کرناٹک اسمبلی انتخابات:ایک بار بیلیٹ پیپر سے کرائے جائیں انتخابات: اودھوٹھاکرے

Source: S.O. News Service | By Shahid Mukhtesar | Published on 16th May 2018, 12:08 PM | ملکی خبریں |

نئی دہلی،15 مئی ( ایس او نیوز؍آئی این ایس انڈیا) کرناٹک انتخابات کے نتائج آنے کے بعد شیوسینا سربراہ ادھو ٹھاکرے نے ایک بار پھر ای وی ایم مشین پر سوال کھڑے کئے ہیں۔انہوں نے منگل کو کہا کہ بی جے پی کو چاہئے کہ وہ ایک بار ای وی ایم کی جگہ بیلیٹ پیپر سے الیکشن کرائے۔ اگر ایسا ہوتا ہے تو ملک کے عوام کے سامنے پوزیشن صاف ہو جائے گی۔ غور طلب ہے کہ اس سے پہلے ایم این ایس سربراہ راج ٹھاکرے نے بھی وی ایم کی جگہ بیلیٹ پیپر سے انتخابات کرانے کی بات کہی تھی۔ کرناٹک اسمبلی انتخابات کے نتائج آنے کے بعد بی جے پی کے سب سے بڑی پارٹی کے طور پر ابھر کر سامنے آنے کے ساتھ ہی ادھو ٹھاکرے نے بھی راج ٹھاکرے کی حمایت کی۔ انہوں نے ٹوئٹر پر لکھا کہ یہ الیکٹرانک ووٹنگ مشین کی جیت ہے۔ ادھو ٹھاکرے نے کہا کہ بی جے پی ضمنی انتخابات ہار رہی ہے لیکن اسمبلی انتخابات جیت رہی ہے۔ اگر آپ (بی جے پی کو) خود پر اعتماد ہے تو ایک بار بیلیٹ پیپر کے ذریعے انتخابات کراکر دکھائیں، ساری حقیقت یک لخت عیاں ہوجائے گی۔ شیوسینا کے سربراہ نے کہا کہ جب بہت سے لوگوں اس کی مانگ کر رہے ہیں تو اس سے (ای وی ایم کے استعمال کو لے کر) شبہات ہمیشہ کے لئے دور ہو جائیں گے۔ کانگریس صدر بننے کے بعد کرناٹک اسمبلی انتخابات کے پہلے بڑے انتخابی لڑائی ہونے کے بابت سوال پوچھے جانے پر انہوں نے کہا کہ انتخابات آتے جاتے رہتے ہیں اور کئی بار آپ جیتتے ہیں تو کئی بار ہارتے ہیں ، ان ہارجیت کو نظر انداز کرکے اپنی ذمہ داری کی طرف متوجہ ہوناچاہیے ۔ 

ایک نظر اس پر بھی

پروٹوکول توڑنے میں مودی نے عمران سے مقابلہ کیا، سفارتی ناکامی پر جواب دیں: کانگریس

کانگریس نے سعودی عرب کے شہزادہ (ولی عہد) محمد بن سلمان کا پروٹوکول سے الگ جاکرخوش آمدید کئے جانے کو لے کر بدھ کو وزیر اعظم نریندر مودی پر حملہ بولا اور الزام لگایا کہ پروٹوکول توڑنے میں مودی تو گویا پاکستانی وزیر اعظم عمران خان کے ساتھ، جیسے مقابلہ کر رہے ہیں۔

پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

این سی ڈی آرسی نے آپریشن کے دوران لاپرواہی برتنے والے ڈاکٹر متاثرہ خاندان کو 2.7 لاکھ روپے ادا کرنے کا حکم دیا

قومی صارفین تنازعہ سراغ رساں کمیشن(این سی ڈی آرسی) نے آپریشن کے دوران لاپرواہی کی وجہ سے ایک خاتون کی موت کے معاملے میں تین ڈاکٹروں کو متاثر خاندان کو پر 2.7 لاکھ روپے ادا کرنے کا حکم دیا ہے۔