بنگلورو9/اکتوبر(ایس او نیوز)فورنسک تجربہ گاہ میں بی جے پی ہائی کمان کو رقم پہنچانے کے بارے میں موبائل پر مرکزی وزیر  اننت کمار اوریڈیورپا کے درمیان بات چیت کی فون ریکارڈنگ کی تفصیلی جانچ کے بعد ان دونوں کے درمیان  ہی یہ  بات چیت کئے جانے کا انکشاف ہونے کے بعد اب ریاستی حکومت نے یہ معاملہ اے سی بی کے حوالے کرنے کا  فیصلہ کیا ہے۔ وزیر اعلیٰ سدرامیا نے آج اس تعلق سے وزیر داخلہ رام لنگا ریڈی اور ان کے قانونی مشیر کیمپپا اور شہرکے پولیس کمشنر سنیل کمار کو اپنی رہائش گاہ طلب کرکے ان کے ساتھ اس معاملے میں اگلے اقدامات کے سلسلے میں تفصیلی بحث کی۔جیسے جیسے اسمبلی انتخابات قریب  آرہے ہیں  اب کانگریس  اور جے ڈی ایس  ایک  دوسرے سے مختلف انداز سے انہیں  پھانسنے اور ان کے خلاف عوام میں  بدگمانیاں پیدا کرنے مختلف حربے استعمال کرنے لگے ہیں  اور ایک  دوسرے کے خلاف سےاسی دشمنی کا کھلا مظاہرہ کرنے لگے ہیں۔کہا جا رہا ہے کہ بی جے پی کو گھیرنے کےلئے اب حکومت بی جے پی ہائی کمان کو رشوت دینے  کے سلسلے میں  اننت کمار اور یڈیورپا کے درمیان  ہوئی بات چیت  کے کسٹ کو استعمال کرکے ان کے خلاف اے سی بی کے ذریعہ  کےس درج کروانے کی تیاری کر رہی ہے۔اس آڈیو ٹیپ  کو پولیس  نے فورنسک تجربہ گاہ روانہ کیا  تھا، جہاں جانچ کے بعد ان دونوں کے درمیان ہوئی بات چیت کو ان دونوں کی اصلی آواز ہی قرار دیا  گیا ہے۔ یہ  رپورٹ حکومت اب اے سی بی کو روانہ کرکے ان کے خلاف کسی  درج کرنے کی تیاری  کر رہی ہے اور ان دونوں کے خلاف جانچ کروائی جانے والی ہے۔ نامہ نگاروں نے آج اس سلسلے میں  وزیر  برائے ایندھن ڈی کے شیوکمار سے اس تعلق سے سوال کئے تھے۔ انہوں نے اس معاملہ میں  لاعلمی ظاہر کی اور کہا کہ اننت کمار اوریڈیورپا کے خلاف اے سی بی میں کسی  درج کروانے کے معاملہ کا انہیں کوئی علم نہیں ہے۔ یہ معاملہ اے سی بی کا ہے البتہ یڈیورپا کے خلاف اس معاملے میں ثبوت وقت آنے پر ظاہر کئے جائیں  گے ۔ وزیر اعلیٰ سدرامیا نے بھی کہا ہے کہ بی جے پی کے ریاستی لیڈروں کی جانب سے اپنے دہلی کے لیڈروں کو رقم پہنچانے کی جو سی ڈی جاری ہوئی ہے اس کی بنیاد پر پولیس  قانونی طریقہ  سے اس کی جانچ کر رہی ہے ان دونوں کے خلاف شکایت  درج کرنے وہ پولیس  افسر نہیں ہیں۔ پولیس محکمہ اس معاملہ کی جانچ کرے گا۔بی جے پی ہائی کمان کو رشوت دینے کے معاملہ میں  ہوئی بات چیت  کی سی ڈی کی جانچ کے بعد اس سی ڈی کو اصلی قرار دئے جانے پر آج شہر کے آنند راؤ سرکل پر کانگریس  کارکنوں نے مرکزی وزیر اننت کمار اور بی جے پی ریاستی  صدر یڈیورپا کے استعفیٰ کا مطالبہ کرتے ہوئے احتجاجی مظاہرہ کیا۔ اس احتجاج میں  کے وی کے چئیرمین منوہر، ایم  سلیم، جی جناردھن، شیکھربھی شامل تھے۔