بھیم سنگھ کے بڑے بھائی جگن سنگھ کو رشتہ داروں اور دوستوں نے خراج عقیدت پیش کیا
جموں:13/ اگست (ایس او نیوز/آئی این ایس انڈیا)پروفیسر بھیم سنگھ کے بڑے بھائی صوبیدار جگن سنگھ کو خراج عقیدت پیش کرنے کی تقریب ان کے آبائی گاوں چننتا ، تحصیل رام نگر میں گزشتہ روز منعقد ہوئی جس میں سیکڑوں رشتہ دار وں اور دوستوں نے شرکت کی ۔ تعزیتی تقریب میں شامل ہونے والوں میں جناب ہرش دیو سنگھ، جناب بلدیو سنگھ منکوٹیا(دونوں بھتیجے) ، محترمہ سمتا دیوی (بہن) ، مسٹر شمشیر سنگھ، مسٹر انرودھ سنگھ، پرکشت سنگھ، چندر دیو سنگھ، کلدیو سنگھ، وشو دیو سنگھ، محترمہ مینا دیوی، دھرو دیو سنگھ، سرجیت سنگھ ڈمپل (بھتیجی اور بھتیجے)، کیپٹن وجے سنگھ، کرتار سنگھ(ریٹائرڈ تحصیلدار) ، جگدیو سنگھ اور دیگر شامل تھے جو جموں میں مختلف مقامات پر پھیلے ہوئے ہیں۔پروفیسر بھیم سنگھ نے خود سے دو برس بڑے بھائی صوبیدار جگن سنگھ کو خراج عقیدت پیش کرتے ہوئے کہاکہ میں نے اپنے تعلیم حاصل کرنے کے دور (1948سے 1950) کے درمیان بڑے بھائی سے بہت کچھ سیکھا ہے۔انہوں نے کہاکہ میرے بھائی مجھ سے ایک برس سینئر تھے اور وہ اپنی تعلیم مکمل کرنے کے بعد فوج میں شامل ہوگئے۔ان کے پسماند گان میں تین بیٹے، تین بیٹیاں اوربیوی ہے۔تمام بچوں کی شادی ہوچکی ہے اور خوشحال زندگی گزار رہے ہیں۔پروفیسربھیم سنگھ کے پانچ بھائی ہیں جن میں سے تین بڑے اور دو چھوٹے ہیں اور اس وقت تمام بھائیوں وہ تنہا ہی باحیات ہیں۔