پٹنہ، 24 مارچ (ایس او نیوز؍آئی این ایس انڈیا) بہار بی جے پی کی سینئر رہنما اور سابق ممبر پارلیمنٹ پتل کماری نے بہار میں این ڈی اے کے لئے مشکلیں کھڑی کر دی ہیں۔ ٹکٹ کٹنے کے بعد پتل کماری آزاد انتخابات لڑیں گی۔پتل کماری بانکا سیٹ سے موجودہ ایم پی ہیں۔اتحاد میں سیٹ بٹوارے کے بعد یہ سیٹ جنتا دل یونائٹیڈ کے اکاؤنٹ میں چلی گئی۔پتل دیوی کا کہنا ہے کہ بانکا کے پورے علاقے میں کوکا تنظیم کھڑا کیا، انہوں نے کہا کہ کارکنوں کا مطالبہ ہے کہ وہ ان کے سوابھیمان کے انتخابات لڑیں۔انہوں نے کہا کہ پی ایم مودی کو ایک بار پھر وزیر اعظم بنانے کے لئے ووٹ مانگ رہی ہیں۔پتل کماری بانکا سے ممبر پارلیمنٹ رہ چکے سابق مرکزی وزیر دگوجے سنگھ کی بیوی ہیں۔سال 2010 میں دگ وجے سنگھ کے انتقال کے بعد ان کی بیوی کو ٹکٹ دیا گیا تھا۔جہاں سے انہوں نے 2014 میں جیت بھی درج کی ہے۔اب یہ سیٹ جے ڈی یو کے اکاؤنٹ میں جا چکی ہے اور پارٹی نے وہاں سے بین الاقوامی شوٹر شریشی سنگھ کو اتارنے کی پیشکش کی ہے۔بتا دیں کہ مہاگٹھ بند ھن میں ان انتخابات سے پہلے بہار میں اتحاد کا نیا فارمولا بنایا گیا تھا، جس کے تحت بی جے پی کے پاس 17 سیٹیں آئیں۔17 سیٹوں پر جے ڈی یو اپنے امیدوار اتارے گی تو وہیں 6 سیٹوں پر رام ولاس پاسوان کی پارٹی ایل جے پی انتخاب لڑے گی۔نئے فارمولے کی وجہ سے کئی موجود ممبران پارلیمنٹ کے ٹکٹ کٹ گئے ہیں کیونکہ 2014 میں بی جے پی نے 30 سیٹوں پر اپنے امیدوار اتارے تھے اور 22 پر انہیں کامیابی ملی تھی۔