بیدر کےسرکاری اسکول میں جماعت ہشتم کے طلباء میں حکومت کی جانب سے سائیکلوں کی تقسیم

Source: S.O. News Service | By Shahid Mukhtesar | Published on 13th August 2017, 1:27 AM | ریاستی خبریں |

بیدر،11/اگست(ایس او نیوز/محمدامین نوازبیدر)بیدر شہر کے قدیم سرکاری ایم پی ایچ ایس مستعیدپورہ اسکول میں آج مدرسہ ہذا کے جماعت ہشتم کے طلباء میں حکومت کی جانب سے سائیکلوں کی تقسیم تقریب کا انعقاد عمل میں آیا۔اس تقریب   کی صدارت جناب محمد نبی قریشی صدر ایس ڈی ایم سی کمیٹی مدرسہ ہذا و رکن بلدیہ بیدر نے کی جبکہ مہمان ِخصوصی کی حیثیت سے مجلسِ بلدیہ بیدرکی نائب صدر شاتلینی چنتا منی اور مولانا حافظ عمر اشاعتی نے شرکت کی۔اس موقع پر جناب محمد نبی قریشی رکن بلدیہ بیدر نے کہا کہ حکومت کی جانب سے طلباء کو حصول تعلیم کیلئے مُختلف مفت سہولیات فراہم کی جارہی ہیں جیسے نصابی کتابیں‘ یونیفارمس‘دوپہر کا کھانا اوردیگر سہولیات کے ساتھ ساتھ اسکالرشپ‘اور جماعت ہشتم کی کے طلباء کو سائیکل مفت دی جارہی ہے۔اتنی ساری سہولیات کے بعد اگر ہمارے بچے مدرسہ میں غیر حاضر رہتے ہیں اور مدرسہ نہیں آتے تو یہ ہمارے لئے نہایت ہی افسوس کی بات ہے۔ انھوں نے تمام اولیائے طلباء سے اپنے بچوں کو مکمل یونیفارمس کے ساتھ مدرسہ روزانہ پابندی سے روانہ کرنے کی تاکیدکی۔اس موقع پر مہمانانِ خصوصی کے ہاتھوں طلباء میں سائیکلوں تقسیم عمل میں آئی۔اور تمام طلباء میں شیرینی تقسیم کی گئی۔اس موقع پر مدرسہ ہذا کے میر معلم محمد سلطان نے تمام شرکائے تقریب کا شکریہ ادا کیا۔تقریب کے انعقاد کے انتظامات میں رافع شکیل احمد جعفری معلم‘ اور معلمات میں نسرین فاطمہ‘ تبسم بیگم‘ گورما‘ عائشہ سُلطانہ‘فرزانہ بیگم‘ نے بڑھ چرھ کر حصہ لیا۔

ایک نظر اس پر بھی

نتن گڈکری 500کلومیٹر شاہراہ سے متعلق پروجیکٹوں کا سنگ بنیادرکھیں گے

سڑک ٹرانسپورٹ اور شاہراہوں، جہاز رانی، آبی وسائل، ندیوں کی ترقی اور گنگا کی صفائی کے وزیرنتن گڈکری آج کرناک کے شموگہ ضلع میں 873.5 کروڑ روپے مالیت کے 138.5 کلومیٹر شاہراہوں کے پروجیکٹوں سے متعلق سنگِ بنیادرکھا۔

کسان لیڈر پٹنیا چل بسے۔21؍فروری کو آخری رسومات بشمول وزیراعلیٰ کئی قائدین نے آخری دیدار کیا۔ کسان برادری کا ناقابل تلافی نقصان

کبڈی کا کھیل دیکھنے کے دوران دل پر شدید دورہ پڑنے سے کل فوت ہوجانے والے کسان لیڈر و رکن اسمبلی کے ایس پٹنیا کی آخری رسومات چہارشنبہ 21فروری کو ان کے آبائی گاؤں کیتناہلی میں ادا کی جائیں گی۔

22فروری ووٹر لسٹ میں نام داخل کرنے کی آخری تاریخ؛ کرناٹکا کے عوام توجہ دیں

اگلے دوایک مہینوں میں منعقد ہونے والے اسمبلی انتخابات میں حق رائے دہی استعمال کرنے کے لئے فہرست رائے دہندگان (ووٹرلسٹ) میں نام شامل کرنے کا سلسلہ جاری ہے۔ اس سلسلے میں الیکشن کمشنر  کی طرف سے جاری بیان کے مطابق 22فروری نام درج کروانے کی آخری تاریخ ہوگی۔

بنگلور میں 12 مارچ سے ہوگی ،کے اے ایس اور آئی اے ایس امتحانات کیلئے مفت کوچنگ؛ مسلمانوں کے لئے سنہرا موقع

اگلے ماہ 12 مارچ سے طہ ایجوکیشنل ٹرسٹ بنگلور کی جانب سے کے اے ایس اور آئی اے ایس امتحانات میں حصہ لینے والوں کے  لئے  مفت کوچنگ کا انتظام کیا گیا ہے، جس میں شریک ہوکر امتحانات میں حصہ لینے والے خواہش مند طلبہ و طالبات  فائدہ اُٹھاسکتے ہیں۔

بنگلور میں جے ڈی ایس کا شاندار اجلاس؛ مایاوتی کی شرکت؛ کہا مودی حکومت اب آخری سانس لے رہی ہے؛ کمارسوامی نے جاری کی 126 اُمیدواروں کی پہلی فہرست

شہر کے یلہنکا میں جنتادل (ایس) کا  شاندار جلسہ کمارا پرو یاترا کنونشن کے نام پر سنیچر شام کو منعقد ہوا ، جس میں ریاست کے مختلف گائوں اور دیہاتوں سے کثیر تعداد میں لوگوں نے   شرکت کی۔ اس موقع پر سابق وزیراعلیٰ  کماراسوامی نے  ریاست کرناٹک میں آئندہ دو  تین ماہ بعد ہونے والے ...

سدارامیا اور دیش پانڈے کے ہاتھوں ای وہیکلس کاآغاز فضائی و صوتی آلودگی پر قابو پانے بجلی سے چلنے والی سواریاں ناگزیر

ایوان سیاست ودھان سودھا کے اطراف ہمیشہ سیاسی ہماہمی اور قائدین کی گہما گہمی رہتی ہے۔ لیکن ہفتہ کے دن یہاں کا منظر کچھ بدلا ہوا تھا۔ ودھان سودھا کے سامنے آج نیلی رنگ کی کاروں، دوپہیہ گاڑیوں اور آٹو رکشاؤں کی قطاریں دیکھی گئیں ۔