بھٹکل:29/ جولائی(ایس او نیوز)مہادائی عدالتی بنچ کی طرف سے صادر کیاگیا  فیصلہ ریاست کےخلاف ہے انصاف سے روگردانی کی گئی ہے، اس  سے پہلے کہ شمالی کرناٹکا کے عوام کی آگ بھڑکے ، حکومت بیدار ہوجائے اور ریاستی عوام کو انصاف دلانےمیں اقدامات کرے ، اس بات کا مطالبہ جئے کرناٹکا بھٹکل شاخ نے کیا ہے۔

اس سلسلے میں سنگھا کی طرف سے بھٹکل اسسٹنٹ کمشنر کے ذریعے حکومت کو اپیل سونپی گئی ۔ اپیل میں تحریر کیا گیاہےکہ کرناٹکا کے عوام نے برسوں سے جو خواب دیکھا تھا عدالتی بنچ کے فیصلے سے بکھر گیا ہے۔ مہادائی ندی سے ملپربھا ندی کو پانی سپلائی کرنے والے ’’کلسا بنڈوری‘‘ منصوبے کے ساتھ عدالتی فیصلے سے نا انصافی ہوئی ہے۔فضول بہہ کر سمندر کو جانے والےپانی کو ریاستی  عوام نے پینے کے لئے دینے کی مانگ کی تھی، فیصلے سے ریاستی عوام کو سخت مایوسی ہوئی ہے۔ اس تعلق سے آئندہ ہونے والے واقعات کے لئے حکومت ہی ذمہ دار ہوگی، انہوں نے حکومت سے مطالبہ کیا ہے کہ اس سے پہلے کہ عوام سخت احتجاج پر اُترآئے، ریاستی عوام کو انصاف دلائے ۔ 30جولائی کو اعلان کئے گئے بند اور احتجاج کو جئے کرناٹکا سنگھ کی طرف سے مکمل حمایت حاصل ہونےکی بات اپیل میں تحریر کی گئی ہے۔ اس موقع پر جئے کرناٹکا سنگھ کے تعلقہ صدر سدھاکر نائک، سکریٹری چندرو نائک، پانڈونائک، روی نائک جالی، سریش موگیر، ترومل نائک، تمپا ، وویک وغیرہ موجود تھے۔