بھٹکل:منی ودھان سبھا کی تعمیر کے لئے 10کروڑ روپئے منظور:رکن اسمبلی کی کوششوں کا نتیجہ

Source: S.O. News Service | By Abu Aisha | Published on 26th June 2016, 12:28 AM | ساحلی خبریں |

بھٹکل:25جون(ایس او نیوز) بھٹکل میں کئی سالوں سے یہ مانگ کی جارہی تھی کہ یہاں ایک منی ودھان سبھا کی تعمیر ہو، لیکن ابھی تک اس کے متعلق کوئی کارروائی آگے نہیں بڑھی تھی اب اس  خواب کی تعبیر پوری ہوتی نظر آرہی ہے ، یعنی بھٹکل میں منی ودھان سبھا کی تعمیر کے لئے ریاستی حکومت نے 10کروڑ روپئے منظور کئے ہیں۔  

ریاستی حکومت کا حکمنامہ ضلعی انتظامیہ کے پاس پہنچ چکاہے، منی ودھان سبھا کی تعمیر بھٹکل پی ڈبلیو ڈی محکمہ انجام دے گا۔ تعلقہ کے بندرروڈ پر واقع سرکاری ہاڑی زمین سروے نمبر 580 پر تین منزلہ عمارت منی ودھان سبھا کے لئے تعمیر کی جائے گی۔ تما م کمروں کے لئے وارڈ روب، اسٹوریج یونٹ، پارٹیشن کرسیاں،میٹنگ ہال ٹیبل کی سہولت ہوگی۔ عمارت میں جدید تکنالوجی کا لفٹ نصب کیا جائے گا۔ قومی شاہراہ سے منی ودھان سبھا کی عمارت تک کانکریٹ روڈ ، کناروں پر پاورس کرب اسٹون ، اسٹریٹ لائٹ نصب کئے جائیں گے۔ تعلقہ کی تقریباً تمام دفاتر ایک ہی جگہ ہونگی۔ فی الحال کرایہ کی عمارتوں میں اپنے کام انجام دے رہے محکمہ مزدور، تعلقہ سروے آفیس، محکمہ سماجی بہبودی ، ایکسائز محکمہ، محکمہ برائے فلاح وبہبودی خواتین و اطفال، معاون رجسٹرڈآفیس، محکمہ آب، محکمہ خزانہ وغیرہ ایک ہی جگہ پر دستیاب ہونگے۔ تحصیلدار کا دفتر، کورٹ ہال، نیمدی سینٹر، الیکشن دستاویزات کمرہ ، محکمہ خزانہ سمیت مختلف تحصیل محکمہ جات منی ودھان سبھا میں کام کریں گے۔

موصولہ اطلاعات کے مطابق بھٹکل اسسٹنٹ کمشنر کے لئے بھی ایک کمرہ مختص کیاجاسکتاہے۔ رکن اسمبلی منکال وئیدیا کی کوششوں کے نتیجے میں حکومت نے ایک ہی قسط میں 10کروڑ روپیوں کامنظور کرنا خاص بات ہے۔ اس تعلق سے اظہار خیال کرتے ہوئے رکن اسمبلی منکال وئیدیا نے کہا کہ عوام کو مختلف دفاتر کا چکر لگانے میں ہونےوالی دقتوں اور کرایہ کی وجہ سےحکومت پر ہونے والے معاشی دباؤ کو ختم کرنےکےلئے یہ قدم اٹھایا گیا ہے امید ہے کہ منی ودھان سبھا عوام کے لئے کافی سہولیات بخشے گا۔ رقم کی منظوری کے لئے انہوں نے ریاستی وزیر اعلیٰ سدرامیا کاشکریہ اداکیا ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...