بھٹکل 25/ستمبر (ایس او نیوز) جامعہ آباد سے آگے ہیبلے پنچایت حدود کے ہیرتار میں ایک بائک کے خاتون راہگیر سے ٹکرانے کے نتیجے میں خاتون شدید زخمی ہوگئی جس کی شناخت دُرگما منجپا موگیر(60) کی حیثیت سے کی گئی ہے۔ اسے بھٹکل سرکاری اسپتال میں ابتدائی طبی امداد کے بعد کنداپور روانہ  کیا گیا ہے۔ حادثہ اتوار کی شام قریب چھ بجے پیش آیا ۔ ذرائع نےبتایا کہ درگما روڈ کراس کررہی تھی کہ ایک تیز رفتاربائک اس سے ٹکرا کر بے قابو ہوتے ہوئے سڑک پر ہی گرگئی۔ حادثے میں بائک سوار جیتندر (24) کے ہاتھوں اور پیروں میں بھی چوٹیں آئی ہیں۔

حادثے کی اطلاع ملتے ہی 108 ایمبولنس سروس موقع واردات پر پہنچ گئی اور زخمیوں کو فوری طور پر سرکاری اسپتال پہنچایا۔

بھٹکل مضافاتی پولس تھانہ کے اہلکار بھی خبر ملتے ہی سرکاری اسپتال پہنچے اور ضروری معلومات حاصل کی۔