بی جے پی یا کسی بھی جماعت کا ترجمان ہونے کی تردید

Source: S.O. News Service | By Staff Correspondent | Published on 8th November 2018, 12:26 PM | ملکی خبریں |

مدراس 8نومبر (ایس او نیوز) اداکار سے سیاست داں بنے اور مکل نیدھی مایم (ایم این ایم) کے بانی کمل ہاسن آج 64 سال کے ہوگئے اور کہا کہ وہ ٹاملناڈو کی 20 اسمبلی نشستوں پر ضمنی انتخابات کا سامنا کرنے تیار ہیں۔ کمل ہاسن نے اپنی سالگرہ کے موقع پر نامہ نگاروں سے بات چیت کرتے ہوئے ا س بات کی سختی سے تردید کی کہ وہ بی جے پی یا کسی اور جماعت کے ترجمان ہیں ۔ انہوں نے کہا کہ وہ کسی بھی پارٹی کے ترجمان نہیں ہیں ۔ میں ہمیشہ عوام کا اوزار بنا رہوںگا۔ یہ بتاتے ہوئے کہ ریاست میں 20 نشستوں پر ضمنی انتخابات کا امکان ہے ، انہوں نے کہا کہ ایم این ایم ضمنی انتخابات کا سامنا کرنے تیار ہے۔ دو موجودہ ارکانِ اسمبلی بشمول سابق چیف منسٹر ایم کرونا ندھی کی موت اور اے آئی اے ڈی ایم کے ، کے 18 ارکانِ اسمبلی کو نااہل قرار دیے جانے کے سبب ضمنی انتخابات کی ضرورت لاحق ہوئی ہے ۔ کمل ہاسن نے کہا کہ عوام کو کرپشن سے پاک صحت مند سیاست کی ضرورت ہے اور ایم این ایم اسی کو یقینی بنانا چاہتی ہے۔ کمل نے کہا کہ جہاں تک ایم این ایم کا تعلق ہے ، ہم جانتے ہیں کہ سفر طویل ہے ، لیکن ہم متوقع رفتار سے زیادہ تیزی سے آگے بڑھ رہے ہیں ۔ قبل ازیں ان کی پارٹی کے کئی کارکنوں نے انہیں اس موقع پر مبارکباد دی ۔ چیف منسٹر مغربی بنگال ممتا بنرجی اور ڈی ایم کے صدر ایم کے اسٹالن نے بھی کمل ہاسن کو ان کی سالگرہ کے موقع پر مبارکباد پیش کی ۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔