بھٹکل جامعہ آباد روڈ پر’’بھٹکل اسپورٹس‘‘ کا شاندار افتتاح : کھلاڑیوں کی ضروریات کا ہرسامان دستیاب
بھٹکل:7/ اکتوبر (ایس اؤنیوز)بھٹکلی کھلاڑیوں کی کھیل ضروریات کو سامنے رکھتے ہوئے کھیل اشیاء کو مناسب اور رعایتی داموں میں فراہم کرنے کے لئے بھٹکل کے جامعہ آباد روڈ پر ’’بھٹکل اسپورٹس‘‘ نامی شوروم کا افتتاح عمل میں آیا۔
5اکتوبر بروزجمعرات بعد نماز فجر، جامعہ اسلامیہ بھٹکل کے مہتمم مولانا مقبول کوبٹے ندوی کی دعا سے ’’بھٹکل اسپورٹس ‘‘ کا خوبصورت افتتاح عمل میں آیا جس کے بعد بعد نماز عصر بھٹکل رکن اسمبلی منکال وئیدیا کے ہاتھوں ربن کاٹ کر شوروم کا علامتی افتتاح کیا گیا۔
افتتاحی تقریب میں مولانا مقبول ندوی نے تجارت میں ہمیشہ ایمانداری اور دیانتداری سے کاروبار کرنےکی طرف توجہ دلاتے ہوئے تجارتی میدان میں کامیابی کی دعاکی۔ جبکہ رکن اسمبلی منکال وئیدیا نے اپنے خطاب میں کہا کہ بھٹکل اسپورٹس ڈاٹ کام کے ذریعے وسیم کے ایم نے پہلے بھٹکل کے تمام کھلاڑیوں کے ریکارڈس جمع کرنے کا شاندار کام انجام دیا ہے جس کے نتیجے میں بھٹکل کے تمام کھلاڑیوں کو آگے بڑھنے میں بے حد ممد ومعائون ثابت ہورہا ہے، مگر اب انہوں نے اسپورٹس کی تمام ضروریات کو پوری کرنے کے لئے بھٹکل میں نئے شوروم کی بنیاد رکھی ہے، جس کے ساتھ ہی اب بھٹکل شہر کے کھلاڑیوں کو کھیل کے ہرشعبہ کی ضروری اشیاء کو مہیا کرتے ہوئے بڑا کام کیا ہے ، اس موقع پر انہوں نے وسیم کے ساتھ اپنی نیک تمناؤں کااظہارکیا۔
اس موقع پر گفتگو کرتے ہوئے وسیم کے ایم نے بتایا کہ پچھلے تین سالوں سے بھٹکل کھیل کی دنیا کو جدید دور کے تقاضوں سےہم آہنگ کرتے ہوئے ’’بھٹکل اسپورٹس ڈاٹ کام ‘‘کے ذریعے انٹرنیٹ کی دنیا میں بھٹکل کے کھلاڑیوں کاتعارف اور ان کے کھیل کے ریکارڈ کو محفوظ کیا جارہاہے۔ جس سے بھٹکل کے کھلاڑیوں کو باہر کی ٹیموں میں بھی کھیلنے کے مواقع پیدا ہورہے ہیں، اسی کے ساتھ ساتھ اب بھٹکل اور اطراف کے علاقوں کے کھلاڑیوں کو کھیل سے جڑ ی ہر طرح کی سہولیات بہم پہنچانے کے لئے اس نئے شوروم کا افتتاح کیا گیا ہے ۔ انہوں نے بتایا کہ بھٹکل کے ہرکھلاڑی کو یہاں اپنےکھیل کے تمام اشیاء مناسب قیمت پر فراہم تو کریں گے ہی ساتھ ساتھ تعلیمی اداروں کے لئے خصوصی رعایت بھی دی جائے گی ۔ تقریب میں بھٹکل مسلم یوتھ فیڈریشن کے ذمہ داران عبدالواجد کولا، عبدالسمیع میڈیکل ، نثار احمد رکن الدین، کے ایم صفا، قذافی شاہ بندری، نصر اللہ عسکری وغیرہ موجود تھے۔