اُڈپی میں مویشیوں کے تاجر حُسین ابّا کے قتل کے معاملے میں بجرنگیوں کو گرفتار کرنے پر بی جے پی نے کیا سخت احتجاج

Source: S.O. News Service | By I.G. Bhatkali | Published on 6th June 2018, 6:35 PM | ساحلی خبریں | ریاستی خبریں |

اُڈپی  6/جون (ایس او نیوز)  مویشیوں کے تاجر حُسین ابّا کے قتل کے معاملے میں  وشو ہندو پریشد اور بجرنگ دل  کے کارکنوں کو گرفتار کرنے پر  آج بدھ کو اُڈپی،چکمنگلور کی رکن پارلیمان شوبھا کرندلاجے کی قیادت میں بی جے پی نے سخت احتجاج کیا  اور حکومت سے مطالبہ کیا کہ اس معاملے کی جانچ سی بی آئی سے کروائی جائے۔

احتجاج میں بی جے پی لیڈران نے الزام عائد کیا کہ ریاست کے وزیراعلیٰ کماراسوامی نے پولس پر دبائو ڈالا ہے  کہ  بجرنگ دل اور وشواہندو پریشد کے کارکنوں پر مرڈر کے معاملات عائد کرکے اُنہیں گرفتار کرے، بی جے پی لیڈران کے مطابق حُسین ابّا کی موت دل کا دورہ پڑنے سے ہوئی ہے۔

اُڈپی ڈی سی دفتر کے باہر بی جے پی، وشواہندو پریشد اور بجرنگ دل کے سینکڑوں لوگوں نے جمع ہوکر  اس احتجاج میں حصہ لیا جس کے لئے پولس کا نہایت سخت بندوبست کیا گیا تھا۔

احتجاج میں وی ایچ پی اور بجرنگ دل کارکنوں پر سے قتل کے مقدمات واپس لینے اور کارکنوں کو ہراساں نہ کرنے کا مطالبہ کیا گیا۔ شوبھا کرندلاجے نے احتجاج میں ہمیشہ کی طرح اپنی شعلہ بیانی دکھائی اور کماراسوامی سمیت سابق وزیراعلیٰ سدرامیا کواپنی تنقید کا نشانہ بنایا۔ انہوں نے اس بات پر زور دیا کہ پولس جانوروں کی حفاظت کرنے والوں پر معاملات درج کرنا بند کرے اور  غیر قانونی طور پر جانوروں کی نقل وحمل کرنے والوں پر معاملات درج کرے۔

بی جےپی رکن اسمبلی رگھوپتی بھٹ،  بی جے پی اُڈپی ضلع کے صدر  متّارو ہیگڈے،  وی ایچ پی ضلعی صدر ولاس نائک و دیگر نے بھی اپنے اپنے تاثرات پیش کرتے ہوئے  بجرنگ دل  اور وشوا ہندو پریشد کے کارکنوں کی گرفتاریوں پر سخت ناراضگی ظاہر کی ۔

خیال رہے کہ مویشیوں کے تاجر حُسین ابا کی  گذشتہ روز مبینہ طور پر بجرنگ دل اور وشواہندوپریشد کے کارکنوں کے حملوں میں موت واقع ہوگئی تھی،  بتایا گیا ہے کہ گئو اتنکیوں نے ان کی بری طرح پیٹائی کرنے کے بعد انہیں شدید زخمی حالت میں پولس کے حوالے کیا تھا، پولس جب اُنہیں اپنی جیپ میں بٹھاکر پولس تھانہ لے جارہی تھی تو راستے میں ہی اُنہوں نے دم توڑ دیا۔   اس موقع پر پولس نے حملہ آوروں کے خلاف معاملات درج کرنے کے بجائے  حملہ آوروں کا ہی ساتھ دیتے ہوئے حُسین ابّا کی لاش کو قریبی جنگل میں لے جاکر رکھ دیا اور کچھ گھنٹوں بعد گھروالوں کو فون کرکے خبر دی کہ حُسین ابا کی دل کا دورہ پڑنے سے موت واقع ہوئی ہے اور ان  کی لاش  جنگل میں پائی گئی ہے۔ گھروالوں نے حُسین ابا کے بدن پر پائے گئے زخموں کے نشانات کو دیکھتے ہی  کہہ دیا  کہ ان کا قتل ہوا ہے  انہوں نے  بجرنگ دل کارکنوں کے خلاف قتل کا معاملہ درج کراتے ہوئے پولس پر  اس قتل میں  ملوث ہونے کا  الزام لگایا تھا اور پولس کے اعلیٰ حکام سے درخواست کی تھی کہ وہ پورے معاملے کی چھان بین کرے۔

ابتدائی چھان بین سے ہی پتہ چل گیا کہ پولس بھی اس  معاملے میں ملوث ہے، جس کے بعد تین پولس اہلکاروں سمیت دس لوگوں کو  اب تک گرفتار کیا جاچکا ہے اور  پولس کو اس معاملے میں مزید گئو اتنکیوں کی تلاش ہے۔ 

 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔