جیل میں بدعنوانیوں کی عدالتی جانچ کرانے بی جے پی کا مطالبہ

Source: S.O. News Service | By Shahid Mukhtesar | Published on 16th July 2017, 10:47 AM | ریاستی خبریں |

بنگلورو،15؍ جولائی(ایس او نیوز) شہر کی سنٹرل جیل میں مبینہ بے قاعدگیوں ، رشوت ستانی اور دیگر الزامات کی عدالتی جانچ کرانے کا ریاستی بی جے پی نے مطالبہ کیا ہے۔ آج سابق نائب وزیراعلیٰ آر اشوک نے کہاکہ جیل میں جو بھی بے قاعدگیاں اور دھاندلیاں رونما ہوئی ہیں ان کی ایک وظیفہ یاب جج کے ذریعہ جانچ کرائی جائے تو حقیقت سامنے آئے گی۔انہوں نے کہا کہ جیل میں بند اے آئی اے ڈی ایم کے کی سربراہ ششی کلا نٹراجن کو وی آئی پی سہولیات پہنچانے کے عوض دو کروڑ روپے رشوت لئے جانے کا الزام انتہائی سنگین ہے، اس سلسلے میں ڈی آئی جی روپا نے جو خط حکومت کو روانہ کیا ہے اس کی بنیاد پر غیر جانبدارانہ تحقیقات یقینی بنائی جائے۔ انہوں نے کہاکہ روپا نے یہ الزام لگایا ہے کہ محکمۂ قید خانہ کے ڈی جی پی ایچ ایس ستیہ نارائن راؤ پر دو کروڑ روپے رشوت لینے کا الزام ہے جب تک ان الزامات کی سچائی سامنے نہیں آجاتی اس وقت تک دونوں افسران کو طویل چھٹی پر بھیج دیا جاناچاہئے، تاکہ غیر جانبداری سے جانچ کی جاسکے۔ انہوں نے کہاکہ ریاستی حکومت نے اس معاملے کی جانچ ایک وظیفہ یاب اڈیشنل چیف سکریٹری کے ذریعہ کرانے کا اعلان کیا ہے، لیکن اس جانچ کے ذریعہ حقیقت سامنے آنا مشکل ہے۔ ہوسکتا ہے کہ کچھ دنوں بعد جانچ کرکے متعلقہ کمیٹی بدعنوان افسران کو کلین چٹ دے دے۔ اشوک نے کہاکہ محکمۂ پولیس میں دیانتدار پولیس افسران کو ان کی ذمہ داریوں سے ہٹایا جارہا ہے۔ جیسے کہ بنگلور کی ڈی سی پی رہ چکی سونیا نارنگ کوغیر ضروری طور پر ہراساں کیا جارہا ہے۔ وزیراعلیٰ سدرامیا کو چاہئے کہ اس معاملے میں ذاتی مداخلت کریں۔ جیل کے اندر افیم ، گانجہ اور دیگر منشیات کس طرح پہنچیں اور اس کے پیچھے کونسی طاقتیں کار فرما ہیں۔حکومت کو چاہئے کہ اس کی سختی سے جانچ کرے۔ 

ایک نظر اس پر بھی

کرناٹکا میں پرائیویٹ ڈاکٹروں اور اسپتالوں سے متعلقہ بِل میں ترمیم۔ جیل کی سزا حذف کردی گئی

پچھلے کچھ دنوں سے حکومت کرناٹکا اور پرائیویٹ ڈاکٹروں کے درمیان جس بِل کو لے کر تنازعہ کھڑا ہوگیا تھا اس پر حکومت نے پسپائی اختیار کرتے ہوئے KPMEایکٹ کے ترمیم شدہ بل کوذرا نرم کرکے اسمبلی سیشن میں پیش کردیاہے اور مریض کے سلسلے میں ڈاکٹر یا اسپتال کی غلطی کے لئے 6مہینے سے 3سال تک ...

صنعتوں کے فروغ کے لئے سمٹ بہتر ذریعہ:دیش پانڈے کا بنگلور انٹرنیشنل ایگزی بیشن سنٹرمیں دوروزہ ’’وینڈرڈیولپمنٹ انوسٹرزسمٹ کا انعقاد

ریاستی وزیر برائے بڑی ودرمیانی صنعتیں آروی دیش پانڈے نے بتایاکہ درمیانی اورچھوٹی صنعتوں کو فروغ دینے کے مقصد سے 23اور 24نومبر شہر کے مضافات ٹمکور روڈ کے بنگلور انٹرنیشنل ایگزی بیشن سنٹر ( بی آئی ای سی) میں دوروزہ ’’وینڈرڈیولپمنٹ انوسٹرزسمٹ 2017‘‘ کااہتمام کیاگیاہے۔

حکومت کی اسکیموں کو عوام تک پہنچانا ہم سب کی ذمہ داری: چنتامنی ،چنسندرہ گرام پنچایت کی صدر کوثر شریف کا بیان

حکومتیں عوام کی فلاح بہبودی کے لئے بیشمار اسکیمیں بنائی ہے جو بھی لوگ ان اسکیموں کے بارے میں جانکاری رکھتے ہیں ان کو چاہئے کہ ان اسکیموں کے بارے میں عوام کو بھی معلومات کرائیں ان باتوں کااظہار خیال چنسندرہ گرام پنچایت کی صدر کوثر شریف نے کہی ۔