کونسل میں رپورٹیں داخل کرنے کے معاملہ میں تاخیر متوفی ڈپٹی میئر رامیلا اوما شنکر کا آخری انکشاف

Source: S.O. News Service | By Shahid Mukhtesar | Published on 10th October 2018, 11:36 AM | ریاستی خبریں |

بنگلورو،10؍اکتوبر(ایس او نیوز) بلدی افسران بروہت بنگلورو مہا نگرا پالیکے ( بی بی ایم پی) کونسل کے سامنے انتظامی اور حسابات سے متعلق رپورٹیں پیش کرنے میں ناکام رہے ہیں۔اس بات کا انکشاف پچھلی جمعہ کو اچانک حرکت قلب بند ہوجانے کی وجہ سے وفات پانے والی شہر کی نو منتخب ڈپٹی میئر رامیلا اوما شنکر نے ایک داخلی گشتی مراسلہ میں کیا تھا۔انہوں نے یہ گشتی مراسلہ اکتوبر کی 3 تاریخ کو جاری کیا تھا اور اس کے ذریعہ مذکورہ تاخیر کے لئے افسران کی کھنچائی کر تے ہوئے انہوں نے بی بی ایم پی کمشنر کو ہدایت دی تھی کہ فوراً ایک میٹنگ طلب کی جائے۔بی بی ایم پی افسران نے تصدیق کی ہے کہ اس معاملہ میں واقعتاً تاخیر ہوئی ہے اور کئی سالوں کی رپورٹیں ابھی تک کونسل کے سامنے پیش نہیں کی جا سکی ہیں۔بلدیہ کے ایک اعلیٰ افسر نے بتایا کہ سالانہ انتظامیہ رپورٹ سال 2011-12 سے اب تک پیش نہیں کی گئی ہیں اور حسابات سے متعلق آڈٹ رپورٹ سال 2014-15 سے اب تک التواء میں پڑی ہوئی ہیں۔انہوں نے بتایا کہ ’’آڈٹ رپورٹ کو چیف آڈیٹر کے ذریعہ اکاؤنٹس کمیٹی کو پیش کرنا ہوتا ہے، لیکن یہ معاملہ التواء میں پڑا ہوا ہے اور بی بی ایم پی کونسل کی طرف سے بھی اس کی منظوری باقی ہے، جبکہ انتظامیہ سے متعلق رپورٹ کو سال 2011 کے بعد سے اب تک مرتب ہی نہیں کیا جا سکا ہے‘‘، انہوں نے مزید کہا کہ ان میں سے بعض معاملات میں تاخیر بلدیہ کے مختلف شعبہ جات کے سربراہوں کی طرف سے پیش آرہی ہے۔کئی ایسے بھی معاملات ہیں جن میں رپورٹ پیش کردی گئی ہے لیکن کونسل کی طرف سے ابھی ان کی منظوری کی کارروائی باقی ہے۔افسر نے کہا کہ ’’ہمیں اس بات کا اندازہ نہیں ہے کہ کچھ رپورٹیں کونسل کے اجلاس میں بحث کے لئے کیوں نہیں لائی گئی ہیں اور اس طرح پچھلے آٹھ مہینوں سے زیر التواء پڑی ہوئی ہیں‘‘۔شہر کی مےئر گنگامبکا ملیکارجن نے کہا کہ وہ اس معاملہ کی جانچ کرائیں گی۔

ایک نظر اس پر بھی

کاروار: کائیگا پلانٹ توسیعی منصوبہ۔ عوامی احتجاج کے درمیان افسران نے منعقد کیا عوامی اجلاس

کائیگا جوہری توانائی اسٹیشن میں مزید دو یونٹس کا اضافہ کرنے کے منصوبے پر عوامی رائے جاننے کے لئے سرکاری افسران نے کائیگا ٹاؤن شپ میں اجلاس منعقد کیا جبکہ ٹاؤن شپ سے باہر موجودہ اور سابق اراکین اسمبلی کی قیادت میں سیکڑوں افراد نے توسیعی منصوبے کے خلاف احتجاجی مظاہرہ کیا۔

بنگلورومیٹرو برڈج میں خرابی کا نائب وزیراعلیٰ پرمیشور نے معائنہ کیا

شہر کے ایم جی روڈ پر ٹرینٹی سرکل کے قریب ایم جی روڈ بیپنا ہلی میٹرو روٹ کے پلر نمبر 155کے قریب ایک بیم میں دراڑ کا آج نائب وزیراعلیٰ ڈاکٹر جی پرمیشور نے معائنہ کیا اور کہاکہ اس سلسلے میں مرمت کا کام جاری ہے۔

زہریلے کھانے کا معاملہ، اعلیٰ سطحی جانچ کرانے سدارمیاکا مطالبہ

کرناٹک کے سابق وزیر اعلیٰ اور مخلوط حکومت کے کورابطہ کمیٹی کے صدر سدارمیا نے سُلوادی گاؤں کے مرمَّا مندر میں زہریلا کھانہ کھانے سے 11 عقیدتمندوں کی موت اور 80 افراد کے بیمار ہونے کے معاملے کی اعلیٰ سطحی جانچ کا مطالبہ کیا ہے ۔