بہار کے وزیراعلیٰ نتیش کمارکادعویٰ، گجرات میں بی جے پی ہی جیتے گی

Source: S.O. News Service | By Shahid Mukhtesar | Published on 14th November 2017, 10:54 AM | ملکی خبریں |

پٹنہ،13؍نومبر (ایس او نیوز؍آئی این ایس انڈیا) گجرات کے انتخابات میں بہار کے وزیر اعلی نتیش کمار نے بی جے پی کے جیتنے کی پیش گوئی کی ہے۔نتیش نے کہا کہ گجرات میں بی جے پی ہی کامیابی حاصل کرے گی۔نتیش نے پیر کو پٹنہ میں کہا کہ میرا نظریہ ہے کہ جس ریاست کا وزیر اعظم ہو، اس ریاست کا کوئی آدمی وزیر اعظم کے خلاف ووٹ نہیں کرے گا۔انہوں نے کہا کہ میرا اپنا اندازہ ہیں کہ گجرات کے انتخابات میں بی جے پی کو کوئی خطرہ نہیں ہے۔اس دعوے کے پیچھے اپنی سیاسی سمجھ اور عوام کی آراء کو بنیاد بتاتے ہوئے انہوں نے کہا کہ بی جے پی کو ایک پھربار ضرور کامیابی ملے گی۔نتیش کا یہ بیان ضرور بی جے پی لیڈروں کے لئے سکون فراہم کرنے والا ہوگا۔بہار میں بی جے پی کے ساتھ حکومت بنانے کے بعد انہوں نے اپنے پہلے کانفرنس میں کہا تھا کہ اگلے لوک سبھا انتخابات میں وزیر اعظم نریندر مودی کو کوئی چیلنج نہیں دے سکتاہے۔نتیش کے اس بیان کے بعد مانا جا رہا ہے کہ ان کی پارٹی جنتا دل یونائٹیڈ گجرات الیکشن سے اپنے کو الگ کرسکتی ہے۔حالانکہ کانگریس صدر راہل گاندھی کے بارے میں پوچھے جانے پر نتیش کا کہنا تھا کہ یہ سب میڈیا کا کھیل ہے۔میڈیا کبھی ان کو نیچے لے جاتا ہے اور آج کل ان کو اوپر لے جا رہا ہے۔لیکن ان کا کہنا تھا کہ راہل کبھی بدعنوانی پر آرڈیننس پھاڑتے ہیں تو کبھی ملزمان کے دفاع میں آ جاتے ہیں۔نتیش کا اشارہ ضرور راہل گاندھی کے ذریعہ تیجسوی یادو کے خلاف سی بی آئی کے چھاپے کے بعد کوئی بیان نہ دینے کو لے کر تھا۔

ایک نظر اس پر بھی

جے این یو طالب علم عمر خالد پر فائرنگ کے معاملے میں دو گرفتار

یوم آزادی سے دو دن پہلے راجدھانی کے انتہائی محفوظ علاقے پارلیمنٹ سے چند قدم کے فاصلے پر واقع کانسٹی ٹیوشن کلب آف انڈیا کے باہر سر عام جے این یو کے طالب علم عمر خالد پر جان لیوا حملے کے معاملے میں دہلی پولس کی اسپیشل سیل نے دو لوگوں کو حراست میں لیا ہے ۔