تعلیم کے متعلق تنویر سیٹھ کی جانکاری پر بی جے پی چراغپا

Source: S.O. News Service | By Shahid Mukhtesar | Published on 11th July 2018, 11:45 AM | ریاستی خبریں | ان خبروں کو پڑھنا مت بھولئے |

بنگلورو،11؍جولائی(ایس او نیوز)ریاستی اسمبلی میں وزیر تعلیمات این مہیش کو ایک سوال کا جواب دینے میں سابق وزیر تنویر سیٹھ کی مدد پر بی جے پی چراغپا ہوگئی۔

محکمۂ تعلیمات کے قلمدان پر پچھلی حکومت میں وزیر رہ چکے تنویر سیٹھ نے بی جے پی رکن اروند لمباولی کے ایک سوال پر جواب دینے میں جب وزیر تعلیمات مہیش کی مدد کرنے کی کوشش کی تو اروند لمباولی نے سخت اعتراض کیا اور کہاکہ وزیر کی طرف سے ایوان کا کوئی رکن جواب نہیں دے سکتا۔

سی ٹی روی نے تنویر سیٹھ کی طرف سے جواب دئے جانے پر طنز کرتے ہوئے کہاکہ سابق وزیرسے وزارت چھن جانے کا درد ختم نہیں ہوا ہے۔ اس مرحلے میں ڈپٹی اسپیکر کرشنا ریڈی نے اپنی طرف سے وضاحت کی کہ ایوان میں کوئی رکن جب کوئی جواب دے رہے ہیں بلکہ سوال کے متعلق ضمنی معلومات فراہم کررہے ہیں۔اس مرحلے میں تنویر سیٹھ نے کہاکہ ریاست میں ڈھائی ہزار اسکولوں کو اپ گریڈ کیاجارہاہے۔ پچھلی حکومت میں اس سلسلے میں جو فیصلہ لیا گیا تھا اس بارے میں وہ ایوان کو جانکاری دے رہے تھے، بحیثیت رکن ایوان کو صحیح معلومات فراہم کرنا وہ اپنی ذمہ داری سمجھتے ہیں ، اس سلسلے میں رکن نے جو سوال کیا ہے اس کا جواب وزیر ہی دیں گے۔ وزیر تعلیمات این مہیش نے اس مرحلے میں تنویر سیٹھ کا دفاع کرتے ہوئے کہاکہ معزز رکن نے صرف ایوان کو معلومات فراہم کی ہیں اس پر اعتراض کرنا درست نہیں۔ 

ایک نظر اس پر بھی

بنگلورو کے تینوں پارلیمانی حلقوں میں بی جے پی انتخابی مہم ،کانگریس اور جے ڈی ایس کے مخلوط امیدواروں کا اب تک اعلان نہیں

بنگلورو شہر کے تینوں پارلیمانی حلقوں میں بھارتیہ جنتاپارٹی( بی جے پی) امیدواروں نے اپنی انتخابی مہم شروع کردی ہے۔ لیکن اتحادی جماعتوں کانگریس،جنتادل نے ابھی تک اپنے امیدواروں کا اعلان نہیں کیاہے۔ بنگلور نارتھ سے موجودہ رکن پارلیمان ومرکزی وزیر ڈی اے سدانندگوڈا، سنٹرل حلقہ ...

لوک سبھا انتخابات میں حق رائے دہی استعمال کرنے زنخوں سے ڈپٹی کمشنر کی اپیل

جمہوری نظام میں18سال سے زائد عمر کے تمام افراد کو رائے دہی کا حق دیاگیاہے۔ ووٹنگ کے اس حق کو ہر صورت میں استعمال کریں۔ بلاکسی خوف وخدشہ کے پولنگ بوتھ پہنچیں اور ووٹنگ کریں۔ یہ باتیں ڈپٹی کمشنر والیکشن افسر بی ایم وجئے شندرا نے کہیں۔

ہوناور میں تمام سہولیات سے آراستہ پہلے "سٹی سنٹر " کا شاندار افتتاح : کئی برانڈڈ کمپنیوں کے اسٹال؛ خریداری کی ہر چیز ہوگی دستیاب

 ہوناورسمیت اطراف کے  عوام  کو اپنی ضروریات کی خریداری کے لئے  دور دراز شہروں میں جانے کی ضرورت  نہیں ہوگی کیونکہ شہر میں  ایک شاندار  ’’سٹی سنٹر  ‘‘ کا افتتاح عمل میں آیا ہے۔ کرناٹکا مائنارٹی ڈیولپمنٹ بورڈ کے سابق چیرمن سلیمان یو تلکھنی کے ہاتھوں آج  بروز پیر اس پہلے ...

بغیر لائسنس کا ریوالوررکھنے پر سابق وزیر آنند اسنوٹیکراوران کے 2 ساتھیوں پر کیس درج۔ ریوالور اور کار ضبط

لائسنس رینیو کیے بغیرریوالور رکھنے کے الزام میں سابق ریاستی وزیر اور درپیش پارلیمانی انتخاب میں جنتا دل اور کانگریس کے مشترکہ امیدوار سمجھے جانے والے آنند اسنوٹیکر اور ان کے دیگر ساتھیوں پر کیس درج کیا گیا ہے۔

بھٹکل مخدوم کالونی میں تیز رفتار کار کی اسکوٹر سے ٹکر؛ عمر رسیدہ شخص جاں بحق

مخدوم کالونی  کے قریب بندر روڈ پر ایک تیز رفتار کار کی اسکوٹر سے ہوئی ٹکر میں اسکوٹر سوار  جاں بحق ہوگیا جس کی شناخت محمد عمر کنڈنگوڑا (76) کی حیثیت سے کی گئی ہے۔ حادثہ اتوار رات قریب 10:30بجے پیش آیا۔