بی جے پی قومی صدر امیت شا ہندو ووٹوں کی صف بندی کرانا چاہتے ہیں ، کورکمیٹی میٹنگ میں اراکین اسمبلی نے ہی پارٹی صدر کا مذاق اڑایا

Source: S.O. News Service | By Jafar Sadique Nooruddin | Published on 12th August 2017, 11:29 PM | ریاستی خبریں | ان خبروں کو پڑھنا مت بھولئے |

بنگلورو:12/ اگست(ایس او نیوز) بی جے پی کے قومی صدر امیت شا جوآج ریاست کے سہ روزہ دورہ پر پہنچے ۔انہوں نے ریاست کو ایک بار پھر زعفرانیت سے رنگنے کے اپنے ارادوں کا کھل کر اظہار کرتے ہوئے بی جے پی کے کارندوں کو آواز دی کہ ہندو ووٹ بینک کو یکجا کرنے کی طرف متوجہ ہوں۔ مذہبی بنیاد پر ووٹ مانگنے یا سیاست کرنے کے متعلق الیکشن کمیشن اور سپریم کورٹ کی پابندی کو صریح نظر انداز کرتے ہوئے امیت شا نے پارٹی کارکنوں کو ہدایت دی کہ وہ اپنے اپنے علاقوں میں ہندو ووٹ بینک کو متحد کریں اور ہندو صف بندی کی بنیاد پر ریاست میں دوبارہ بی جے پی کو اقتدار پر لانے کیلئے کام کریں۔ آنے والے اسمبلی انتخابات میں پارٹی کی جیت کیلئے حکمت عملی وضع کرنے اور ریاست کے پارٹی کارکنوں سے تبادلۂ خیال کے مقصد سے آج کیمپے گوڈا انٹرنیشنل ایرپورٹ پر امیت شا کی آمد کے بعد پارٹی لیڈروں نے ان کا شاندار استقبال کیا۔ اس موقع پر خطاب کرتے ہوئے امیت شا نے پارٹی کارکنوں کو آواز دی کہ کرناٹک کو بھی ملک کی دیگر ریاستوں کی طرح کانگریس سے آزاد کرایا جائے اور یہاں بی جے پی کا زعفرانی پرچم جلد لہرایا جائے۔ انہوں نے کہا کہ آئندہ فروری مارچ کے دوران وزیر اعظم کا وجئے رتھ جنوبی ہند کی طرف رخ کرے گا، اس مرحلے میں پارٹی کارکنوں کو چاہئے کہ ریاست میں بی جے پی کو کامیاب بنانے کیلئے پوری طرح مستعد ہوجائیں۔ ریاستی بی جے پی صدر بی ایس یڈیورپا سے مخاطب ہوکر امیت شا نے کہاکہ وہ پارٹی کے سبھی قائدین کو اعتماد میں لے کر پارٹی کو کامیابی سے ہمکنار کرنے کیلئے مستعد ہوجائیں ۔ مرکزی حکومت کی کامیابیوں کو عوام تک پہنچانے کا کام کیاجائے۔ 
بی جے پی اراکین اسمبلی نے شاہ کی ہنسی اڑائی:اس دوران بنگلور آمد کے بعد امیت شا نے بی جے پی اراکین اسمبلی اور دیگر قائدین پر مشتمل کور کمیٹی میٹنگ سے خطاب کیا۔اپنے خطاب کے دوران امیت شا نے دعویٰ کیا کہ اترپردیش اسمبلی انتخابات میں پارٹی کی کامیابی انہوں نے انتخابات سے پہلے ہی بتادی تھی۔ الیکشن سے ایک دن قبل ہی انہوں نے وزیر اعظم سے کہہ دیا تھاکہ بی جے پی تین سو سے زائد سیٹوں پر کامیاب ہوگی۔امیت شا کا اتنا کہنا تھا کہ ہال میں موجود بیشتر بی جے پی ا راکین ہنس پڑے۔ اس پر امیت شا نے ان اراکین پر اپنی شدید ناراضگی ظاہر کی۔ یہاں تک کہ بعض اراکین پارلیمان اور اراکین اسمبلی کو آڑے ہاتھوں لیتے ہوئے تاکید کی کہ آئندہ ان کی میٹنگ میں شریک ہونا ہے تو پین اور نوٹ بک کے بغیر نہ آئیں۔ وہ جو بھی کہیں گے اسے نوٹ کرلیا جائے اور اسی کے مطابق کام کیا جائے۔ پارٹی میں کسی بھی طرح کی ضابطہ شکنی برداشت نہیں کی جائے گی۔ 

ایک نظر اس پر بھی

ریاستی حکومت نے ٹو وہیلر بائیک پر ڈبل سواری کو روک لگانے کا فیصلہ کیا 

کرناٹک حکومت جلدہی ایک فیصلہ کرنے جارہی ہے جسے میں ریاست کے دوپہیوں والے سوار کی زندگی میں تبدیلی آسکتی ہے۔ریاستی حکومت 100سی سی یا اس سے کم انجن کی صلاحیت والے دو پہیوں کی موٹر گاڑیوں پر دو لوگوں کی سواری کرنے پر روک لگانے جارہی ہے ۔

ہبلی :پٹاخوں سے گھر میں لگی آگ ، کئی اشیاء جل کر خاک : کوئی جانی نقصان نہیں

دیوالی کے موقع پر پٹاخوں کو پھوڑنے کو لےکر سرکاری و غیر سرکاری طورپر احتیاطی تدابیر اختیار کرنےکے سلسلےمیں کئی احکامات جاری کئے جاتےہیں اور رہنمائی کی جاتی ہے لیکن اس کے باوجو د ہر سال پٹاخوں سے جانیں تلف ہونے  بچوں کی بینانی متاثر ہونے   پر سماجی ذمہ داران تشویش کا اظہار ...

وزیر اعلیٰ عہدے کے امیدوار کا اعلان نہ ہونے کی کانگریس کی انتخابی امید پر کوئی اثر نہیں ہوگا: جی پرمیشور

کرناٹک ریاستی کانگریس نے آج یہاں کہا کہ اسمبلی انتخابوں سے پہلے ریاست میں وزیر اعلیٰ عہدہ کے امید وار کے نام کا اعلان نہیں کئے جانے سے پارٹی کی امیدوں پر اس کاکوئی اثرنہیں پڑے گا۔

آتش بازی کے سبب بنگلورو میں32 افراد کی بینائی متاثر

دیوالی تہوار کے دوران آتش بازی کے سبب ہر سال کی طرح امسال بھی 32؍ لوگوں کی بینائی متاثر ہوئی ہے۔ شہر کے مختلف مقامات پر آتش بازی کے سبب ہوئے حادثات میں 23افراد زخمی ہوئے اور 28 لوگوں کی آنکھیں ضائع ہوگئیں۔

تمل ناڈو :ٹرانسپورٹ کارپوریشن کی عمارت کا حصہ منہدم ہونے سے 8/ افراد کی ہلاکت 

موصولہ اطلاعات کے مطابق ناگا پٹنم ضلع میں تمل ناڈر ٹرانسپورٹ کارپوریشن کی ایک عمارت کے حصہ کے منہدم ہونے کی وجہ سے آٹھ افراد کے ہلاک ہوگئی ہے جب کہ وہیں تین دیگر افراد کے زخمی ہونے کی بھی اطلاع ہے ۔

بھٹکل سے منگلورو جانے والی سرکاری والوو بس انجن میں آگ۔ کوئی جانی و مالی نقصان نہیں

بھٹکل سے منگلورو جانے والی کے ایس آر ٹی سی والوو بس انجن میں اچانک آگ لگنے کی اطلاع سے مسافروں میں خوف کی لہر دوڑ گئی، جنہیں فوری طور پر بس سے اُتار کر دوسری بس کے ذریعے سفر مکمل کروایا گیا۔

بھٹکل نیشنل ہائی وے پر دو بائک کے درمیان زبردست ٹکر؛ تین زخمی ، ایک کی حالت نازک

یہاں نوائط کالونی سٹی لائٹ ہوٹل کے قریب نیشنل ہائی وے پر ہوئی دو موٹر بائک کی ٹکر میں تین لوگ زخمی ہوگئے جن میں سے ایک کی حالت نازک بتائی گئی ہے اور اُسے فوری طور پر منی پال شفٹ کیا گیا ہے۔ حادثہ آج جمعرات شام قریب 7:30 بجے پیش آیا۔