دونوں ایوانوں میں اکثریت ملتے ہی بی جے پی آئین بدلے گی:ششی تھرور

Source: S.O. News Service | By Shahid Mukhtesar | Published on 10th February 2018, 12:45 PM | ملکی خبریں |

ترو اننت پورم۔9فروری(ایجنسی) کانگریس کے رکن پارلیمان ششی تھرور کا کہنا ہے کہ اگر بھارتیہ جنتاپارٹی (بی جے پی) کو پارلیمنٹ کے دونوں ایوانوں میں اکثریت حاصل ہو جاتی ہے تو وہ جمہوریت پر بڑا حملہ کر سکتی ہے، جس کی وہ تیاری میں ہے۔ان کا خیال ہے کہ پارلیمان کے دونوں ایوانوں میں اکثریت حاصل ہو جانے پر بی جے پی آئین پر بڑے حملے کرے گی۔ تھرور نے کہا ’’ مجھے لگتا ہے کہ ان کا اصل ایجنڈا دونوں ایوانوں میں خود کو مضبوط کرنا ہے اور ایک بار اگر ایسا ہو جاتا ہے تو آپ یقینی طور پر جمہوریت پر بڑا حملہ دیکھیں گے۔ ‘‘وہ کہتے ہیں کہ سوشلزم، سیکولرازم جیسی چیزوں کو ختم ہونا ہوگا۔ اگر وہ ایسے منصوبے پر کام کر رہے ہیں تو مجھے لگتا ہے کہ وہ کافی سنجیدہ ہیں۔ شاید انہیں لگا ہوگا کہ پہلی مدت میں ایسا کرنا اس وقت تک خطرناک ہے جب تک وہ راجیہ سبھا میں اکثریت حاصل نہیں کر لیتے۔‘‘وہ ایوانوں میں دو تہائی اکثریت ملنے کا انتظار کر رہے ہیں اور اس کے بعد ہی قدم اٹھائیں گے۔ ایسے وقت میں وہ جنگ کو بغیر تیاری کے لڑنا نہیں چاہتے جب انہیں ہار کا سامنا کرنا پڑے۔‘‘کیرلا کی ترواننت پورم سیٹ سے رکن پارلیمان ششی تھرور نے کہا کہ اٹل بہاری واجپائی کی قیادت والی این ڈی اے حکومت کے دوران سپریم کورٹ کے جج ایم این وینکٹ چلیا کی سربراہی میں ایک آئینی جائزہ کمیٹی تشکیل دی گئی تھی لیکن وہ ’ہندو راشٹر‘ کے نظریہ پر کام نہیں کرتی تھی لیکن ایسا لگتا ہے کہ آر ایس ایس مفکر کے این گووند اچاریا کی سربراہی والی تشکیل شدہ کمیٹی موجودہ وقت میں کام کر رہی ہے۔ ششی تھرور نے کہا کہ مختلف میڈیا رپورٹوں میں بھی یہ بات آ چکی ہے جسے کبھی چیلنج نہیں کیا گیا۔تھرور نے کہا ’’تین طلاق جیسے ایشوز اس لئے اٹھائے گئے ہیں تاکہ انہیں مذہبی مفاد کے معاملہ میں اپنی طاقت کو پرکھنے کا موقع مل سکے۔‘‘ترووننت پورم میں ایک تقریب سے خطاب کرتے ششی تھرور نے کہا ’’میں اس وقت حیران رہ گیا جب مودی نے کہا کہ جن سنگھ کے رہنما پنڈت دین دیال اپادھیائے کے خیالات کو اپنانا چاہئے۔ یہ وہی دین دیال ہیں جنہوں نے کہا تھا کہ آئین کے ٹکڑے کر دینے چاہئیں کیوں کہ یہ بیرونی خیالات سے پر ہے۔ دوسری طرف وزیر اعظم یہ کہتے ہیں کہ آئین ایک مقدس کتاب ہے۔‘‘ مجھے لگتا ہے کہ وزیر اعظم کو یہ کہنا چاہئے کہ میں دین دیال کی باتوں کا حامی ہوں لیکن آئین کے حوالے سے ان سے متفق نہیں ہوں لیکن ایسا نہ کہنا خدشات کو جنم دیتا ہے۔‘‘اپنی نئی کتاب ’وہائی آئی ایم ہندو‘ کے حوالہ سے پوچھے جانے پر انہوں نے کہا کہ انہوں نے ہندوتوا کو لے کر جو لکھا ہے ان کی پارٹی اسی کی بنیاد پر بی جے پی کی مخالفت کرے۔ انہوں نے کہا کہ ہندوتوا کی طاقت کو دیکھتے ہوئے وہ اس مدے کو زیادہ طول نہیں دینا چاہتے۔تھرور نے کہا ’’ہم ایسے لوگ ہیں جو ذاتی طور سے پوجا کرتے ہیں، وہ (بی جے پی) ایسے لوگ ہیں مذہبی دکھاوا کرتے ہیں۔ وہ اپنے ووٹروں سے کہتے ہیں کہ دیکھو، ہم ہندو ہیں ہمیں ووٹ دو اور بھگوان کو نہ ماننے والے وہ سکیولر لوگ ہیں۔ ‘‘راہل گاندھی بھی مندروں میں جاتے ہیں۔ تو آئیے اب ہم ترقی کی بات کریں، اس موضوع پر بات کریں کہ بی جے پی کے دور اقتدار میں آپ کی زندگی میں کیا بہتری آئی۔‘‘کانگریس اور یکساں خیالات والی سکیولر جماعتوں کو آئندہ لوک سبھا انتخابات میں ہندوتوا کو روکنے کے لئے ایک پلیٹ فارم پر آنا چاہئے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...