بی جے پی لیڈر بھگوان کے نام پر ماحول مکدر کررہے ہیں قانون شکنوں کے خلاف سخت کارروائی کرنے وزیرداخلہ رام لنگا ریڈی کا انتباہ

Source: S.O. News Service | By Shahid Mukhtesar | Published on 5th December 2017, 11:22 AM | ریاستی خبریں |

بنگلورو،4/دسمبر (ایس او نیوز) وزیرداخلہ رام لنگا ریڈی نے بی جے پی لیڈر پر سخت نکتہ چینی کرتے ہوئے کہاکہ وہ سری رام ہنومان جینتی اور دتا پیٹھا کے نام پر بھکتی سے زیادہ سیاست کرتے ہوئے ریاست میں امن وامان اور نظم وضبط میں خلل پیدا کرنے کی کوشش کرنے لگے ہیں۔ انہوں نے کہاکہ سری رام ۔ ہنومان اور دتاپیٹھا کے لئے بی جے پی سے زیادہ کانگریس لیڈران کے دلوں میں بھکتی ہے۔ بی جے پی لیڈر بھگوان کے نام پر ریاست کی پرامن فضا میں خلل ڈالنے کے حربے استعمال کررہے ہیں انہیں اس معاملہ میں ہرگز کامیاب ہونے نہیں دیا جائے گا۔ پردیش کانگریس کمیٹی دفتر میں اخباری نمائندوں سے بات کرتے ہوئے وزیر داخلہ نے کہاکہ قانون کو اپنے ہاتھ میں لینے کی کوشش کی گئی تو ایسے افراد کے خلاف سخت کارروائی کی تنبیہ کی گئی ہے۔ وزیر داخلہ نے کہاکہ سری رام کے نام پر ایودھیا میں رام مندر تعمیرکرنے کے مقصد سے جو اینٹیں اکٹھا کی گئی تھیں وہ کہاں گئیں ابھی تک اس کا پتا نہیں ہے۔ مرکز اور اترپردیش میں بی جے پی برسراقتدار ہے۔ رام مندر تعمیرکرنے کے لئے انہیں کسی بھی طرح کی کوئی رکاوٹ نہیں۔ اس کے باوجود مندر تعمیرکیوں نہیں کی جارہی ہے؟ یہ سنجیدگی سے سوچنے کی بات ہے۔ انہوں نے کہاکہ بی جے پی اس تنازعہ کو برقرار رکھ کر سیاست کرنا چاہتی ہے اورو ہ 30؍سے 40؍سال تک رام مندر کو تعمیر نہیں کرے گی۔ مسٹر ریڈی نے کہاکہ بی جے پی لیڈر ریاست میں ا قتدار پر آنے کے جو خواب دیکھنے لگے ہیں اس میں انہیں کامیابی نہیں ملے گی۔ اس فرقہ پرست پارٹی کے لیڈر کیسے ہیں اس کے متعلق ریاستی عوام اچھی طرح واقف ہے۔ انہوں نے کہاکہ قوانین کے خلاف ورزی کرنے والے بی جے پی لیڈروں کے خلاف کارروائی کے لئے حکومت اپنے قدم پیچھے نہیں ہٹائے گی اور قوانین کی خلاف ورزی کرنے والے ہر فرد کے خلاف سخت قانونی کارروائی کی جائے گی۔ اس معاملہ میں کسی سے بھی کوئی سمجھوتہ نہیں ہوگا۔ وزیر داخلہ نے کہاکہ بی جے پی ریاستی صدر بی ایس ایڈی یورپا مرکزی وزیر اننت کمار ہیگڈے ، میسور کے رکن پارلیمان پرتاپ سمہا سمیت بی جے پی کے کئی لیڈر جو جی میں آیا بول رہے ہیں ۔ انہیں قانون کے متعلق کوئی جانکاری نہیں ہے۔ بی جے پی سینئر لیڈران کو چاہئے کہ وہ مذکورہ لیڈروں کو قوانین کے متعلق جانکاری کے لئے ایک تربیت گاہ کا اہتمام کریں۔ انہوں نے سخت کہاکہ قانون کے آگے بی جے پی لیڈران ہو یا کوئی سبھی یکساں ہیں اگر قانون ہاتھ میں لینے کی کوشش کی گئی تو ایسے افراد کو بخشا نہیں جائے گا۔ وزیرداخلہ نے ہنومان جینتی کے موقع پر ہنسور میں ہوئے تشدد کے لئے رکن پارلیمان پرتاپ سمہا کو راست قصور وار ٹھہراتے ہوئے کہاکہ وہ قانون کی خلاف ورزی کرنے کے بجائے جلوس کے لئے پولیس کی جانب سے جس سڑک کی منظوری دی گئی تھی اس کے مطابق جانے کے بجائے اپنی مرضی کے مطابق جلوس نکالنے کی کوشش کرتے ہوئے قانون کی خلاف ورزی کی تھی۔ انہوں نے کہاکہ نظم وضبط کو برقرار رکھنے کے لئے جب پویس اہلکار کارروائی کے دوران پرتاپ سمہا سمیت دیگر بی جے پی لیڈروں نے کارروائی میں رکاوٹیں پیدا کی تھی۔ وزیرداخلہ نے بتایا کہ بنگلور شہر میں جرائم کی وارداتوں میں کمی آئی ہے۔ لیکن ٹریفک پولیس تھانوں میں قوانین کی خلاف ورزی کے معاملات میں اضافہ ضرور ہوا ہے۔ 

ایک نظر اس پر بھی

کانگریس چھتیس گڑھ میں طویل عرصے کے بعد اقتدار میں لوٹے گی: ویرپا موئلی 

سینئر کانگریس لیڈر ویرپا موئلی کہا کہ چھتیس گڑھ میں 15 سال بعد ان کی پارٹی اقتدار مخالف لہر پر سوار ہوکر اقتدار میں لوٹے گی۔ انہوں نے یہ بھی دعوی کیا کہ کانگریس ریاست کے نکسل متاثرہ علاقوں میں 18 سیٹوں میں اپنی سیٹیں12 سے بڑھا کر 15 کرے گی۔سابق مرکزی وزیر نے یہاں کہاکہ چھتیس گڑھ میں ...

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

بیلگاوی میں احتجاج کے دوران کسان سورنا سودھا میں گھس گئے، وزیر اعلیٰ کی مداخلت کے بعد گرفتار شدہ افراد کی رہائی ، 20؍نومبر کو بنگلورو میں میٹنگ

شمالی کرناٹک کے بیلگاوی ضلع میں  گناہ اگانے والے کسانوں نے احتجاج کیا اور سوورنا سودھا کے احاطہ میں گنا سے لدی لاریوں کو زبردستی گھسا کر حکومت کے خلاف نعرے لگائے ۔ پولیس نے کارروائی کرتے ہوئے 10؍ کسان لیڈروں کو گرفتار کر لیا ہے اور ان کےخلاف ایف آئی آر درج کردیا ۔

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔