بھٹکل کا ایک نوجوان شیرور میں ہوئے سڑک حادثہ میں جاں بحق؛ دوسرا شدید زخمی ۔۔۔(آپڈیٹ نیوز)

Source: S.O. News Service | By I.G. Bhatkali | Published on 12th March 2018, 10:42 AM | ساحلی خبریں | ان خبروں کو پڑھنا مت بھولئے |

بھٹکل 12/مارچ (ایس او نیوز)  پڑوسی علاقہ شیرور میں ہوئے ایک سڑک حادثہ میں بھٹکل چوتنی کا ایک نوجوان موقع پر ہی ہلاک ہوگیا، جبکہ بائک کی پچھلی سیٹ پرسوار دوسرا نوجوان  شدید زخمی ہوگیا۔

مرنے والے کی شناخت  بھٹکل چوتنی کے عبدالرقیب ابن عبدالطیف بیری (25) کی حیثیت سے کی گئی ہے، جبکہ زخمی ہونے والے نوجوان کی شناخت ابومحمد ابن  محمد خالد (22) کی حیثیت سے کی گئی ہے۔ 

بتایا گیا ہے کہ یہ لوگ رات کو بیندور میں منعقدہ کبڈی ٹورنامنٹ میں میچ کھیلنے کے لئے گئے تھے، رات قریب بارہ بجے سے بیندور سے بھٹکل کے لئے روانہ ہوئے تھے،  مگر آج صبح  راہ گذرتی ایک خاتون نے  بریج سے کچھ فاصلے پر واقع  کھائی کے  نیچے  ان کو بائک سمیت گرا ہوا پاکر لوگوں کو جمع کیا، اس دوران خبر ملتے ہی بھٹکل موگلی ہونڈا کے سماجی کارکن ابوبکر دامدا اور چوتنی کے سماجی کارکن  امتیاز حیدر موقع پر پہنچے اور نوجوان کی شناخت کرکے گھروالوں کو حادثے کی جانکاری دی۔

واقعے کی جانکاری ملتے ہی بیندور پولس موقع پر پہنچی ، جبکہ امتیاز نے  ابو محمد کو  اسپتال روانہ کرنے کے ساتھ ساتھ پولس کی مدد سے ضروری کاروائیوں کے بعد میت کو بیندور اسپتال منتقل کیا۔

بتایا گیا ہے کہ عبدالرقیب کے سر پر گہری چوٹ کا نشان ہے، جس سے شبہ ہے کہ اس کے سرپر سے کسی سواری کا  پہیہ گذرا ہوگا، جس کے نتیجے میں اس کی موت واقع ہوئی ہے، البتہ دوسرا نوجوان ابومحمد قریب میں ہی گرا ہوا تھا۔  یہ دونوں چوتنی کی سیدنا اسماعیل مسجد کے قریب کے رہنے والے ہیں۔ 

بیندور پولس اس بات کی چھان بین کررہی ہے کہ آیا بائک کو ٹکر دے کر کوئی سواری فرار ہوئی ہے، یا پھر شیرور نیشنل ہائی وے کے  موڑ پر ان کی بائک بے قابو ہوکر نیچے گری ہے اور نیچے گرنے سے سر پر چوٹ لگی ہے۔

زخمی ابومحمد کو پہلے کنداپور اسپتال میں داخل کیا گیا تھا، جہاں سے زائد علاج کے لئے اُڈپی ادرش اسپتال میں منتقل کیا گیا ہے۔

 عبدالرقیب کی  میت بیندور سرکاری اسپتال منتقل کی گئی ہے، جہاں پوسٹ مارٹم کے بعد شام چار بجے تک  میت کو گھروالوں کے حوالے کئے جانے کی توقع ہے۔

ایک نظر اس پر بھی

سرسی :ندی میں ڈوب رہے 2دوستوں کوبچا کر موت کا شکار ہوئے لڑکے کوحکومت کی طرف سے ’ہوئیسلا‘بہادری ایوارڈ

ندی میں تیرنے کے دوران  ڈوبنے والے  2 دوستوں کی حفاظت کرتے ہوئے موت کا شکار ہو ئے  سرسی کے   ہیمنت ایس ایم نامی لڑکے کو  کرناٹکا حکومت نے ’ہوئیسلا‘ایوارڈ سے نوازے جانے کا اعلان کیا ہے۔

شیرور توحید پبلک اسکول میں مستقبل کے معمار ’یوم ِ اطفال ‘ کا خوبصورت پروگرام

بچے پھولوں کی طرح معصوم ہوتے ہیں ،بڑے  جو کرتے ہیں بچے بھی  وہی سیکھتے ہیں اسی لئے بڑوں کو بہترین و مثالی  نمونہ  پیش کرنا چاہئے تاکہ مستقبل میں  بچے بھی انہی  کے نقش قدم پر چل کر  بڑے بنیں۔ان خیالات کا اظہار اسکول کے استاد مولوی ضیاء الرحمن رکن الدین ندوی نےکیا۔

بھٹکل :’حضرت محمدﷺبنی نوع انسان کے عظیم رہنما ‘عنوان کے تحت جماعت اسلامی ہند کرناٹک کی 16نومبر سے ریاست گیر سیرت مہم : ہرایک انسان کو نبی ﷺ کی سیرت کا مطالعہ ضروری

آپسی عدم اعتماداور نفرت کی فضا کو دور کرتے ہوئے امن وسلامتی ، بھائی چارگی اور انسانیت کا پیغام پہنچانے جیسے  نیک مقاصد کو لے کر جماعت اسلامی ہند حلقہ کرناٹکا کے زیراہتمام 16نومبر سے 30نومبر تک ’’حضرت محمد ﷺ بنی نوع انسان کے عظیم رہنما‘‘ کے عنوان سے ریاست گیرسیرت مہم ...

بھٹکل :میں ہتک آمیز جذبات نہیں رکھتا : پنچایت ممبر کی الزام تراشی کا رکن اسمبلی نے دیا جواب

ہوناور تعلقہ کیلگی نور پنچایت موگلی ائییپا مندر کونکال باہر کرنےکے معاملے میں تعلقہ پنچایت ممبر گنپیا گوڈا کی طرف سےلگائے گئے الزامات کا بھٹکل رکن اسمبلی سنیل نائک نے تحریری دیتے ہوئے کہا ہےکہ میں ایک شریف خاندان سے تعلق رکھتاہوں اور میری پرورش  انہی کے درمیان ہوئی ہے۔ غلط ...

کْولنگ ٹیکنالوجی میں اہم اختراعات کے تین ملین امریکی ڈالر انعام کا اعلان 

آج نئی دہلی میں دو روزہ گلوبل کْولنگ انوویشن سمٹ کے افتتاحی اجلاس کے دوران معیاری روم ایئر کنڈیشننگ(آر اے سی)کے مقابلے میں پانچ گنا کم ماحولیاتی اثرات کی حامل رہائشی کولنگ ٹیکنالوجی میں اختراع اور ترقی کو ترغیبات فراہم کرنے کے لیے ایک بین الاقوامی مسابقہ گلوبل کولنگ پرائز کا ...

شادی میں شرکت مہنگی پڑی : 9خاندانوں کا سماجی بائیکاٹ ؛آج بھی انسانیت سوز روایت زندہ ؟

گاؤں کے ذمہ دار کی اجازت کے بغیر شادی میں شریک ہونے پر 9خاندانوں کابائیکاٹ کرتے ہوئے انہیں گاؤں سے ہی باہر کئے جانے کا غیرانسانی واقعہ پیش آیاہے۔ سماجی مقاطعہ ، عدم تعاون جیسے ناسور آج بھی زندہ رہنے کی تازہ مثال ہے۔

مدھیہ پردیش : اقتدار میں آئے تو سرکاری دفاتر میں نہیں ہوگی آر ایس ایس کی نشست ، ملازمین پر بھی پابندی

مدھیہ پردیش میں انتخابی ماحول گرم ہے۔ سیاسی پارٹی ووٹروں کو لبھانے کے لئے زور شور سے تشہیر میں مصروف ہیں۔ تمام طرح کے وعدے کئے جا رہے ہیں۔ اس دوران کانگریس نے اپنا منشور جاری کر دیا ہے۔