کمار سوامی حکومت کوگرانے یڈیورپاکی کوششوں پر بی جے پی اعلیٰ کمان برہم

Source: S.O. News Service | By Shahid Mukhtesar | Published on 12th September 2018, 12:04 AM | ریاستی خبریں |

بنگلورو،11؍ستمبر(ایس او نیوز) سابق وزیر اعلیٰ اور ریاستی بی جے پی صدر بی ایس یڈیورپا کی طرف سے بارہا مختلف ذرائع سے ریاست کی کانگریس جے ڈی ایس مخلوط حکومت کو کمزور کرنے کی کوششوں اور اس میں مسلسل ناکامیوں پر بی جے پی اعلیٰ کمان نے برہمی کا اظہار کیا ہے۔

بتایاجاتاہے کہ 2019 کے لوک سبھا انتخابات کے دوران کرناٹک کے اقتدار پر کسی بھی حال میں بی جے پی کو قابض کرنے اور ریاست کی زیادہ سے زیادہ لوک سبھا سیٹوں پر بی جے پی کو کامیاب بنانے کے اپنے دعوے کو پورا کرنے کے لئے یڈیورپاکی طرف سے کمار سوامی حکومت کو گرانے کبھی ڈی کے شیوکمار پر مقدموں کا سہارا لیا جارہاہے تو دوسری طرف بلگام میں کانگریس لیڈران لکشمی ہبالکر اور جارکی ہولی برادران کے درمیان سیاسی اختلافات کا سہارا لینے کی کوشش کی جارہی ہے۔

بی جے پی اعلیٰ کمان کو یہ خوف لاحق ہوگیا ہے کہ ایسے مر حلے میں جب کہ لوک سبھا انتخابات کے لئے صرف چند ماہ رہ گئے ہیں۔ بی جے پی کی طرف سے آپریشن کمل کرنے کی کوئی بھی کوشش قومی سطح پر پارٹی کے امکانات کو متاثر کرسکتی ہیں۔ فی الوقت بی جے پی کی توجہ اس طرف مرکوز ہے کہ کسی بھی حال میں اگلی حکومت مودی کی بنے ۔کرناٹک میں پارٹی کو اقتدار ملتا ہے یا نہیں اس سے پارٹی کی مرکزی قیادت کو اتنی دلچسپی نہیں ہے۔اس سے پہلے بھی جب بی جے پی نے اسمبلی انتخابات میں 103سیٹوں پر کامیابی حاصل کی تھی تو گورنر نے اکثریت کو خاطر میں لائے بغیر یڈیورپا کو حکومت سازی کی دعوت دے دی تھی، سپریم کورٹ کی مداخلت کے بعد یڈیورپا کو اعتماد کا ووٹ لئے بغیر استعفیٰ دینا پڑا تھا۔اب دوبارہ یڈیورپا کی طرف سے آپریشن کمل کی کوششیں بی جے پی میں بے چینی کا سبب بنی ہوئی ہیں۔

ایسے مرحلے میں جبکہ تمام اپوزیشن پارٹیاں بی جے پی کے خلاف قومی سطح کا محاذ بناچکی ہیں۔ کرناٹک کی کمار سوامی حکومت کو گرانے کے لئے اگر بی جے پی کی طرف سے کوئی بھی کوشش ہوتی ہے تو قومی سطح پر یہ محاذ اور مستحکم ہوگا اور وزیر اعظم مودی کے لئے فی الوقت جو چیلنج پیش کیاگیا ہے وہ گزرتے وقت کے ساتھ مشکل ہوجائے گا۔ بی جے پی کی مرکزی قیادت نے یڈیورپاکو سخت ہدایت دی ہے کہ کسی بھی حال میں کانگریس یا جے ڈی ایس کے کسی برگشتہ لیڈر کو طلب کرکے ان سے ملاقات کی حماقت نہ کریں ۔

یڈیورپا کا کہنا ہے کہ کمار سوامی حکومت کو گراکر انہیں وزیر اعلیٰ بنایا جاتاہے تو وہ ریاست کی 28 میں سے 25 لوک سبھا سیٹوں پر بی جے پی کو کامیاب بنائیں گے۔اگر لوک سبھاانتخابات تک موجودہ حکومت برقراررہی تو ریاست کی دس لوک سبھا سیٹوں پر بھی بی جے پی کا جیتنا مشکل ہے۔ یڈیورپا کے اس بیان کو مرکزی قیادت نے سنجیدگی سے نہیں لیا اور پارٹی کا ماننا ہے کہ کرناٹک کی 20 25 سیٹوں کی وجہ سے بی جے پی قومی سطح پر اپنی ساکھ گنوانے کے موقف میں نہیں ہے۔موجودہ حالات میں اگر کمار سوامی حکومت کو گرانے کے لئے بی جے پی کی طرف سے کوئی بھی حرکت ہوتی ہے تو قومی سطح پر پہلے کی کمزور پڑتی ہوئی مودی کی ساکھ اور بھی متاثر ہوگی۔

بی جے پی کی مرکزی قیادت کا یہ بھی ماننا ہے کہ ریاست میں اگر اقتدار نہ بھی ہوتو بی جے پی 28 میں سے 12سے14 سیٹوں پر کامیابی حاصل کرلے گی، صرف چند سیٹوں کے لئے منتخب حکومت کو جس کی کوئی غلطی نہیں ہے گرانا احمقا نہ حرکت ہوگی۔ دوسری طرف یڈیورپا کی ضد ہے کہ کمار سوامی حکومت کو گراکر انہیں وزیر اعلیٰ بنایا جائے۔ وہ پارٹی کو 25سیٹوں پر کامیابی دلانا چاہتے ہیں، ان کا کہنا ہے کہ لوک سبھا انتخابات سے قبل اگر انہیں وزیر اعلیٰ نہیں بنایا گیا تو لوک سبھاانتخابات میں پارٹی ان سے کسی طرح کی امید وابستہ نہ رکھے۔ 

ایک نظر اس پر بھی

سیلاب زدہ کورگ کیلئے اضافی تعاون کا اعلان فی کنبہ 50ہزار روپئے رقم دینے کا فیصلہ

ورگ ضلع میں حال ہی میں ہوئی موسلا دھار بارش اور سیلاب کی وجہ سے کئی گھر تباہ وبرباد ہوگئے ۔ متاثرہ کنبوں کیلئے کپڑے اور روز مرہ کی ضروریات کی خریداری کے مقصد سے وزیر اعلیٰ ریلیف فنڈ کے تحت فی کنبہ 50ہزار روپئے اضافی رقم جاری کرنے کا ریاستی حکومت نے فیصلہ کیا ہے۔

سدارامیا کے دست راست ضمیر احمد خان حکومت کی حفاظت کی خاطر ناراض اراکین اسمبلی کو منانے میں سرگرداں

سابق وزیر اعلیٰ سدارامیا کی ترغیب پر جے ڈی ایس کو خیر باد کہتے ہوئے کانگریس میں شمولیت اختیار کرنے والے بی زیڈ ضمیر احمد خان مخلوط حکومت کی حفاظت پر مامور دکھائی دے رہے ہیں، سدارامیا کے ناراض اراکین اسمبلی کو منانے کی کوشش میں بی زیڈ ضمیر احمد خان سرگرم ہوگئے ہیں، ناراضی کی لہر ...

ریاستی مخلوط حکومت کو گرانے میں بی جے پی بری طرح ناکام لوک سبھا انتخابات پر توجہ مرکوز کرنے کی ہدایت ، آخری دم تک فرقہ پرستی کے خلاف لڑتا رہوں گا:سدارامیا

ریاستی مخلوط حکومت میں ساجھیدار کانگریس اور جے ڈی ایس کے اراکین اسمبلی کے درمیان جن اختلافات کا فائدہ اٹھا کر اپوزیشن بی جے پی نے پچھلے دو ہفتوں سے آپریشن کنول کے ذریعہ مخلوط حکومت کو گرانے کی جو کوشش کی تھی ،اب وہ ناکام ہوچکی ہے۔

ویمن انڈیا موؤمنٹ کی جانب سے 23 ستمبر کو بنگلور سے شروع ہورہی ہے خواتین کے تحفظ کو لے کر ملک گیر مہم

ویمن انڈیا موؤمنٹ (Women India Movement) نے 23ستمبر 2018تا 8 مارچ 2019 " خواتین پر تشدد بند کرو " اور "ّ آئیے ہمارے تحفظ کیلئے لڑائی لڑیں " کے نعروں کے تحت  ایک ملک گیر مہم  شروع  کرنے کا اعلان کیا ہے جس کے لئے  ملک کی خواتین سے اپیل کی گئی  ہے کہ وہ اس ملک گیر تحریک میں شامل ہوکر اپنے حالات ...

جنوبی ہند کے مشہور ومعروف عالم دین حضرت مولانا زکریا والا جاہی کا انتقال

نوبی ہند کے مشہور ومعروف،ممتاز جیدعالم دین زکریا صاحب والا جاہی طویل علالت کے بعد آج صبح 10؍بجے اپنے مالک حقیقی سے جاملے۔ مولانا کو شیواجی نگرکے براڈوے کی ان کی رہائش پر آخری دیدار کے لئے رکھا گیا تھا۔