بھٹکلی جماعت المسلمین مینگلور کی خوبصورت عید ملن تقریب؛ سینکڑوں ممبران کی شرکت

Source: S.O. News Service | By I.G. Bhatkali | Published on 16th July 2017, 4:06 AM | ساحلی خبریں | ان خبروں کو پڑھنا مت بھولئے |

مینگلور 15/ جولائی (ایس او نیوز)  بھٹکلی جماعت المسلمین مینگلور کی جانب سے سنیچر کو مینگلور کے  پرسٹیج اسکول کے اڈیٹوریم میں عید ملن کی شاندار تقریب منعقد کی گئی جس میں مینگلور کے رکن اسمبلی محی الدین باوا سمیت بھٹکل کے مختلف اداروں کے  ذمہ داران نے شرکت کرتے ہوئے جماعت  کی سرگرمیوں کی سراہنا کی۔ عیدملن میں ریفل ڈراء کےذریعے کافی انعامات ممبران میں تقسیم کئے گئے جس میں بڑا   بمپر پرائز ہونڈا ایکٹیوا کا قرعہ بھٹکل کے نوجوان وکیل ایڈوکیٹ سمیر قاسمجی کی اہلیہ کے نام نکلا۔

عیدملن میں مینگلور میں تعلیم حاصل کرتے ہوئے امتیازی نمبرات کے ساتھ کامیاب ہونے والوں کو انعامات و اعزازت سے نوازا گیا، جبکہ بھٹکل کی معروف شخصیت اور کئی ایک سماجی و تعلیمی اداروں  میں خدمات انجام دینے والے مرحوم عبدالغنی محتشم کی خدمات کی سراہنا کرتے ہوئے اُن پر ایک مختصر ڈوکومینٹری پیش کی گئی اور اُن کی خدمات کے تعلق سے نئی جنریشن کو متعارف کرایا گیا۔

پروگرام کاآغاز مولوی سالم خلیفہ کے فرزند عبدالرحمن کی تلاوت کلام پاک سے ہوا، محمد ابراہیم بھالّی نے اس کا انگریزی  ترجمہ پیش کیا۔

بھٹکلی جماعت المسلمین مینگلور پر ایک خوبصورت ڈوکومینٹری پیش کرنے کے بعد عید ملن کمیٹی کے کنوینر آفتاب حُسین کولا نے تمام مہمانوں اور حاضرین کا استقبال کیا۔ مینگلور کے ساحل ظہیر نے بہترین انداز میں اُردو، انگریزی اور کنڑا زبانوں میں نظامت کے فرائض انجام دئے۔

مہمان خصوصی کے طور پر تشریف فرما مینگلور کے رکن اسمبلی محی الدین باوا نے بھٹکل کے مسلمانوں کی تعریف کرتے ہوئے بتایا کہ بھٹکل کے مسلمان جس شہر اور جس ملک میں بھی جاکر رہائش اختیار کرتے ہیں ، وہیں پر ایک جماعت قائم کرکے آپس میں ایک دوسرے کے ساتھ جڑتے ہیں اور سالانہ عید ملن کی تقریبات کے ذریعے ایک دوسرے کے ساتھ ملنے ملانے کے پروگرام منعقد کرتے ہیں، انہوں نے مینگلور کے قریب بنٹوال میں گذشتہ کافی دنوں سے ہورہی  گڑبڑی کے واقعات کے پس منظر میں تمام لوگوں سے دعا کی درخواست کی کہ یہاں حالات معمول پر واپس لوٹ آئیں اور لوگ امن و امان کے ساتھ اور بھائی چارگی کے ساتھ رہ سکیں۔

بھٹکل کا سب سے بڑا قومی سماجی دارہ مجلس اصلاح و تنظیم کے صدرجناب ایڈوکیٹ مزمل قاضیا نے اپنے خطاب میں مینگلور کی پرانی تاریخ پیش کرتے ہوئے بتایا کہ یہاں قریب سو دیڑھ سو سال پہلے بھٹکلی حضرات کے ڈیڑھ سو سے زائد کاروباری ٹھکانے ہوا کرتے تھے، جو وقت کے  ساتھ ساتھ ختم ہوتے چلے گئے اور اب حالت یہ ہے کہ صرف 15/20 ہی کاروباری ادارے بچے ہیں۔انہوں نے بتایا کہ یہاں مینگلور میں سینکڑوں سال سے بھٹکلی جماعت قائم ہے۔انہوں نے اس بات پر خوشی کا اظہار کیا کہ آج پھر ایک بار واپس مینگلور میں لوگ اپنا  کاروبار شروع کررہے ہیں اور یہاں آج کل بھٹکل کے کافی بچے اعلیٰ تعلیم کے لئے بھی آرہے ہیں اور جماعت ان بچوں کے لئے ہوسٹل کا بھی انتظام کیا ہے۔ انہوں نے بتایا کہ مینگلور میں بزنس کرنے کے کافی مواقع  موجود  ہیں، انہوں نے بھٹکلی جماعت المسلمین مینگلور کے ذمہ داران سے درخواست کی کہ گلف کے جو لوگ یہاں کاروبارکرنا چاہتے ہیں، اُنہیں یہاں ہرممکن تعائون فراہم کیا جائے اور ان کی بزنس میں رہنمائی کی جائے۔ انہوں نے مینگلور میں مقیم تعلیم یافتہ حضرات سے اس بات کی بھی اپیل کی کہ وہ بھٹکل کے مختلف اداروں سے منسلک ہوکر اپنی خدمات پیش کریں، کیونکہ آج نیشنل ہائی وے فورلائن میں منتقل ہونے کے بعد   بھٹکل سے  مینگلور کا فاصلہ صرف گھنٹہ دیڑھ گھنٹہ کا ہوجائے گا۔

بھٹکل ابوالحسن  علی میاں ندوی اسلامک اکیڈمی کے جنرل سکریٹری مولوی الیاس جاکٹی ندوی نے اپنے تاثرات پیش کرتے ہوئے بھٹکلی جماعت المسلمین مینگلور کی سرگرمیوں اور خدمات کی تعریف کی ساتھ ساتھ انہوں نے مرحوم عبدالغنی محتشم کی خدمات پر تفصیلی روشنی ڈالی۔

صدارتی خطاب کرتے ہوئے جماعت کے صدر ایس ایم ارشد نے بتایا کہ سو سال سے بھی زائد عرصہ سے بھٹکلی جماعت المسلمین مینگلور یہاں اپنی خدمات انجام دے رہی ہے اور بالخصوص  غریب مریضوں کی مدد کرتی آئی ہے۔ انہوں نے بھٹکل اور اطراف کے علاقوں سے علاج معالجہ کے لئے آنے والوں کے لئے ہرممکن تعائون پیش کئے جانے کی بات کہی ساتھ ساتھ یہاں تعلیم حاصل کرنے کے لئے آنے  والے طلبا کے لئے ہوسٹل کے انتظام کا تذکرہ کیا۔ انہوں نے جماعت کی جانب سے کی جانے والی دیگر سرگرمیوں کا بھی مختصرجائزہ پیش کیا۔ انہوں نے جماعت کی جانب سے اگلے پروگراموں اور منصوبوں کے تعلق سے بھی حاضرین کو آگاہ کرایا۔

پہلی نشست  کے اختتام پر جماعت کے سکریٹری طلحہ اکرمی نے کلمہ تشکر پیش کیا۔

مہمانوں کے تاثرات کے بعد مینگلور میں تعلیم حاصل کرنے ہونہار بچوں کو ایم اے غنی ایوارڈ سے نوازا گیا اور اُن کی مہمانوں کے ذریعے تہنیت کی گئی۔

بعد نماز مغرب بھٹکلی جماعت کی آواز پر اپنی خدمات پیش کرنے والے، غریب مریضوں کو فری علاج فراہم کرنے  والے اور جماعت کی درخواست پر اپنی جانب سے ہرممکن تعائون پیش کرنے والے مختلف ڈاکٹروں کی خدمات کی سراہنا کی گئی اور اُن کی تہنیت کی گئی۔

رات کی شاندار ضیافت کے بعد قریب 8:30  بجے پروگرام کی اگلی یعنی تفریحی نشست شروع ہوئی جس کی نظامت مولوی سالک برماور ندوی نے کی۔ نشست میں بچوں نے اپنی صلاحیتوں کا خوبصورت مظاہرہ پیش کیا بالخصوص بچوں کے مکالمات اور فینسی ڈریس سے حاضرین خوب محظوظ ہوئے، اس موقع پر معروف نائطی شاعر سمیع اللہ برماور اور  بھٹکل سے تشریف فرما نوفل دامودی نے بھی خوبصورت آوازمیں کلام سناتے ہوئے سامعین سے خوب داد وصول کی۔

آصف دامودی نے اس موقع پر کوئیز مقابلہ پیش کیا، تقریب میں بھٹکل کی مختلف جماعتوں اور اداروں کے ذمہ داران کی خدمات کا اعتراف کیا گیا اور اُنہیں اعزازات سے نوازا گیا۔ عید ملن تقریب میں کوئیز اور  مضمون نویسی مقابلوں میں اول ،دوم اور سوم آنے والوں کے لئے انعامات کا اعلان کیا گیا۔

آخر میں ریفل ڈراء کے ذریعے ممبران کو انعامات تقسیم کئے گئے۔ جنرل سکریٹری امتیاز دامدا، اوڈیٹر ایس ایم اشفاق، سرگرم رکن عبدالرحمن جان ،مصباح انصار، مصباح محمد حُسین ، سعود محتشم ، مولوی سالم ندوی، مولوی دوئود ندوی،  اشرف سعدا، جماعت المسلمین بھٹکل کے جنرل سکریٹری مولوی طلحہ رکن الدین ندوی، انجمن کے جنرل سکریٹری اسماعیل صدیق سمیت کافی دیگر ذمہ داران  موجود تھے۔

پورا پروگرام ساحل آن لائن پر لائیو ٹیلی کاسٹ کیا گیا تھا، جس کی ریکارڈنگ دیکھنے کے لئے مندرجہ ذیل لنک پر کلک کیا جاسکتا ہے

Bhatkali Jamatul Muslimeen Mangalore Eid milan 2017

ایک نظر اس پر بھی

بی جے پی کیخلاف کانگریس کا جاری کردہ ٹیپ جعلی، کرناٹک کانگریس رکن اسمبلی کابیان، کانگریس پریشان 

بی جے پی کے خلاف کانگریس کے ایک جاری کردہ ٹیپ سے کانگریس کی ٹکٹ پر جیت درج کرنے والے یلاپور کے رکن اسمبلی شیورام ہیبار نے پارٹی کی جانب سے جاری کردہ ٹیپ کو جعلی قرار دیاہے۔ اور اس بات کو غلط قرار دیا ہے کہ بی جے پی کی طرف سے انہیں رقم کی پیشکش کی گئی تھی اور وزارتی عہدہ دینے کا بھی ...

فتح کے جشن میں پاکستان نواز نعرے بازی کا جھوٹا ویڈیو۔ مینگلور پولس اسٹیشن میں کانگریس کی طرف سے شکایت درج

بی جے پی کے وزیراعلیٰ ایڈی یورپا کے استعفیٰ دینے اور کانگریس جے ڈی ایس محاذ کے لئے حکومت سازی کی راہ ہموار ہونے کی خوشی میں منگلور و کے کانگریس دفتر میں جشن فتح منایاگیاتھا۔ لیکن اس تعلق سے ایک ویڈیو کلپ سوشیل میڈیا پر عام ہواتھا جس میں جشن کے دوران پاکستان نواز نعرے بازی ...

بھٹکل میں گائیوں سے بھری دو لاریوں پر حملے کے الزام میں گیارہ افراد گرفتار؛ کیاجانوروں کو بی جے پی لیڈر کے ڈیری فارم لےجایا جارہا تھا ؟

  تعلقہ کے مرڈیشور نیشنل ہائی وے پر کل رات ہوئی ہندو شدت پسند تنظیموں کے کارکنوں کی غنڈہ گردی کے واقعے کے بعد پولس متحرک ہوکر اب تک گیارہ لوگوں کو گرفتار کرنے میں کامیاب ہوگئی ہے، جبکہ دیگر حملہ آوروں کی تلاش جاری ہے۔

ڈیزل-پیٹرول کی قیمتیں اب تک کی سب سے زیادہ

ڈیزل اور پیٹرول کی لگاتار قیمتیں بڑھ رہی ہیں اور اب وہ اب تک کی سب سے زیادہ ہو چکی ہیں۔ کانگریس نے ڈیزل اور پٹرول کی قیمت پانچ سال میں سب سے اونچی سطح تک پہنچنے پر تشویش ظاہر کرتے ہوئے کہا کہ مودی حکومت کو ایندھن سے ہونے والی کمائی کا استعمال الیکشن جیتنے اور حکومتیں بنانے کے ...