بھٹکل انجمن کالج کے شارف قاضیا کو ملا یونیورسٹی لیول پر تیسرا رینک
بھٹکل:11/جنوری (ایس او نیوز)انجمن حامئی مسلمین بھٹکل کے زیر سرپرستی چلنے والے تعلیمی اداروں کے طلبا کی رینکنگ کی اڑان آسمانی بلندیوں کو چھورہی ہے، ہر سال یونیورسٹی سطح پر طلبا و طالبات کا رینکنگ حاصل کرنا روشن مستقبل کی نشاندہی کرتاہے۔
حال ہی میں اعلان کئے گئے کرناٹکا یونیورسٹی دھارواڑ کے شعبہ بی کام کے نتائج میں انجمن ڈگری کالج اینڈ پی جی سنٹر بھٹکل کے ہونہار طالب علم محمد شارف ابن محمد اقبا ل قاضیا یونیورسٹی سطح پر تیسرا رینک حاصل کرتے ہوئے قوم وملت کا نام روشن کیا ہے۔سال 2013تا 2016کے بی کام بیچ کے طالب علم شارف قاضیا نے کل 3700نمبرات میں سے 3505امتیازی نمبرات لے کر% 94.73کے ساتھ شاندار کامیابی حاصل کی ہے۔ خیال رہے کہ شارف قاضیا پی یو سی دوم میں بھی امتیازی نمبرات کے ساتھ کامیاب ہوئے تھے۔
اسی طرح انجمن کالج فار ویمن بھٹکل کی طالبات نے کرناٹکا اسٹیٹ ویمن یونیورسٹی وجئے پورا کی طرف سے اعلان کردہ بی کام کے نتائج میں 2طالبات نے رینک حاصل کرتے ہوئے شہراور کالج کو چارچاند لگائے ہیں۔ انجمن کی طالبات یسرا بنت محمد شعیب ایم ایس نے کل 3360نمبرات میں سے 2946نمبرات لے کر % 87.68کے ساتھ 4رینک اور اُمِّ حرم بنت محمد اسلم گوائی 3360نمبرات میں سے 2910نمبرات لے کر %86.61کےساتھ شاندارکامیابی دررج کی ہے۔طلباوطالباتکیامتیازی کامیابی پرقائدقوماورسرپرستِ انجمن ڈاکٹرسید خلیل الرحمن ایس ایم، صدرِ انجمن عبدالرحیم جوکاکو، جنرل سکریٹری صدیق اسماعیل، ایڈیشنل سکریٹری محمد اسحق شاہ بندری ، سکریٹری جاوید حسین آرمار، عہدیداران، ممبران ، کالج پرنسپالس، اساتذہ ، ساتھی طلبا وغیرہ نے دلی مبارکباد ی پیش کی ہے۔ ادارہ ساحل آن لائن بھی کامیاب طلبا و طالبات کو دل کی عمیق گہرائیوں سے مبارکبادی پیش کرتے ہوئے مستقبل کے لئے نیک خواہشات کا اظہار کرتاہے۔