جھارکھنڈضمنی انتخابات :سبھی پانچوں میونسپل پر بی جے پی کا قبضہ
رانچی ،20؍اپریل (ایس او نیوز؍ آئی این ایس انڈیا )جھارکھنڈ ضمنی انتخابات میں بی جے پی اور اس کے اتحادی آجسو کا پرچم لہرایا ہے۔34میں بی جے پی اور آجسو کو 23سیٹوں پر کامیابی حاصل ہوئی ہے۔اکیلے بی جے پی نے 21سیٹوں پرقبضہ کیاہے۔ان میں پانچوں میونسپل کی سیٹیں بھی شامل ہیں۔ کانگریس نے پانچ، جھارکھنڈ مکتی مورچہ نے تین سیٹیں جیتی ہیں۔آزاد امیدوار نے دو سیٹیں جیتیں ہیں۔جھاومو اور آر جے ڈی کے کھاتے میں ایک ایک سیٹ آئی ہے۔ضمنی انتخابات میں رانچی کے میئر سیٹ اور ڈپٹی میئر سیٹ پر بی جے پی نے اپنا قبضہ برقرار رکھا ہے۔بی جے پی امیدوار آشا لکڑا نے جھارکھنڈ مکتی مورچہ کی امیدوار ورشا گاڑی کو 39 ہزار سے زائد ووٹوں سے شکست دی ہے۔اس سیٹ پر آجسو تیسرے نمبر پر رہا، جبکہ کانگریس حامی امیدوار کو چوتھا مقام حاصل ہوا۔وہیں، ڈپٹی میئر کی سیٹوں پر بھی بی جے پی امیدوار سنجیو وجیورگیی آگے چل رہے ہیں۔ان کی جیت طے ہو گئی ہے۔ووٹوں کی گنتی کے بعد بی جے پی کی آشالکڑا نے میئر عہدے پر کامیابی حاصل کی۔میونسپل کی میئر اور ڈپٹی میئر سیٹ پر اس سے پہلے بھی بی جے پی کا قبضہ رہا ہے۔دونوں نے دوسری بار ایک ساتھ کامیابی حاصل کی ہے۔