چنتامنی ،4؍ اگست(سید اسلم پاشاہ؍ ایس او نیوز) تعلقہ کنچارہلی رورل پولیس نے ایک ٹووہیلر چور کو گرفتار کرتے ہوئے اُس کے قبضہ سے7لاکھ مالیت کی 20 موٹر بائکوں کو ضبط کرلیا ہے گرفتار شدہ ملزم کی شناخت تعلقہ دنڈاپالیہ گرام کے رہنے والے وی۔وینکٹ سوامی(35)کے طور پر کی گئی ہے یہ بات چکبالاپور ضلع سپرٹنڈنٹ آف پولیس کرتیک ریڈی نے کنچارہلی رورل پولیس تھانہ میں طلب کردہ آخباری کانفرنس میں بتائی۔
انہوں نے بتایا کہ پچھلے شہر شنبہ کے روز علی الصبح 04:00بجے وینکٹ سوامی KA:03 EJ:6243نمبر پلیٹ والی گاڑی لے کرجارہا تھا اُس دوران کنچارہلی رورل پولیس تھانہ کے سرکل انسپکٹر انیل کمار اوردیگر پولیس اہلکاروں نے شک ظاہر کرتے ہوئے اُس سے پوچھ تاچھ کی، پھر پولیس نے اُس کو حراست میں لیکر تحقیقات کی تو پتہ چلا کہ وینکٹ سوامی بنگلور کے ہلہنکا پرینکا نگر میڈ ہلی کے۔آر۔پورم وغیرہ علاقوں سے راتوں میں ٹوہیلر گاڑیوں کی چوری کرکے کم قیمت پر اُسے فروخت کردیا کرتا تھا ۔
کرتیک ریڈی نے بتایا کہ چور وینکٹ سوامی 15سال پہلے کولار شہر کے مختلف علاقوں میں سائیکل وغیرہ چوری کرنے کے الزام میں کولار پولیس نے گرفتار کرکے معاملہ درج کیا تھا وہاں جیل سے رہا ہونے کے بعد چنتامنی ٹاون میں پھر سے اُس نے 5سائیکلوں کی چوری کرتے ہوئے رنگے ہاتھوں پکڑا گیا تھا، اس پر چوری کے مختلف معاملات بنگلور کے مختلف پولیس تھانوں میں بھی درج ہیں ۔
اخباری کانفرنس میں ڈی وائی ایس پی کرشنامورتی چنتامنی رورل پولیس تھانہ کے سرکل انسپکٹر آنند ہیڈ کانسٹیبل شیوپا کانسٹیبل لکشمی پتی ملیکارجن منجوناتھ سمیت کئی پولیس اہلکار موجود رہے ۔