بی جے پی نے مجھے کانگریس چھوڑنے کے لئے وزارت اور 30کروڑ روپوں کی پیش کش کی تھی: لکشمی ہیبالکر

Source: S.O. News Service | By Staff Correspondent | Published on 29th September 2018, 12:29 PM | ریاستی خبریں | ان خبروں کو پڑھنا مت بھولئے |

بیلگاوی 29؍ستمبر(ایس او نیوز) بیلگاوی مضافاتی حلقے سے کانگریسی رکن اسمبلی لکشمی ہیبالکر نے دھماکہ خیز بیان دیتے ہوئے کہا ہے کہ مخلوط ریاستی حکومت کو گرانے کے لئے کانگریس سے بغاوت کرکے بی جے پی میں شامل ہونے کے لئے انہیں 30کروڑ روپے اور وزارتی قلمدان کی پیش کش کی گئی تھی۔لیکن انہوں نے اس پیش کش کوٹھکرادیا۔

لکشمی ہیبالکر نے بی جے پی کی جانب سے رابطہ قائم کرنے والے لیڈر کا نام تو ظاہر نہیں کیا مگر اتنا بتایا کہ یہ پیش کش ٹیلی فون پر کی گئی تھی۔انہوں نے کہا کہ: ’’میں نے اس سلسلے میں کانگریس پارٹی کے ذمہ داران کو اطلاع دی ہے۔میں اقتدار کے پیچھے بھاگنے والی انسان نہیں ہوں۔ کانگریس پارٹی سے میری وفاداری پر کوئی سوال نہیں اٹھا سکتا ۔

لکشمی نے کہا کہ بی جے پی والوں نے مخلوط حکومت کو گرانے کے لئے بہت سے کانگریسی اراکین اسمبلی سے رابطہ قائم کیا ہے ۔لیکن وہ اس میں کبھی کامیاب نہیں ہونگے۔ہیبالکر نے مزید کہا کہ :’’ کچھ لوگ کہہ رہے ہیں کہ میرے علاقے میں ایک لہر چل پڑی تھی اس لئے میں اسمبلی الیکشن جیت گئی ہوں۔میں انہیں دکھا دوں گی کہ میں کیا ہوں۔میں اس بات کو یقینی بنادوں گی کہ آئندہ لوک سبھا انتخاب میں میرے حلقے سے کم از کم ایک لاکھ ووٹ حاصل کرنے میں کامیاب ہوجائے۔

ایک نظر اس پر بھی

دہشت گردانہ حملے ہندو مسلم اتحاد کو نہیں توڑ سکتے پلوامہ شہید جوانوں کو خراج عقیدت کے دوران شرکاء کا اظہار خیال

بنگلور وپیس آرگنائزیشن کے محمد رفیع دھارواڑکر، ترنگ میوزک اکیڈمی کی نکہت سلطانہ، نوا کرناٹک آٹو ڈرائیور یونین کے نوید خان کے مشترکہ اہتمام سے چہارشنبہ 20؍فروری کوٹاؤن ہال بنگلورکے سامنے پلوامہ میں ہوئے شہید فوجی جوانوں کو موم بتیاں جلا کر ان کے حق میں عقیدت پیش کی گئی ۔

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔