بی جے پی کی کرناٹک کی تیسری فہرست جاری
بنگلور/نئی دہلی20اپریل (ایس او نیوز؍یو این آئی) بی جے پی نے آج ریاستی اسمبلی کے انتخابات کے لئے 59 امیدواروں کی تیسری فہرست جاری کردی۔بی جے پی نے اب تک 213 امیدواروں کا اعلان کیا ہے جبکہ 13 سیٹوں پر امیدواروں کا اعلان کیا جانا باقی ہے ۔ کرناٹک اسمبلی میں 224 نشستوں کے لئے ، 12 مئی کو ایک مرحلے میں پولنگ ہوگی جس کی گنتی 15 مئی ہوگی۔پارٹی کے مرکزی انتخابی کمیٹی کے سکریٹری اور مرکزی وزیر جگت پرکاش نڈا نے فہرست آج فہرست جاری کی ہے ۔ ایک سیٹ کولار گولڈ فیلڈ میں امیدوار کو تبدیل کردیا گیا ہے ۔پارٹی کے ہیڈکوارٹر میں اتوار کی شام پارٹی کے مرکزی انتخابی کمیٹی کے اجلاس میں ان ناموں کو منظوری دی گئی تھی ۔ اجلاس پارٹی صدر امت شاہ کی صدارت میں ہوا تھا، جس میں وزیر اعظم نریندر مودی، مرکزی وزیر داخلہ راج ناتھ سنگھ، وزیر خارجہ سشما سوراج، کرناٹک میں بی جے پی کے وزیر اعلیٰ کے امیدوار بی ایس یڈ یورپا، مدھیہ پردیش کے وزیر اعلیٰ شیوراج سنگھ چوہان، مرکزی وزیر اننت کمار سابق مرکزی وزیر سید شاھنواز حسین وغیرہ موجود تھے ۔