جھارکھنڈ میں بی جے پی لیڈر کا گولی مار کر قتل، خاندان کے 2 رکن زخمی

Source: S.O. News Service | By I.G. Bhatkali | Published on 3rd December 2017, 3:54 AM | ملکی خبریں | ان خبروں کو پڑھنا مت بھولئے |

رانچی2دسمبر (آئی این ایس انڈیا) جھارکھنڈ کے کھونٹی ضلع کے باگما گاؤں میں گزشتہ رات نامعلوم حملہ آوروں نے بی جے پی کے ایک رہنما کا ان کے گھر کے باہر گولی مار کر قتل کر دیا ، حملہ کی تاب نہ لاتے ہوئے بی جے پی لیڈر موقع پر ہی دم توڑ گئے، اس حملے میں رہنما کی ماں اور کزن زخمی ہو گئے۔واقعہ کی اطلاع ملنے پر ہفتہ کو جائے حادثہ پر پہنچے پولیس سپرنٹنڈنٹ اشونی کمار نے کہا کہ بی جے پی کے لیڈر بھیا رام منڈوا کے قتل کے پیچھے کے مقاصد کا ابھی پتہ نہیں چل پایا ہے۔پولیس سپرنٹنڈنٹ نے کہا کہ ہم 38 سالہ رہنما کے قتل کے مقصد کا پتہ لگانے کے لئے تمام ممکنہ وجوہات کی تفتیش کریں گے ۔ قصورواروں کو پکڑنے کے لئے سب ڈویڑن پولیس افسر رنویر سنگھ کی قیادت میں سخت مہم شروع کئی گئی ہے ۔ سنگھ نے کہا کہ منڈا کے کزن برسا اور ماں اگنی دیوی کو زخمی حالت میں ایک مقامی ہسپتال میں داخل کرایا گیا تھا ؛ لیکن وہاں کے ڈاکٹروں نے انہیں رانچی کے راجندر انسٹی ٹیوٹ آف میڈیکل سائنسز ریفر کر دیا ہے ۔ زخمیوں کی حالت کے متعلق ابھی تک کوئی اطلاع نہیں مل سکی ہے ۔ 

ایک نظر اس پر بھی

ڈیزل-پیٹرول کی قیمتیں اب تک کی سب سے زیادہ

ڈیزل اور پیٹرول کی لگاتار قیمتیں بڑھ رہی ہیں اور اب وہ اب تک کی سب سے زیادہ ہو چکی ہیں۔ کانگریس نے ڈیزل اور پٹرول کی قیمت پانچ سال میں سب سے اونچی سطح تک پہنچنے پر تشویش ظاہر کرتے ہوئے کہا کہ مودی حکومت کو ایندھن سے ہونے والی کمائی کا استعمال الیکشن جیتنے اور حکومتیں بنانے کے ...

2019 کے لیے اپوزیشن کی ورزش شروع، بہار میں بہار لیکن یوپی ڈالے گا پی ایم مودی کی راہ میں روڑا

کرناٹک میں55گھنٹے سے بھی زیادہ چلے سیاسی ڈرامہ کے بعد آخر کار یدورپا کو وزیر اعلیٰ کے عہدے سے استعفیٰ دیناپڑا۔اب کانگریس کی حمایت سے جے ڈی ایس کی حکومت بنے گی اور کمارسوامی وزیر اعلی کی کرسی پر بیٹھیں گے۔

راجناتھ کا ہیلی کاپٹر اتارنے کے لیے پہلے 26گھنٹے کے لیے کاٹی گئی بجلی، ہنگامے کے بعدسپلائی بحال

مرکزی وزیر داخلہ راج ناتھ سنگھ کے ہیلی کاپٹر کی لینڈنگ کرنے کے لیے ستنا کے مقامی انتظامیہ نے تقریباََ20دیہات کی بجلی 26گھنٹے کے لیے کاٹ دی۔ستنا میں اس وقت شدید گرمی پڑ رہی ہے اور وہاں زیادہ سے زیادہ درجہ حرارت42ڈگری سینٹی گریڈ ہے۔

اداکار پرکاش راج نے پی ایم مودی پر کسا طنز،56 انچ بھول جائیے، 55گھنٹے بھی نہیں سنبھالاجاسکا کرناٹک 

کرناٹک میں محض ڈھائی دن پرانی بھارتیہ جنتا پارٹی (بی جے پی)کی حکومت ہفتہ (19 مئی)کی شام گر گئی۔وزیر اعلی بی ایس یدی یورپا نے یقین نہ کا سامنا کئے بغیر ہی اسمبلی ٹیبل پر اپنے استعفی کا اعلان کر دیا۔

اناملائی دوبارہ چکمگلور کے ایس پی مقرر

بی ایس یڈی یورپا کے وزیر اعلیٰ بننے کے بعد رام نگرم ضلع کے ایس پی کی حیثیت سے تبادلہ کردئے گئے چکمگلور ضلع کے سپرنٹنڈنٹ آف پولیس کے اناملائی کو پھر سے چکمگلور کے ایس پی کے طور پرتبادلہ کیا گیاہے۔