بھیم ایپ 1.6کروڑ سے زیادہ بار ہوا ڈاؤن لوڈ، جلد آئے گا نیا ورژن
بھونویشور، 24؍جولائی(ایس او نیوز؍آئی این ایس انڈیا)قومی پیمنٹس کارپوریشن آف انڈیا (این سی پی آئی)نے پیر کو کہا کہ اس کے بھیم (بھارت انٹرفیس فون منی)ایپ کے کل ڈاؤن لوڈ 1.6کروڑ سے زیادہ ہو گئے ہیں۔اس کے ساتھ ہی بھیم ایپ کے فعال کسٹمر بیس 40لاکھ ہے اور اس کا نیا اپ گریڈ ورژن جلد ہی جاری کیا جائے گا۔قابل ذکر ہے کہ بھیم ایپ موبائل کے ذریعے سادہ، ہموار اور فوری ادائیگی کا مشترکہ پلیٹ فارم ایپ ہے۔این سی پی آئی کے منیجنگ ڈائریکٹر اور سی ای او اے پی ہوتا نے کہا کہ بھیم ایپ کو 30دسمبر 2016کو شروع کیا گیا تھا اور اس کے بعد سے اس کے ذریعے ہونے والا لین دین ہر ماہ مسلسل بڑھ رہا ہے۔1.6کروڑ لوڈ ڈیجیٹل لین دین اور کیش لیس سوسائٹی بنانے کی سمت میں بڑی کامیابی ہے۔انہوں نے کہا کہ اس وقت اس ایپ کو 1.3ورژن گوگل پلے اسٹور اور ایپل اسٹورپردستیاب ہے۔اس کا نیا ورژن (ورژن 1.4)جلد ہی پیش کیا جائے گا۔