کمار سوامی ذاتی فائدہ کے لئے عہدہ کااستعمال کررہے ہیں: بی جے پی

Source: S.O. News Service | By Shahid Mukhtesar | Published on 12th March 2019, 11:17 AM | ریاستی خبریں |

بنگلورو،12؍مارچ (ایس او نیوز) ریاستی بی جے پی نے وزیراعلیٰ ایچ ڈی کمار سوامی پر آج الزام لگایا ہے کہ وہ عہدہ کا غلط استعمال کرتے ہوئے اپنے کنبہ کی تجارت کو فروغ دینے بیٹے کو سیاست میں لارہے ہیں۔ بی جے پی نے اپنے ٹویٹ میں وزیراعلیٰ پر تنقید کرتے ہوئے کہاکہ کمار سوامی اپنے اداکار بیٹے نکھل کمار سوامی کو جے ڈی ایس کے مضبوط قلعہ منڈیا پارلیمانی حلقہ میں اتارکر ان کی کامیابی کو یقینی بنانے دن رات جدوجہد کررہے ہیں۔ بی جے پی کے اس ٹویٹ پر جواب دیتے ہوئے جے ڈی ایس نے زعفرانی پارٹی پردوسری پارٹیوں کے اراکین اسمبلی کو خریدنے میں ملوث ہونے کا الزام لگایا۔ اس معاملہ میں دونوں پارٹیوں کے درمیان ٹویٹ وار شروع ہوگیا۔ زعفرانی پارٹی نے کہاہے کہ کمار سوامی پہلے اور دوسرے مہینے میں حکومت تشکیل دینے میں مصروف رہے۔ تیسرے اور چوتھے مہینہ میں بیوی انتیا کمار سوامی کو رامنگرم حلقہ سے کامیاب بنانے میں مگن رہے۔ 7ویں؍اور8؍ویں مہینے کے دوران بیٹے کو منڈیا سے کس طرح کامیاب بنانا ہے اس فکر میں رہے۔ ریاستی بی جے پی نے کمار سوامی پر یہ بھی الزام لگایا ہے کہ وہ وزیراعلیٰ کی کرسی کا استعمال اپنے خاندانی تجارت کی ضرورت کے لئے کررہے ہیں۔ کمار سوامی کی بیوی انیتا رامنگرم حلقہ کی ایم ایل اے ہیں لیکن اسی حلقہ کی ذمہ داری بھی وزیراعلیٰ سنبھالتے ہیں۔ نکھل امبریش کی بیوہ سمالتا کے ساتھ منڈیا سے مقابلہ کریں گے۔ ذرائع کے مطابق اگر کانگریس نے سمالتا کو منڈیا سے ٹکٹ نہیں دیا تو وہ بی جے پی میں شامل ہوسکتی ہیں۔ 

ایک نظر اس پر بھی

بنگلور میں 23/ مئی کو ووٹوں کی گنتی کے دوران امتناعی احکامات نافذ

23 مئی کو لوک سبھاانتخابات کے نتائج کا اعلان ہورہا ہے۔ انتخابات کے نتائج ظاہر ہونے کے مرحلے میں کوئی ناخوشگوار صورتحال پیدا نہ ہونے پائے اس کے لئے شہر کے پولیس کمشنر سنیل کمار نے 23مئی کی صبح چھ بجے سے شہر بھر میں امتناعی احکامات نافذ کرنے کا اعلان کیا ہے۔

کرناٹک کے کندگول اور چنچولی حلقوں میں آج ہوگی پولنگ؛ 85 پولنگ بوتھوں کو قرار دیا گیا ہے حساس

ریاست کرناٹک  کے دو اسمبلی حلقوں کندگول اور چنچولی کے لئے آج اتوار کو  ووٹ ڈالے جائیں گے۔ دونوں حلقوں پر کامیابی درج  کرنے کے لئے کانگریس جے ڈی ایس اتحاد اور بی جے پی نے ایڑی چوٹی کا زور لگایا ہے۔

محمد محسن کی فرض شناسی کو پھر نشانہ بنانے کی کوشش، الیکشن کمیشن تادیبی کارروائی کے لئے ہائی کورٹ سے رجوع

اڈیشہ میں انتخابی مشاہد کے طور پر متعین کرناٹک کیڈر کے آئی اے ایس افسر محمد محسن نے وزیراعظم مودی کے ہیلی کاپٹر کی تلاشی لے کر جس فرض شناسی کا ثبوت پیش کیا اسے فرض شکنی قرار دیتے ہوئے الیکشن کمیشن نے نہ صرف انہیں معطل کردیا بلکہ اب ایسا لگتا ہے کہ الیکشن کمیشن نے انہیں نشانہ ...