ورلڈ بینک کی رپورٹ:سرکارکی خفت،اپنے ہی لیڈرکوبھروسہ نہیں،سبرامنیم سوامی نے معیشت کے مسائل پرمودی حکومت کوگھیرا

Source: S.O. News Service | By Shahid Mukhtesar | Published on 11th January 2018, 1:08 PM | ملکی خبریں |

نئی دہلی،10؍جنوری (ایس او نیوز؍آئی این ایس انڈیا)بجٹ سے عین قبل مودی حکومت کے لیے ورلڈ بینک سے اچھی خبرآئی ہے۔سال2018میں ہندوستان کی شرح ترقی7.3فیصد رہنے کا تخمینہ لگایا گیا ہے ، مگر بی جے پی کے ہی سینئر لیڈر اور راجیہ سبھا رکن سبرامنیم سوامی نے ورلڈ بینک کی اس رپورٹ پر سوال اٹھادیا ہے۔ سوامی کا کہنا ہے کہ ورلڈ بینک نے معیشت کو لے کر جو اعداد و شمار پیش کیے ہیں ، وہ ان پر یقین نہیں کرتے ہیں۔ سوامی کے مطابق ہندوستان کی معیشت فی الحال نیچے جارہی ہے۔خیال رہے کہ ورلڈ بینک نے اپنی رینکنگ رپورٹ میں حکومت ہند کے این پی اے سے نمٹنے کے طور طریقوں کی تعریف کی ہے۔ رپورٹ کے مطابق انسالوینسی اور بینک کرپسی کوڈ کے توسط سے بینکوں کے بیڈ لون کو واپس سسٹم میں لانے کے لیے حکومت اہم کام کررہی ہے۔سبرامنیم سوامی نے مغربی بنگال کی وزیراعلیٰ ممتا بنرجی کے آر ایس ایس سے متعلق بیان پر ابھی اپنا ردعمل ظاہر کیا۔ انہوں نے کہا کہ آر ایس ایس کوئی کتاب نہیں تقسیم کرتا ، جو دیگر مذاہب کے تئیں نفرت پیدا کرتا ہے۔ سوامی نے کہا کہ میں ممتا بنرجی کو چیلنج کرتا ہوں کہ جو بھی الزامات انہوں نے لگائے ہیں ، انہیں وہ ثابت کرکے دکھائیں۔سبرامنیم سوامی نے تمل ناڈو میں ممبران اسمبلی کی تنخواہ میں اضافہ کو لے کر کہا کہ یہ اسمبلی کے اختیارات ہیں۔ وقتاََفوقتاََتنخواہ میں اضافہ ہوناچاہیے۔ بی جے پی صدر امت شاہ کے ینگستان مشن کو سوامی نے نوجوانوں کو پارٹی سے جوڑنے کی اچھی کارروائی قرار دیا۔ سوامی کے مطابق2019 کے انتخابات کے پیش نظر ایسا کرنا انتہائی ضروری ہے۔

ایک نظر اس پر بھی

وزیر اعظم کی کسان بہبود ریلی کا ہفتہ کو انعقاد 

وزیر اعظم نریندر مودی کل شاہ جہاں پور میں کسان بہبود ریلی سے خطاب کریں گے۔ اس دوران وہ کسانوں کے لیے کئی اعلانات کر سکتے ہیں۔ وزیر اعظم کے سرکاری پروگرام کے مطابق مودی کل دہلی سے بریلی واقع اتر ترشول ہوائی اڈے پر اتریں گے اور وہاں سے ہیلی کاپٹر سے دوپہر 12 بج کر 20 منٹ پر روضہ واقع ...

وزیر اعظم مودی آئندہ ہفتہ جنوبی افریقہ سمیت کئی ممالک کے دورے پر

وزیر اعظم نریندر مودی اگلے ہفتے 23 سے 27 جولائی تک روانڈا، یوگنڈا اور جنوبی افریقہ کے دورے پر جائیں گے۔ جنوبی افریقہ کے دورے کے دوران وہ برکس کانفرنس میں بھی حصہ لیں گے جس میں بین الاقوامی امن اور سلامتی سمیت کئی عالمی مسائل پر بات چیت متوقع ہے۔وزارت خارجہ کے سکریٹری نے صحافیوں ...

عدم اعتماد تحریک میں مودی حکومت کو ملی بڑی کامیابی، اپوزیشن کواُٹھانی پڑی سخت ہزیمت

اپوزیشن کانگریس کو آج جمعہ کو اُس وقت سخت حزیمت کا سامنا کرنا پڑا، جب لوک سبھا میں ​عدم اعتماد کی تحریک پر 12 گھنٹے کی بحث کے بعد مودی حکومت نے اعتماد کا ووٹ حاصل کرلیا۔ عدم اعتماد کی تحریک کی مخالفت میں اور مودی حکومت کی حمایت میں 325 ووٹ پڑے جبکہ عدم اعتماد کی تحریک کی ...

نئی دہلی میں چھ ستمبر کو ہو گی پہلی امریکہ ۔بھارت مذاکرات: امریکی وزارت خارجہ

طویل انتظار اور بار بار تاریخ مقرر کرنے کے بعد بالآخر امریکہ اور بھارت کے درمیان پہلی مذاکرات چھ ستمبر کو نئی دہلی میں ہونی طے ہوئی ہے۔امریکہ نے ناگزیر وجوہات کا حوالہ دیتے ہوئے گزشتہ ماہ مذاکرات ملتوی کر دی تھی۔ مذاکرات بھارت اور امریکہ کے وزیر اور وزرائے دفاع کے درمیان ہونے ...

ہیلی کاپٹر اسکینڈل میں ای ڈی کے چارج شیٹ پر عدالت 23 جولائی کو کرے گی غور

دہلی کی ایک عدالت نے وی وی آئی پی ہیلی کاپٹر رشوت معاملے میں ای ڈی کی طرف سے دائر چارج شیٹ پر 23 جولائی کو نوٹس لے گی ۔ خصوصی جج اروند کمار نے تفتیشی افسر کے موجود نہ ہونے کا نوٹس لیتے ہوئے معاملے کو پیر کے لئے درج کر دیا ہے۔ ای ڈی نے کہا کہ اس نے تمام ملزمان کے خلاف الزامات کی حمایت ...