بی جے پی وزیر اعلی شیوراج کی سالگرہ سیوا دیوس کے طور پر منائے گی
بھوپال، 24/فروری (ایس او نیوز/آئی این ایس انڈیا)بی جے پی 5 /مارچ کو وزیر اعلی شیوراج سنگھ چوہان کی سالگرہ ’سیوا دیوس‘کے طور منائے گی اور تخلیقی پروگرام ہاتھ میں لئے جائیں گے۔وزیر اعلی چوہان کے خدمت کے جذبہ، سماج کے تئیں لگن، سماج کے آخری شخص کے تعلق سے حساسیت کو دیکھتے ہوئے بی جے پی نے ان کے یو م پیدائش کو سیوا دیوس کے طور پر منانے کاارداہ کیا ہے۔ریاستی کے سبھی تنظیمی 56اضلاع اور 755منڈلوں میں سیوا دیوس کے موقع پر کارکنان عوامی خدمت کے تخلیقی کاموں میں حصہ لیں گے۔بی جے پی کے ریاستی دفترکے انچارج ستیندر بھوشن سنگھ نے بتایا کہ سیوا دیوس کے موقع پر پارٹی عہدیداران، ایم پی، ایم ایل اے، میونسپل کارپوریشن کے میئر، میونسپل بورڈ کے صدر، سٹی کونسل کے صدر، ضلع پنچایت صدر، ضلع صدر اور مورچہ کے صدر اپنے اپنے شہر میں اسپتا ل، ورددھاآشرم، یتیم خانوں میں پھل اور مٹھائیاں تقسیم کریں گے۔انہوں نے بتایا کہ منڈل کی سطح پر’وزیر اعلی تیرتھ درشن یاترا‘ سے واپس آئے بزرگوں کا استقبال کیا جائے گا۔یوا مورچہ خون عطیہ کیمپوں کا انعقاد کرے گا۔جھگی جھونپڑی بستیوں میں صحت کی جانچ اور آنکھ کا عطیہ اور بدن عطیہ کی اہمیت پر بحث ہوگی۔کنیاپوجن، کنیا بھوجن، دانشورانہ پروگرام اور مقابلوں کا انعقاد کرکے فاتحین کے درمیان ایوارڈ تقسیم کئے جائیں گے۔صفائی مہم کے تحت شہر کی کسی تنظیم کو منتخب کر کے احاطے میں صفائی کام کیا جائے گا۔خواتین مورچہ اپنے اپنے علاقے میں بھجن شام کا انعقاد کرے گا اور رنگولی سجاکر وزیر اعلی کی کامیاب زندگی اور لمبی عمر کی خواہش کا اظہار کرے گا۔