امراوتی:21/نومبر(ایس او نیوز/آئی این ایس انڈیا)ندھرا پردیش کے وزیر اعلی این چندرا بابو نائیڈو نے بی جے پی قیادت این ڈی اے حکومت پر مرکزی تفتیشی بیورو کوکلیکشن بیورو میں تبدیل کرنے اور بھاتیہ ریزرو بینک کی خود مختاری کو ختم کرنے کا الزام لگایا۔ریاستی حکومت نے حال ہی میں مرکزی تفتیشی بیورو کو ریاست میں چھاپہ مارنے اور تحقیقات کرنے کے لئے ’اتفاق رائے‘ واپس لے لی تھی۔وزیر اعلی نے سپریم کورٹ میں سی بی آئی کے ڈی آئی جی منیش کمار سنہا کی درخواست کا ذکر کرتے ہوئے کہاکہ سی بی آئی کے ایک افسر نے خود یہ انکشاف کیا کہ وزیر اعظم کا دفتر ایجنسی کے کام کاج میں دخل دے رہا ہے۔افسر نے اجیت ڈوبھال (قومی سلامتی کے مشیر) اور مرکزی قانون سیکرٹری کی دخل اندازی پر سپریم کورٹ میں ایک حلف نامہ داخل کیا ہے۔تیلگودیشم پارٹی نے ایک بیان میں کہا کہ نائیڈو نے مرکز میں بی جے پی کی قیادت والی این ڈی اے حکومت پر نشانہ لگاتے ہوئے ٹی ڈی پی سربراہ نے اس پر سی بی آئی کو کلیکشن بیورو میں تبدیل کرنے اور بھارتی ریزرو بینک کی آزادی کوختم کرنے کا الزام لگایا۔انہوں نے کہاکہ رافیل ملک کا سب سے بڑا دفاعی دھوکہ ہے۔بی جے پی ملک کی سلامتی کو خطرے میں ڈال رہی ہے۔مودی حکومت نے اپنے 54 ماہ کے دور حکومت میں کوئی بڑا پروگرام شروع نہیں کیا۔ انہوں نے الزام لگایا کہ مرکز پٹرول اور ڈیزل کی قیمتوں کو کنٹرول کرنے میں ناکام رہا ہے جبکہ روپے کی قیمت نیچے گری ہے۔ میں نے آندھرا پردیش کو نمبر ایک بنایا ،میری صلاحیت ریاست کے لئے مفید ہونی چاہئے کیونکہ میں اسے دنیا میں نمبر ایک بنانا چاہتا ہوں۔