بلقیس بانو کی عرضی پرگجرات حکومت چھ ہفتے میں جواب دے:سپریم کورٹ

Source: S.O. News Service | By Shahid Mukhtesar | Published on 13th March 2018, 11:57 AM | ملکی خبریں |

نئی دہلی12مارچ(ایس او نیوز؍ آئی این ایس انڈیا )سپریم کورٹ نے آج حکومت گجرات سے کہاہے کہ 2002میں گجرات کی اجتماعی آبروریزی کا شکار ہونے والی خاتون بلقیس بانو کی اس عرضی کا چھ ہفتوں کے اندرجواب دے دیاجائے جنہوں نے معاوضہ میں اضافے کی مانگ کی ہے۔ چیف جسٹس آف انڈیا دیپک مشرا اور جسٹس اے ایم کھانولکر اور ڈی وائی چندراچڈ پر مشتمل بنچ نے بلقیس بانو کے وکیل اور گجرات اور مرکز کی طرف سے پیش کردہ معروضات سننے کے بعد مذکورہ حکم جاری کیا۔حکومت گجرات نے بلقیس بانو کا معاوضہ بڑھانے کے نوٹس کا جواب دینے کے لئے مزید چھ ہفتوں کی مہلت مانگی ۔ بلقیس بانو نے اجتماعی آبروریزی معاملے میں حکومت گجرات سے معاوضے میں اضافے کی نظیر قائم کرنے کا مطالبہ کیا ہے۔ انہوں نے یہ الزام بھی لگایا ہے کہ حکومت گجرات نے اس معاملے میں ان کے ساتھ ناانصافی کرنے کے منظم ہتھکنڈے استعمال کئے۔ بلقیس بانو نے الزام لگایا تھا کہ ریاست کی طرف سے جان بوجھ کر ایک سے زیادہ ناکامیوں کا مظاہرہ کیا گیا ہے۔بلقیس بانو کی گجرات میں 2002 کے فرقہ وارانہ فسادات کے دوران مبینہ طور پر آبروریزی کی گئی تھی اور ان کے گھر کے تین لوگوں کو مبینہ طور پر بلوائیوں نے قتل کردیا تھا۔

ایک نظر اس پر بھی

ایم پی اور ایم ایل اے کے وکالت کرنے پر پابندی نہیں, سپریم کورٹ نے کہا یہ لوگ کل مدتی سرکاری ملازم نہیں ہیں

سپریم کورٹ نے کہا ہے کہ ممبران پارلیمنٹ اور اراکین اسمبلی کو وکالت کرنے روکا نہیں جا سکتا ہے۔ عدالت نے کہا کہ یہ لوگ کل مدتی سرکاری ملازم نہیں ہیں۔ انہیں پریکٹس سے روکنے سے روکنے کا قانون بار کونسل آف انڈیا نے نہیں بنا یا ہے۔ گذشتہ 9جولائی کو سپریم کورٹ نے فیصلہ محفوظ رکھ لیا ...

ہیومن ویلفیئر فاونڈیشن ، کیرالامیں 500 نئے گھروں کی تعمیرکرے گا

کیرالامیں آئے صدی کے سب سے بڑے سیلاب سے لگ بھگ ساڑھے چار سو سے زائد جانیں تلف ہونے کی اطلاعات ہیں ، اور 40 ہزار کروڑ کا مالی نقصان ہوا ہے ۔ مصیبت کی اس گھڑی میں پورا ملک کیرالا کے ساتھ کھڑا رہا ۔ پہلے مرحلے میں ریلیف کے بعد اب تباہ حال کیرالا کی باز آبادکاری کا مرحلہ شروع ہوا ہے

طلاق ثلاثہ پر مرکزی حکومت کا آرڈیننس غیر آئینی؛ جمعیۃ علماء نے کیا سپریم کورٹ سے رجوع ہونے کا فیصلہ،گلزار اعظمی

گذشتہ دنوں بھارتیہ جنتا پارٹی کی قیادت والی مرکزی حکومت نے طلاق ثلاثہ معاملے میں عجلت کا مظاہرہ کرتے ہوئے آرڈیننس پاس کرالیا جس کے بعد سے ہی انصاف پسند عوام بالخصوص مسلمانوں میں بے چینی پھیلی ہوئی ہے ۔

اردو زبان کے نوجوان نقاد اور صحافی غلام نبی کمار’’تعمیل ارشاد ادبی ایوارڈ‘‘سے سرفراز

اردو زبان و ادب کے نوجوان ادیب ،نقاد اور صحافی غلام نبی کمارکو ریاست جموں و کشمیر کے مشہور و معروف اخبار روزنامہ تعمیل ارشاد کی جانب سے’’تعمیل ارشاد ادبی ایوارڈ2018‘‘سے نوازا گیا۔

دادری ہجومی تشدد معاملہ کا ملزم روپیندر رانا نوائیڈ ا سے اگلے لوک سبھا کا ہوگا امیدوار؛ نو نرمان سینا دے گی ٹکٹ

سال 2015میں پیش ائے دل دہلادینے والے دادری ہجومی تشدد کا واقعہ جس میں مشتبہ بیف کے نام پر محمد اخلاق کا بے رحمی کے ساتھ قتل کردیا گیا تھا اس کیس کا ایک اہم ملزم اترپردیش نو نرمان سینا کے ٹکٹ پر مجوزہ لوک سبھا الیکشن میں نوائیڈا سے امیدوار ہوگا۔

’’چوکیداربن گیا چوروں کا سردار‘‘:راہل۔رافیل سودے کی تفتیش مرکزی ویجلنس سے کرانے کا مطالبہ

کانگریس صدر راہل گاندھی نے پیر کے روز وزیر اعظم نریندر مودی کو دوبارہ کٹہرے میں کھڑا کرتے ہوئے فرانس کے سابق صدر فرانسوا اولاند کے اس انٹرویو کا ویڈیو جاری کیا ،جس میں انہوں نے کہا تھا کہ رافیل جنگی طیارہ کے سودے میں آفسیٹ پارٹنر کے لئے انل امبانی کی کمپنی کا نام ہندوستان کی ...