یلاپور حادثے میں شدید زخمی ہونے والے بھٹکل کے عبدالوہاب کی صحت میں سدھار؛ ڈاکٹر نے بتایا خطرے سے باہر؛ عوام سے دُعا کی اپیل
بھٹکل 4/ جون (ایس او نیوز) دو روز قبل یعنی جمعہ کو یلاپور میں ہوئے ایک سڑک حادثے میں شدید طورپر زخمی بھٹکل کے جناب عبدالوہاب کی صحت میں کافی سدھا ر آیا ہے، حادثے میں ان کا دایاں ہاتھ اور بایاں پائوں فریکچر ہوا تھا، مینگلور میں ہاتھ اور پائوں کا کامیاب آپریشن ہوچکا ہے، چہرے پر اسٹرینگ ٹکرانے سے جو چوٹ لگی تھی اُس کا بھی کامیاب آپریشن ہوچکا ہے، اُن کی انکھوں کو بھی مارہے، جس کا علاج اب جاری ہے۔ یہ بات جناب عبدالوہاب کے فرزند محمد شعیب نے بتائی۔
شعیب نے تمام لوگوں سے اپنے والد کی مزید صحت یابی کے لئے دُعا کی درخواست کی ہے۔
شعیب کے بقول حادثے میں شدید طور پر زخمی ایک اور شخص 62 سالہ پوکونجی ابراہیم کا بھی مینگلور اسپتال میں علاج جاری ہے، جس کی حالت ہنوز تشویشناک ہے اور شعیب نے اُس شخص کی صحت یابی کے لئے بھی دُعا کی درخواست کی ہے۔ جبکہ پچھلی سیٹ پر سوار 35سالہ فیضل کو معمولی چوٹیں آئی ہیں۔
شعیب نے بتایا کہ ان کے والد عبدالوہاب اپنے دوست پوکونجی ابراہیم کی کار پر سوار ہوکر بھٹکل آرہے تھے، جبکہ پوکونجی کو بھٹکل ہوتے ہوئے کولم (کیرالہ) جانا تھا، جس کے دوران یلاپور میں حادثہ پیش آیا۔ شعیب سے مزید تفصیلات کے لئے موبائل نمبر : 9482288664 91+ پر رابطہ کرسکتے ہیں۔
اس نیوز کے تعلق سے دو روز قبل شائع رپورٹ:
یلاپور میں سڑک حادثہ؛ بھٹکل کے ایک شخص سمیت تین شدید زخمی؛ بھٹکل کا زخمی شخص مینگلور شفٹ