نئی دہلی ،06؍جون(ایس او نیوز؍ آئی این ایس انڈیا ) دہلی پولیس کی اسپیشل سیل نے پونے پولیس کے ساتھ مشترکہ آ پیرشن کرکے کورے گؤں تشدد کے ملزم رونا جیکب ولسن کو دہلی کے منیرکا واقع ڈی ڈی اے فلیٹ سے گرفتار کیا ہے۔وہیں پونے پولیس نے ممبئی اور ناگپور سے بھی تشدد کے 1-1ملزم کو پکڑا ہے۔یعنی کل گرفتاریاں 3ہو گئی ہیں۔پولیس کے مطابق رونا جیکب ولسن پیشے سے مصنف اور انسانی حقوق کے کارکن ہیں اور ان کے تار نکسلیوں سے جڑے ہوئے ہیں۔پولیس نے رونا جیکب ولسن کو پٹیالہ ہاؤس کورٹ میں پیش کیا۔جہاں سے اسے دو دن کی ٹرانزٹ ریمانڈ پر بھیج دیا گیا ہے اور 8جون کو پنے میں مقامی عدالت میں پیش کیا جائے گا۔پونے پولیس نے کورٹ میں کہا کہ رونا نام ایف آئی آر میں نہیں تھا، لیکن 15 اپریل کو جب اس کے گھر میں چھاپہ ماری ہوئی تھی تب کچھ قابل قابل اعتراض چیزیں ملی تھی ۔رونا کی طرف سے مہاراشٹر اور چھتیس گڑھ میں نکسلیوں کو میل بھی بھیجے گئے تھے۔غور طلب ہے کہ 31 دسمبر 2017 کو پونے میں ایلگار کونسل کا انعقاد کیا گیا تھا۔اس کونسل کے دوسرے دن کوریگاؤں-بھیما میں تشدد ہوا تھا۔