فلسطینی اتھارٹی کی امداد روکنے کے لیے امریکی قانون سازی

Source: S.O. News Service | Published on 5th August 2017, 11:05 PM | عالمی خبریں | قانونی صلاح |

نیویارک،5اگست(ایس اونیوز/آئی این ایس انڈیا)امریکی کانگریس کی خارجہ کمیٹی نے ایک نئے مسودہ قانون کی منظوری دی ہے جس میں فلسطینی اتھارٹی کو دی جانے والی مالی امداد مشروط کرنے کی سفارش کی گئی ہے۔ذرائع ابلاغ کے مطابق فلسطینی اتھارٹی کی امداد روکے جانے سے متعلق بل پر گذشتہ روز رائے شماری کی گئی۔ خارجہ کمیٹی کے 17ارکان نے بل کی حمایت اور چار نے مخالفت کی۔کمیٹی میں بل کی حمایت میں کی گئی رائے شماری کے دوران کثرت رائے سے بل منظور کیا گیا۔ اگلے مرحلے میں اس بل کو رائے شماری کے لیے ایوان نمائندگان میں پیش کیا جائے گا۔
ادھر امریکا میں اسرائیلی اور یہودی لابی کی نمائندہ تنظیم ایپک نے کانگریس میں فلسطینی اتھارٹی کی امداد کو مشروط کرنے کے بل کا خیر مقدم کیا ہے۔ ایک بیان میں صہیونی لابی کی نمائندگی کرنے والے گروپ ایپک نے کہا ہے کہ فلسطینی اتھارٹی کی امداد روکے جانے کی سفارشات پرمبنی اس بل پر جلد از جلد عمل درآمد کیا جانا چاہیے۔امکان ہے کہ کانگریس میں اس بل پر مزید غور سالانہ تعطیلات کے بعد کیا جائے گا، کیونکہ اگست سے کانگریس کی سالانہ تعطیلات بھی شروع ہو رہی ہیں۔ڈیموکریٹک رکن کانگریس ٹوم اوڈال نے خبردار کیا ہے کہ فلسطینی اتھارٹی کی امداد بند کرنے سے فلسطین میں تشدد میں مزید اضافہ ہو سکتا ہے۔

ایک نظر اس پر بھی

کینیا میں الیکشن کمشنر مستعفی

کینیا کی خاتون الیکشن کمشنر روزلین آکومبے نے اپنے دیگر سات ساتھی الیکشن کمشنرز پر الزام عائد کیا ہے کہ وہ سیاسی طور پرجانبدار ہیں اور آئندہ صدارتی انتخابات شفاف نہیں ہوں گے۔

ابوظہبی کی فیمیلی کوسوشیل میڈیا پر تصاویر پوسٹ کرنا مہنگا پڑگیا؛ چوروں نے کیا پورے گھر پر ہاتھ صاف

عام طور پر لوگ سیر و سیا حت کے لئے اس لئے جاتے ہیں کہ وہ بے فکر ہو کر زندگی کے کچھ لمحات گزاریں اور ذہنی و جسمانی سکون حاصل کریں۔ لیکن عرب امارات کی ایک فیمیلی کو یوروپ کی سیر و سیاحت کے لئے جانے کے بعد وہاں سے اپنے خوش گوار لمحات کی تصاویر سوشیل میڈیا پرپوسٹ کرنا بہت مہنگا پڑا ...