٹکل پہنچنے کے بعد یڈی یورپا نے شہر کے گرو سدھیندرا کالج میں عوامی اجلاس سے خطاب کیا جس میں انہوں نے کہاکہ این آئی اے کی طرف سے  کیرلا اور کرناٹکا میں ایس ڈی پی آئی اور پی ایف آئی سے ملک کو خطرہ ہونے کی رپورٹ دینے کے باوجود کانگریس ان ہی  کو مضبوط کررہی ہے۔ اپنے خطاب کے دوران انہوں نے بھٹکل بلدیہ تحویل کارروائی کے دوران ہلاک ہونے والے  رام چندر نائک کو بھی یاد کیا۔

اپنے پورے خطاب میں یڈیورپا نے ریاستی حکومت کو تنقید کا نشانہ بناتے ہوئے کہاکہ ریاست کے وزیرا علیٰ نے 4مرتبہ اُڈپی کا دورہ کیا لیکن کبھی شری کرشنا مٹھ میں قدم تک نہیں رکھا۔یڈی یورپا کے مطابق  مچھلی کھاکر دھرمستھل پہنچنے والے  سدرامیا دروازے میں ہی کھڑے ہوکر واپس لوٹ گئے ۔ آگے کہا کہ سدرامیا کے رویہ سے ایسا لگتا ہے کہ وہ  دھرم، سنسکرتی ، رسم و رواج کو نقصان پہنچارہے ہیں۔ سدرامیا ذات پات کی سیاست کررہے ہیں۔ ریاستی خزانے کو لوٹ کر اپنی جیب بھر رہے ہیں۔ لوک آیوکتہ کو کمزور کرکے اے سی بی کی تشکیل کرتے ہوئے اپنے اور اپنے خاندان کے معاملات سے رہائی پانے کی کوشش کررہے ہیں۔انہوں نے واضح کیا کہ  اگلی بار اگر بی جےپی اقتدار سنبھالتی ہے تو سدرامیا حکومت کے تمام معاملات کی دوبارہ جانچ کرائی جائے گی۔ انہوں نے اس موقع پر ڈی وائی ایس پی گنپتی قتل معاملے کا تذکرہ کرتے ہوئے کابینہ کے وزیر جارج کے استعفیٰ کامطالبہ کیا اور کہا کہ اگر انہوں نے استعفیٰ نہیں دیا تو  سدرامیا کو آگے بڑھنے نہیں دیا جائے گا۔ ریاستی کانگریس نگراں کار وینوگوپال پر تنقید کرتے ہوئے کہا یڈی یورپا نے کہا کہ ان پر عصمت دری کا کیس درج ہے ۔ یدی یورپا نے  کانگریس مکت بھارت بنانے کا ارادہ بھی ظاہرکیا۔ یڈیورپا نے اعتماد ظاہر کیا کہ اگلے دنوں میں ہماچل پردیش، گجرات کے ساتھ کرناٹکا میں بھی بی جے پی اپنی جیت درج  کرے گی۔

یڈی یورپا نے بھٹکل کے عوام سے اپیل کی کہ وہ بی جے پی کو ووٹ کرتے ہوئے ڈاکٹر یو چترنجن کے خواب کو پورا کریں۔ اس موقع پر انہوں نے اپنے دور اقتدار میں کئے گئے ترقیاتی  کاموں کو بھی پیش کرتے ہوئے عوام سے اگلے ودھان سبھا الیکشن میں ووٹ دینے کی اپیل کی۔

رکن پارلیمان شری راملو نے عوام سے خطاب کرتے ہوئے کہاکہ سدرامیا ذات پات کے درمیان نفرت پیدا کررہے ہیں۔آگے کہا کہ سدرامیا  اقتدار  پانے کے لئے ٹیپو جینتی کا انعقاد کررہے ہیں۔ ودھان پریشد کے رکن شری نواس پجاری نے نریندر مودی کی قیادت والی مرکزی حکومت میں ایک مضبوط بھارت بننے کی با ت کہی۔ سابق وزیر کمار بنگارپا نے بھی خطاب کیا۔ ڈائس پر مرکزی وزیر اننت کمار ہیگڈے ، ایم پی شوبھا کرندلاجے ، رکن اسمبلی وشویشور ہیگڈے کاگیری ، سابق وزیر شیوانندنائک، سابق رکن اسمبلی جے ڈی نائک، بھارتی شٹی ، تیجسوینی گوڈا، وی این پاٹل ، سنیل بی نائک، گوندنائک، ایشور نائک وغیرہ موجود تھے۔ بی جے پی ضلع صدر کے جی نائک نے استقبال کیا تو پرمود جوشی نے نظامت کی۔

 

ایک نظر اس پر بھی

22نومبر کووزیر اعظم نریندرمودی کے ہاتھوں رکھا جائے گا ’سٹی گیس ‘ کا سنگ بنیاد۔ منصوبے میں منگلورو شہر بھی شامل

مرکزی حکومت کی اسکیم’سٹی گیس‘ کا سنگ بنیاد وزیر اعظم نریندر مودی ہاتھوں22نومبر کو شام 4بجے نئی دہلی کے وگیان بھون میں رکھا جائے گا۔ اس منصوبے کے تحت آئندہ رسوئی گیس سلینڈروں کے بجائے براہ راست پائپ کنکشن کے ذریعے گھر گھر پہنچائی جائے گی۔

کاروار میں اترکنڑا ماہی گیروں کی جانب سے احتجاج کے بعد گوا حکومت پربڑھ گیا مچھلی کی درآمد پر لگائے گئے نئے قانون کو ہٹانے کا دبائو

کاروار میں اترکنڑا ماہی گیروں کی جانب سے احتجاج کے بعد گوا حکومت  مچھلی کی درآمد پر لگائے گئے نئے قانون کو ہٹانے کا دبائو بڑھ گیا ہے۔ کاروار میں ہوئے  سخت احتجاج کو دیکھتے ہوئے پیر کو گوا کے پنجی میں آل انڈیا فشرمین کانگریس (AIFC) اور گوا بوٹ یونین کے درمیان مسئلہ کے حل کے لئے ...

ضلع اُترکنڑا میں 23،24،25 نومبر کو ووٹرلسٹ میں ناموں کے  اندراج کے لئےچلائی جائے گی خصوصی مہم : کاروار میں ڈپٹی کمشنر ایس ایس نکول کا بیان

ہندوستانی الیکشن کمیشن کی ہدایات کے مطابق 23،24اور 25نومبر کو اترکنڑا ضلع میں ووٹرس کے نام اندراج کے لئے خصوصی مہم کا اہتمام کئے جانے کی اطلاع ڈپٹی کمشنر ایس ایس نکول نے دی۔

پورے ملک میں جوش وخروش کے ساتھ منایا جارہا ہے جشن عید میلاد النبیؐ

آج یعنی 21 نومبر کو عید میلاد النبی کا تیوہار منایا جارہا ہے۔ مسلمانوں کے لئے یہ دن بے حد خاص ہوتا ہے۔ مسلمان اسے تیوہارکے طورپرمناتے ہیں۔ عید میلاد النبی پیغمبرحضرت محمد صلی اللہ علیہ وسلم کی یوم ولادت کے طورپرمنایا جاتا ہے۔ مسلمان آخری نبی حضرت محمد مصطفیٰ صلی اللہ علیم وسلم ...

اگلے لوک سبھا الیکشن میں سشما سوراج کا الیکشن نہ لڑنے کا اعلان

بھارتیہ جنتا پارٹی کی سینئر رہنما اور وزیر خارجہ سشما سوراج نے کہا ہے کہ وہ اگلا لوک سبھا الیکشن نہیں لڑیں گی۔ سشما سوراج نے اندور میں میڈیا کے ساتھ بات چیت کے دوران یہ اطلاع دی اور کہا کہ انہوں نے پارٹی کو اپنی منشا بتا دی ہے۔

بھٹکل کے شمس الدین سرکل پر عام لوگوں میں ’’رحمت اللعالمینﷺ ‘‘ کنڑا کتابچہ کی تقسیم : آخری رسول ﷺہر ایک کے رہنما ہیں

اللہ کے آخری نبی ﷺ کی سیرت و پیغام کو تمام لوگوں تک پہنچانے اور ہندو مسلم میں بھائی چارگی پیدا کرنے ،غلطی فہمیوں کو دور کرنے  جیسے اہم مقاصد کو لے کر ریاستی سطح پر منائی جارہی  ’حضرت محمد ﷺ بنی نوع انسان کےعظیم رہنما‘ 15 روزہ  سیرتؐ مہم کے تحت آج جماعت اسلامی ہند بھٹکل کے ...

بی جے پی کے خلاف مل کر مقابلہ کرنے کی ضرورت، اپوزیشن کو ایک پلیٹ فارم پرلانے کے لئےنائیڈو۔ ممتا کی ملاقات

آندھرا پردیش کے وزیر اعلیٰ چندر ابابو نائیڈو نے آج ریاستی سیکریریٹ نو بنومیں وزیراعلیٰ ممتا بنرجی سے ملاقات کے بعد کہا ہے کہ وقت آگیا ہے کہ بی جے پی کی عوام دشمن پالیسیوں کے خلاف اپوزیشن جماعتیں متحد ہوکرمقابلہ کریں اورملک کے مفادات اور جمہوریت کو بچانے کیلئے لوک سبھا ...